بحبك موت
كنت شايل معايا حبى وكنت شايل احلامـى
كنت حاسس انى طاير مكنتش حاسب ايامى
لقيت طير طاير جنبى وطير غيره قدامى
واحد خد منى حبى والتانى خد احلامى
وسحابة بتسحبنى جواها بعيـد
خدت منى جناحاتى وسابتنى وحيـد
سمعت صوت قريب عرفت انه الحبيـب
كان صوت بكه وكان بكاه شديد
جريت انا عليه حاولت اوصل ليه
لقيتنى ببعد مش عارف اقرب ليـه
جريت على طول بعيد بحاول الخـروج
وهربت من السحاب ونطيت انا من فـوق
فكرت فى حاجة واحده مفيش بعده وجود
مفكرتش لحظة واحدة انى ممكن امـوت
عينيه بتبكى وانا نازل من فوق
وروحى بتتسحب وبتطلع لفوق
حسيت احساس غريب عرفت انى بموت
خفت على الحبيب خوف ملهوش حدود
اتمنيت امنية واحدة فى لحظة سكوت
اتمنيت اشوف حبيبى مرة قبل مموت
ابكى واخده فى حضنى
واقوله بحبك موت
واقوله بحبك موت
كلماتى
Dr.Emad
يارب تعجبكم





اضافة رد مع اقتباس










المفضلات