الترقيم ظاهرة سيئة بس فيها مواقف طريفة و مضحكة ..
طبعا تعرفون وش المطلوب ..
نكتب مواقفنا ^_^
و أنا بابدأ
في يوم الخميس 9/8/1425 هـ ( في اليوم الوطني )
كنت في بيت honeyالحلوة و الحريم خططوا يروحون للـ فانتزي لاند ..
رحنا أنا و أختي و هوني و بنت خالتها ^_^ وناااااسة و ضحك و هبالة و سوالف ..
بس مره أنا و أختي و هوني كنا راجعين للكابينة الحالنا .. جا واحد يمشي عكس اتجاهنا .. و معه في يده شي أبيض صغير و كان يمد يده لي .. و أنا أناظره و مستغربة و علامات التعجب فوق راسي !!
بعدين يوم راح .. أنا و البنات ألتفتنا على بعض و كل وحده تقول : أحسبه سيجارة هههههههه تدرون وش الشي الأبيض اللي معاه ؟؟
مــــــخـــــــدرات
لا لا مو مخدرات خخخخخخخ
ورقة ترقيم ههههههههاي
إنا كملنا طريقنا إلى الكابينة ..
و كنت ملتفته على هوني و أكلمها .. و فجأة و إذا بصوت شاب يقول : خذي ..
أنا أرتعت روعة و أنصدمت صدمة و تفاجأت مره .. عشان الولد صوته قريب و هو قريب مره ( كأنه يتمشى معنا ) ..
كان ترتيبنا إنا البنات بهذا الشكل :
أنا – هوني – أختي
يعني هو على يميني .. أنا من الروعه شلت يدي اليمين ( كحركة دفاعية لصد أي هجوم متوقع خخخخخخ )
أنا سفهته و مشينا .. و هو يلحقني و هو ماد يده و يقول : خذي .. يا شيخة خذي
أنا ما قدرت أتحمل خاااااايفة .. دقيت ريوس و رجعت .. أختي شافتني أرجع و رجعت .. أما هوني متنحة ما تدري إننا رجعنا ههههههه واقفه في مكانها ما تحركت .. حتى الولد يوم شافني رجعت راح .. و هوني الهبلة متنحة .. بعدين وصل الإرسال لها و أستوعبت إننا رجعنا و جتنا و هي مقهورة : يا معفنات تركتوني الحالي .. ليش ما قلتوا لي ؟؟
بعدين كل وحده فينا تقص للثانية شعورها و ردة فعلها
أنا : شلت يدي ( هذيك الحركة الدفاعية خخخخخ ) و كنت ميته خوف و متوترة
أختي : تمشي بدون استيعاب خخخخ ( ترى عمرها 15 )
هوني : متنحة و مو مستوعبه شي و مرتاعة و متفاجأة
هذا موقفي ^_^
إذا عجبكم باكتب لكم موقف بنت أخوي ( نودي )
أبغاكم كلكم تكتبون
بنات و أولاد
أختكم الهبلة
Anastasia
المفضلات