من الذي يشاركك همومك الخاصة ??

[حورية]

[Glow]راح نطرق اليوم للموضوع مهم لحياتنا الذى نعيشها اليوم 00

من الذي راح يشاركنا همومنا 00
هل الاهل أم الاصدقاء المقربين لك ؟
أم
لوحدك تعاني من هذه الظاهرة ؟

او تتنمى احد يشاركك همومك واهوه مب مهتم لك ؟

سؤال اتمنى من الجميع يتجاوب معى من الذى يشاركك همومك الخاصة بك ؟ وشلون تتخلص منها ؟





بالنسبة لي فإنني أحاول أن اكون وحيدة عندما أكون مهمومه ، حتى لا اضايق من حولي ، حتى وإن كان أقرب المقربين لي .

وأحياناً كثيرة أجد نفسي وحيدة أمام دفتري وقلمي ، ربما لأنهما الوحيدان القادران على تحمل همومي ..!! دون ملل [/ [/Glow]

[oO.قـمـر14.Oo]

السلام عليكم

حوورية انا تقريبا مثلج
يعني ما احب اشكي همومي لأحد
و كل شي داخلي يظل
صراااحة احس اني مخنووقة
انا ما اقدر أشكي هموومي حتى حق اقرب الناس لي
يمكن اقدر اشكيها لغريب بس مو للقريبين مني و ما ادري ليش
يمكن لأني مو لاقية أحد يفهمني و يحس فيني

عمووما مشكوورة حبيبتي عالموضووع الرووعة
و يسلمووو

اختج قمووره >_<

[تنين القمة]

السلام عليكم

بالنسبة لي ما أقدر أكتم همومي

ولكن ما أقولها لشخص واحد

عشان إذا قعدت على واحد تقول له كل شيء أكيد بيزهق ويقول

هذا شكل حياته كلها هموم في هموم .

بس أنا ما أقول أن همومي كثيره بس يعني أضرب مثال

وأنا يعني إذا طرت المشكلة على راسي أقول لصديقي اللي أمشي معه

في تلك اللحظة.











ومشكورة على الموضوع ................................

[سلطعون]

سلام عليكم

اذا كنت مهموم مستحيل يهدالي بالي

اهج و اتظارب مع اول شخص اقابله

و ابرد الحره الي فيني

هذا لاني عصبي زياده عن اللزوم

مع اني عارف ان هذا الشي غلط بس هذا طبعي

لاكن اقرب انسان لي هو الشخص الوحيد الي يساهم في تهداتي

اذا كنت مهموم في الوقت الي يكون معاي

ياخذ همومي كلها و يهدين و يطمني

علمني الهداوه و قلت عصبيتي عن قبل

الله يخليه لي ان شا الله و ما يفرقنا الى الموت




اشكرج يا الاخت على الموضوع

تقبلوا التحيات
سلطان

[V З И U S]

هاااي حورية .....مواضيعك رووعه مثلك حياتي
أنا بصراحه .......أنسانه حساسه .......وماأحب أضايق الناس اللي حولي بهمومي
لكن أكثر شخص اقول له كل شئ ويعرف عني كل شئ هو الوالد .....أنا عارفه انه هذا شئ غريب ....بس احس انه يفهمني كثير اكثر من اي شخص ثاني
مع خالص حبي
[Glow]نجمة[/Glow]

[العقرب الأسود]

السلام عليكم و رحمة الله و بركاته ممكن نقول أنا همومي لي أجلس بيني و بين نفسي و أتفكر في همومي و لا أقول لأحد و خاصة الأهل و الأقارب ممكن تقول لكي لا يقلقوا و لكن إذ وجد نصفي الاخر أقول له و أنفس عن مافي قلبي

[الدلع]

[الواحد اذا اشتكى لشخص اول مرة يمكن يلقى تعاطف لكن اذا تم كل مره يشتكي المستمع بيمل وهذا يقلل من قيمة الشاكي : undefined

[الدلع]

الله يعينك يا سلطان ويعين اللي حواليك يوم تعصب

[الوافي]

موضوع جميل جداً

أنا من ناحيتي دائما ما أفضفض لشخص صديق وقريب مني جداً

لكن ما أبوح له عن همومي في أغلب الأحيان إلا نادر

همومي ومشاكلي أبوح بها لشخص واحد فقط

هو أخوي الكبير

هو أكبر مني ب3 سنوات فقط يعني فاهمين بعض

ودائماً ألجأ له وأبوحله عن همومي ومصائبي الكبيرة

وألف شكر لك أختي حوريه على الموضوع الفـــانتستكـي


[Glow]لك كل التقدير ... الــوافـي [/Glow]

..

