عايز فرصة...
اجيلك مرة واحيّى
واقول الشعر بالعافية
بلا اوزان ولا قافية
ولو كل السموم شافية
سمومك انتى بتعيّى
اجيلك حد باب البيت
ومين حبك ف يوم زيّى
تشوفى السكه من نورك
ونورك فى الظلام ضيّى
*************
يا بدر وينسى احبابه
اجيله يرسم باب على بابه
وتنسى وردك الماضى
ومين للهوى جابه؟!!
************
دانا فى السما نجمه
وايش ضيّى جوار ضيك
وخد بالك من الحكمه
مفيش نور فى الهوى زيك
************
يا نور الدنيا على بالى
بحبك . كنزى بهديلك
بقولهالك وقولهالى
ورغم ان انا فوقك.
بس القمر ف الهوى عالى
************
بحبك أد نورك ف السنين
من ملايين . فاتت
وحب الناس . بعد الحياه
لكن . حبى انا قبل الميلاد
جوه القلوب ساكت
وكل حبيب ينسى حبيبه
اصل القلوب بعدها ماتت
*************
يا حب الكون. بغدر حبيب ميتأثر
حبيب الروح يسيبك لحظه يتحسر
ولو حبى كلام ملوش معنى
عشانك انت يتفسر.
ولو شاعر ف يوم جاب سيرتك
وقال ع القمر انه يدوب نور
أغِير انا ف ثانيه ويمكن
ابراج الهوى على راسه انا اكسر
**************
يا حب كبير ميتْحد
يا حب بنيته
وبنيت أدامه ووراه سد
ولو جابو
رمال الكون قصاد حبك..
هيه محصوره.
وحبك انت ملوش عد ...
***************



اضافة رد مع اقتباس


المفضلات