ابيها بنت مختلفه ابيها غـــير كل النــــــاس
...... وابي كل البشر خلفه تلاحقها وتناظــــــــرها
ابيها عقد من فضه وابيها عقد من الماس
..... وابي غالي الذهب يبرق يحلي كل اساورهـــا
ابيها وسم في صدري وابيها رسم عالكراس
.... وابي تكتب حروف اسمي بصفحه من دفاتـــرها
ابيها وقت فعل الشر تكون لعقلي الوسواس
..... وابيها وقت فعل الخير هي اللي بس اشاورها
ابيها تضمني بالحيل وعلى صدري تحط الراس
..... وابيها وسط ذاك الليل نجومي اللي اسامرهــا
ابيها صوت يطربني يذكرني بصدى الاجراس
..... وابيها كـل لحظاتي .. من اولها لاخرهــــــــــــا
ابيها اطهر العالم بعمره ما وطا الادنــــــاس
.... وابي تقهر جميع الناس ولابه شي يقهرهــــــــا
ابيها دوم مبسوطه ابيها ماتشوف البــــــاس
... ابـيها تــكون لــي ورده تعــطرني واعطرهــــــــــا
ابي تسكن وسط روحي ابيها اقرب من الانفاس
... وابـي مــن غيــر ماتامر انفذ كل اوامرهـــــــــــــا
ابيها قصر في قلبي ابي ضلوعي تكون الساس
... وابي تفــرش قصــر حبي بلحظه من مشـــاعرها
ابيها تكون خاطرتي ابيها تكون لي احســـــاس
... وابي انا الوحيد الـلي تـــحبه في خواطـــــــــــرها
ابيها تموت في نزفي .. تحبه حب بدون قيـــاس
... وابي لامن قرت شعري تــضيع بــــحب شاعــرها
وسلامتكم
منقوووووووووووووله
اضافة رد مع اقتباس
المفضلات