السلام عليكم ورحمة الله وبركاته
صارت لي مواقف كثيرة بحياتي ... بس ها من أغربها
والقصيدة من تأليفي
وأبا رايكم عشان أحسن من مستواي بالقصيد إذا في تعليق
القصيدة تقول:
مركزٍ في العاصمة هو نادرا ما أحدره
حتى لو جيته يكون الغض عندي فرض عين
فسق عيني عينك ادعي ربي لا ما ينشرة
لو سكتنا عنه احنا في وطننا هادمين
صادفت عيني مرة هي تدعي انها مرة
فعلها يثبت دنائة في عيون الراقيين
ماشية عكسي وقالت والله ماني موخرة
لا حياء ولا أنوثة حتى ماشي نطق زين
قلت يا حرمة دخيلج وقتي ما باخسرة
قالت ارجال الزمن ذا كل ابوهم صايعين
كل دنياكم غزل والعاب واكل ومصخرة
رد مني جا لها بسكوت عم الحاضرين
عيب يا بنت العرب يا أم عباية مخصرة
صوتج انتي عورةٍ هذا لو انج تعرفين
عيب يا كتلة وساخة بس وساخة معطرة
كلمتج ضدي تدل انج أبد ما تستحين
كلمتج يا بنت ماهي بقول بنت اموقرة
عينج ابنظرتها تنسى انها من ماء وطين
كعب يبني طول مزيف طولًج يالجيكرة
وانتي حتى طول مترٍ ما أظنج توصلين
كل ذا غير السنام اللي يعجِّز مسطرة
عن حسابه فوق راسج كيف له تتحملين ؟
جات تبكي دمع زايف بس تبغي معذرة
والكحل عالخد يذرف بانيٍ له شارعين
والكريم ابشعرها قطر كأنه مقطرة
بالصدف من شعرها طاحت بولهة شعرتين
لو تروح بهن تجاهد للعراق اتحرره
من شعرها حتى أمريكا بها ما تستهين
والهدرز ابها اشتغل من خشمها وهي تهدره
كل عطسه منًّها أربع طعش كيلو طحين
أسمعه جمسٍ يتفتف منّها في هسترة
واللي باقي انٍّها بيدها تأشر حبتين
قالت بكل سرعةٍ خلي كلامك وفرة
بسني منك دخيلك لا تزود كلمتين
آسفة منًّك كلامي قط ما باكررة
وانت تبغي تمر مر باعدة لك كل حين
جيت ابا امشي فيني ضحك وما بودي أظهره
كل ملامح ظحكتي جمعتها افغمازتين
رحت عنها منتصر ربي لعبده منصره
حمد لله احمده هو ربي رب العالمين
















المفضلات