ليه كارهة انى اعيش
ليه توعدى انك جاية
وتغيبى عنى سنين ما تجيش
ليه جرحى لما ينزف
دوايا علاج ما يداويش
ليه كارهة تشوفك عينى
اوحتى مرة تضمينى
ليه رافضة كل حاجة
كانت فى يوم بينك وبينى
ليه كارهة حتى الكلام
او تلمحى بالخصام
يمكن باءشارة واحدة منك
يهدا قلبى ويوم ينام
ليه دايما تنسى اللى فات
ليه بتقضى عالذكريات
دالحب اللى كان ما بيننا
صوته غطى عالسكات
ليه رافضة منى كلمة
ما انت كنت ليه نجمة
منورة ليلى الطويل
ودليلى فى وسط العتمة
ليه نبكى بالدموع
ليه تطفى كل الشموع
اللى كانت لينا زمان
منورة طريق الرجوع
ليه يسيطر الكبرياء
ليه يصير ما بيننا جفاء
والكره يغطى كل حاجة
والعتمة تقضى عالضياء
ليه نقتل كل شىء
ونخنق جوانا حب برىء
والقلب اللى حس الحب
يموت صريع او حتى غريق



اضافة رد مع اقتباس

المفضلات