مشاهدة النتائج 1 الى 6 من 6
  1. #1

    تحقيق أو نبذه او قصه نتمنى تعجبكم ............اللي ما يفهمش كلمه يقولي

    لو طال بيا الشوق نرجعلك ونتمنى عسلك نذوق , نرجعلك و دمعتي عالعين, نحلفلك ما خلق ربي مثلك اثنين, انت بس اللي متمني نكون معاه وانت بس نفقد عمري في سباه وانت بس اللي غرامك شاغلني و يا غالي لأنك غالي اعذرني ....ما قصدت نجرح و إلا غلاك نهين ,كيف يا عمري يا نور العين؟
    لو كان حبك غلطة ما تلومني لأنه أنا القلب وانت نبضه, ليش هكي يا زها عيوني؟؟ بعد غاليتك جرحتني في مكنوني, أنا لا لعبت و لا كذبت عليك بس ذنبي كان إنه حبك قتلني , سلمتك كل شيء بس قلبك ما فهمني...و بعد غاليتك جاي تقولي خوان؟؟؟ ليش شن درتلك عشان تبقى ضدي انت والزمان ؟ ما كرهتك يا غاالي و لا نريد نجافي, انت زها روحي وانت أعز أولافي و انت بلسمي وانت دواي الشافي....
    حبيتك حب يشهد عليه الناس ملكت روحي و القلب والإحساس, فكيف توا جاي تقول اللي بينك وبينك خلاص؟
    لا ما نريده صوب غلاك جابلي التنهيدة, ومع هذا كله حبك عايش فيا لا قدرت ننسى و لا قدرت نلمسه بإيديا , لا عرفت كيف و لا عرفت ليش هويتك , بس عرفت إني أنا بجد غاليتك غلا ما صار...
    كيف تنساني و تقول حبك عكس التيار؟ هذا وين عرفت إنه ما ننفعوش لبعضنا بعد اللي صار؟ ليش تلوم وتقسى و عارف قلبي ما يوم ينسى...ليش وقت غاليتك سيبتني و ما نسيتك, سيبتني وقت ما استحقيتك , لكن خسارة ما عرفتك غدار...غدرت بيا يا عزيز عليا و أنا ما قدرت نجي عكس التيار, وينك انت يا دواي يا سر و أسباب غلاي؟
    كيف هنت عليك بعد هذا المشوار, شوق قطعنا و غلاك وغلاي تبعنا, عرفت سرك وسري وتوحدن الأسرار.
    بعد إيش جاي تقول لا ما صار؟ كيف يا غالي؟؟؟ كيف تنهى قلبك إنه يرد لداره و إنه ينسى مشواره ويهجرني و يقول ومالكش عندي مكان.
    كيف لك انت إنك تقول إنه حبي غلطة و ما كانش لك مشوار؟ حتى الكلام اللي بينا خذيته هزوه ونسيته في وقت النسوة وحتى الوعود و الحب ما كانش ليا كان منك انت يللي لعبت بيا يا غدار......
    اش عندك تقول بعد اللي درته و قلبي و عقلي هجرته من غير إنذار... بين يوم وليلة بعتني و نسيت هذك الأسرار..
    بعد إيش جاي تقول سامحيني ما كانش قصدي اللي صار؟
    نسامح واحد باعني و كذب عليا وما احترمنش و ما احترمش اللي بينا من حب خسارة ما نقدرش يا غدار.
    صحيح نا حبيتك و غاليتك و يشهد ربي عشقتك لوجه الله ولكن خسارة عكس ما ظنيتك مش لك الخير و الطيبة وشوق قلبي ولهيبه ......خساره ما عرفتش إنك بوجهين , كل يوم براي , يوم تحب ويوم تنسى إنك المفروض ليا و إحذاي...معاي و مانكش معاي...إش درتلك نا عشان بيا تغدر؟؟ ماكانش هذا العشم يللي حبيتك و غاليتك غلا ما صار.....
    فكر في كلامي قبل لا ننهو المشوار...مرت أيام و جت أيام و نا دمعتي سيالة في حبك ولت حالتي حالة , لا حسيتني ولا غاليتني و خليتني بلا قدر ... خسارة بعد اللي صار؟؟؟ تقول في عقلك شنو اللي صار؟؟ اللي صار قلبي سلمته و عقلي خليته بعيد باش ما يفكرش في بيعتك يا غدار....و جت الأيام اللي ندمت فيها على معرفتك و على قلبي اللي عطيته بلا تفكير... حيرتني و زدت الحيرة تحيير , إش درتلك باش تقاسيني و بعدها تنساني ؟إش درت فهمني؟؟؟ نبي نفهم يا خوان ....خنتني و بعتني بالسية و رميت اللوم و الكلام عليا و نا مازلت نغالي فيك ومازلت نقول نا نبيك...
    قتلي: لا ما تقسي و كيف تقدري تنسي... حبي لك و أيام غلاي؟؟ ... وحق غلاك اللي رميته لما قتلك نبيك , و حق غلاك اللي ما عمري ريته و غلاك اللي ضيعته بإيديك ما ننساك و ما ننسى إني ضيعت سنين معاك و إن قلبي تعلق بغلاك , و حق غلاك هذك اللي ذبحني حتى لو جاني الموت حنقوله ريحني بعد غيبتك ما يلزمني مشوار , و حق غلاك اللي سميته خفة و طيبة قلبي اللي قسيتها مش حننساك و حتى يوم موتي حنقول متت في سريب غلاك..........................
    اخر تعديل كان بواسطة » b4 i die في يوم » 29-01-2009 عند الساعة » 19:01
    العقل موش بالعمر ياما ناس كبار عقولهم صغيره
    وياما ناس صغار عقلهم يوزن بلاد
    °°°°°°°°°°°°°°°°°°°°°°°°°°
    ومش كل ضحك خفة معناه هلبه ناس تضحك باش ما تبكيش!!!!!!!!!!
    confusedboredcry


  2. ...

  3. #2
    حبيتك حب يشهد عليه الناس ملكت روحي و القلب والإحساس

    لقد أعجبتني يأختي كثيرا ولقد فهمت كلماتك

    ويسعدني أن أكون أول من يرد على خاطرتك

    جميل جدا

    وأحساسك في الكتابة أروع

    دام لكي إبداعك ودام لكي قلمك

    تقبلي مروري وشكرا لكي أختي
    أحبك والقلب مايذكر إلا طاريك ياروح قلبي M

  4. #3
    الغالية روح البنفسج 20


    سلمتي على ردك حبيبتي بارك الله فيك
    عجزت عن الرد ولكن أشكرك

  5. #4
    الشعر ممتاز اختي ولاكن ليس فية قوة العاطفة
    تقيمي لك 8.7/10

    وهو شعر العشاق على مستوى عالي اتمنى ان تفتحي اكثر من قدراتك الشعرية الرائعة

  6. #5
    مساش الله بالخير يالغالية.
    مهماء بعد الفراق عناء باتكونين دوم في القلب موجودة ,وهمزت وصالنء الشعر بايكون
    واعرفي انك عزيزة مهمء لك بايقولون

  7. #6
    شكرا أخي

    و شكرا جزيلا على تقييمك لي وان كانت درجي 8.5 فأنا لا أمانع لأني اقتربت من الابداع
    و سأحاول جاهدة في تحسين مستواي

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter