صديقتي تحب فتاة أخرى فباعتي من اجلها

[ملاك على الأرض]

السلام عليكم ورحمة الله وبركاته..

كيف حالكم جميعا..

في الحيقيقة لا اعرف كيف ابدأ موضوعي

..

لدي صديقة دائما تحب البنات

كل سنة في المدرسة تحب لها بنت وتتعلق فيها

حتى لو كانت هاذي البنت ماتعطيها وجه البته..

العام كانت تحبني ..

اما هالسنة صارت تحب بنت وش اقول لكم عنها..

هاذي البنت ابد ماتعطيها وجه

وسمعتها في المدرسة ابد مش زينة

وكذا بنت حذرتها من انها تصادقها

وانا بعد حذرتها وتعبت وانا انصحها واحاول فيها انها تبتعد شوي عنها

بس هي ماتسمعني ودائما تفكرني اغار من هاذي البنت

وانا اصلا خايفة عليها من ذيك البنت..

لأن سمعتها ابد مش كويسة اخاف عليها

وكـا دوري اني صديقتها المقربة جدا اني انصحها

بس هي ماترضى بالنصيحة دائما تقول لي القلب وما يهوى

هي شخصيتها ضعيفة احسها شوي

وكلا تلاحق في ذيك البنت اللي تحبها

وانا تعبت معاها كثيييييييييير


شو رايكم شو ممكن اسوي لها

في اكثر من النصيحة ..؟

انا كتبت الموضوع هنا اتمنى مساعدتكم

تدرين عندي صديقة نفس الحالة
بس لا تبتعدين عنها ابددًا
لانج لو ابتعدتي عنها ما بيبقى لها احد يحبها وينصحها ويوجهها

وبتضيع البنت وهالشي اكييد انتي ماترضينه لها صح؟؟

وصدقيني هالبنت ناقصة حنان من الوالدين لان لو مب ناقصة حنان ما سوت كذا
والمفرووض لو ماعرفتي شتسوين معاها
خبري اهلها ممكن تزعل منك في البداية بس بتعرف ان الي سويتها لمصلحتها

وااهم شي ادعي لها ان الله يوفقها ويبعدها عن صديقات السوء الي اهم مصدر لكل أخطاءها انا متاكدة من هالشي

وحاولي تجذبينها ناحيتج اكثر وعلميها شتسوي وعرفيها على بنات مثلج
بنات مؤدبين وخلوقين وماعندهم هالسوالف


انا غلطت مع صديقتي هذي قلت لها اما تبتعدين عن البنت الي تحبينها ولا انسيني
و لما تركتها زاادت
بس حسيت ان الذنب ذنبي انا لاني خليتها بدوون حد ينصحها
وقالت لي كلام حسسني بخطاي

والحين الحمدلله قلت هالحركات وصارت شوية احسن وان شاء الله مع الوقت بتعتدل ادعو لها يا جماعة

هاذي نصيحتي لج اما عن الي يقول اتركيها لانها بتخربج وبتغيرج للاسوء ما اعتقد هالكلام صحيح

لان الانسان الصالح والي متربي زين والي يداوم على ذكر ربه ويتمسك بدينه
ممكن يكون سبب لهداية غييره مب ينجرف معاهم

آسفة على الإطالة بس اتمنى انج تاخذين كلامين بعين الاعتبار وتطبقينه لان هذا ناتج عن تجربتي انا مع صديقتي

واحتسبي الأجرعند
المولى عز وجل


اختج ملاك على الأرض

[Old Shoe]

ما اعرف اذا كان كلامي مقنع ام لا
بس جربي نصيحتي يمكن تنفع
*اول شي انت ما تملكينها ولا تملكي احد غيرها أنت تملكين نفسك فقط
هي حرة بتصرفاتها وافعالها وقراراتها
انت عن حسن نية والله يجزاك خير تبين تساعدينها وحابه صداقتها بس فكري للحظة واسألي حالك :
((انا لو في يوم من الأيام طحت ولا أحتجت مساعده منها على حساب راحتها ومصلحتها هل بتساعدني؟؟))
معلومة صغيرة: على قولت جدتي كلن يدور مصلحته بهالدنيا ... محد حول احد

* أتفهم مشاعرك والالم الي تمرين به لكن انت عليك النصيحة مرة ومرتين بس بعدها انت سويتي الي عليك ولو وقعت هي بالخطاء فالوم حيكون عليها مش عليك

*هي حاسه انك محتاجة لها وعشان كذا مطنشتك اذا انت طنشيها بس ما اقصد بالمعنى الحرفي
الي اقصده عامليها بالحسنى سلمت عليك كلمتك ردي السلام وسولفي باختصار شديد ثم اعتذري بهدوء وادب
اذا ما سلمت عليك او طنشتك اذا قابلتيها وجه لوجه بادري بالسلام (وخيرهما من يبدأ بالسلام) اما اذا كانت من بعيد فابتعدي
يعني المختصر المفيد بعيد عن الهذرة : ( عامليها بالعدل مش بالحسنى ...الي يرضاة الله ورسولة سويه معاها بس الأصول والواجب بعيد عن الميانة)

*هذي النصيحة مجربة شخصيا وهي تنفع مع زوج زوجة اخ اخت صديق صديقه (يعني بتاع كله )
أسأل الله لك التوفيق والهداية

[حكيم الاقزام]

السلام عليكم ورحمة الله وبركاته

السراحة اعجبني كلام الاخت سبينت مسلم ..

فكلامها كله حكم وكذلك رد الاخ VAMPIER

يعني سالفة انك تبكين احسها قوية شوي

بس يعني من كلامك ان

احسست بذالك ايضا

انا دائما احاول ان اعوضها

لأني بمثل ماتفضلت لك ان امها ماذا اقول مريضة يعني

لاتعرف شيئا عن اعيالها

لذالك

امها معذورة ..

بالنسبة لأمها فهي مي معذورة من وجهة نظري
يمكن تكونين بديله عن امها بس ما راح تقدرين تعوضينها
جربي قوليلها كلام حسسيها بكرامتها لما تلحق بنت ماتعطيها وجه وانها تهين كرامتها عالفاضي يعني الي يقرى الردود يقول المسألة عدة الحب العادي
كحب اي صديق لصديقه وخوذي بنصيحة الاخ VAMPIER
والاخت سبينت مسلم فهما افضل بنظري