[واحد من الشباب]

موضوع حلو


الصراااحه انا قبل كنت اقول حق ربعي المقربين بعدين اكتشفت انهم ينشرونه

والحين احتفظ فيها لنفسي احسن لي

ودايما اقعد على السرير واحاتي وافكر باللي صار ومادري وشو <<< خبرج هالسوالف

وبس ثانكس على الموضوع

[shah_rukh_khan]

موضوعك مررررره روعه

انا اغلب همومي اشيلها لوحدي واذا في اشياء اقدر اقولها لا حد

قلتها لصديقتي وحبيبتي شابوره

[Warm Heart]

انا "أسيرة الكتمان"

مستحيل تطلع مني كلمه اذا كنت متضايقه او مهمومه

في الوقت الي اكون متضايقه ايلس على الكمبيوتر و افتح اي لعبه و العبها و ابكي

اطلع حزني بدموعي و اذا حد شافني امسح دموعي بسرعه و ما اخليه يلاحظ اني كنت ابكي

بس مره اختي شافتني و سألتني و قلت لها و كانت المره الوحيده

من بعدها و من قبلها ما يطلع مني شي

>_<

الكتمان ذابحني بس ما اقدر اسوي شي لاني اسيرته >_<




يسلموووووو على الموضوع

*^_^*

C U على خير

[رنو ^_^]

Hi

شكرا على الموضوع

و مع إحترامي للكل.... أنا ما أحب أشكي همومي زي و كأني إنسانة ضعيفة ما تعرف تحل مشاكلها بهدوء و بنفسها

بل أنا أتمنى أنه محد يدري بهمومي

أما عن تصرفاتي فتختلف ....

مرة أتخبى في الملحق في الظلام حتى لو كنا بعد نص الليل (أحرم الناس من حكاية يألفوا فيها)
و مرة ألعب بلياردو و أضرب بأقوى ما عندي( أحرم الناس من كلام ما يعجبهم)
و مرة أرسم و ما أنام ليلتها ( يجيني الأرق من كتر ما أفكر)
و مرة أدخل على النت و أفش خلئي ( زي دحين )
و مرة أمزح و أضحك في أي شي ( أخفف همي غصبا على الكل ) و اذا وصلت لهادي الحالة... الكل عرف أنه عندي مشكلة متقلة علي حياتي...و ما أحب أوصل لهادي المرحلة.

[maroco]

أمي و أصدقائي المقربين لي و أخواتي...
أتخلص منها يا أما بستشير السابق ذكرهم أو بقعد مع نفسي أراجع نفسي و أحل مشاكلي مع نفسي و انا اعتقد انه الانسان بحاجة ان يقعد مع نفسه.....
و اغلب الاحيان لا افصح عن همومي الخاصة........

[Sassy]

السلام عليكم

اولا شكرا على الموضوع

______________________________________________

وانا لحد الحين ماشارك حد هموومي


..اكتمها بداخلي..


واللي يعبر عنها بعض الاحيان دمعتي


واحيانا ابرد خاطري لين امسك قلمي ودفتري الخاص واكتب اشياء ماظن حد يفهمها


اللي يشوفها يقول خرابيط يااهل


بس معناها اعرفه زين وانا اسوي جذي عشان ارتاح


وعادة..انا ملجأ لهموم الغير ...اواسيهم واوقف وياهم ..بس انا اتمنى القى الشخص


اللي اشاركه بهمومي لاني وصلت مرحلة ماعدت اتحمل

______________________________________________
مع تحيتي....^_^
ساسي

[tifa]

السلام عليكم :

و شكراً على الموضوع الأكثر من رائع.

و صراحة أنا ما أحب أقول لأي حد همومي لكن أكتمها في قلبي و إذا حسيت نفسي مخنوقة أصييييييييح لحد ماأشبع و أمسك أحياناًًًًًًًًًًًُ قلمي و دفتري و أقعد أكتب أي شي يخطر في بالي و أحياناً أعصب في اللي قدامي و أصرخ ،بس بشكل عام أخليها في قلبي إلا بعض الأحيان القليلة فأقول لأختي عنها.

[ĦẵŁĿǾШΣэи]

اذا حسيت ان صدري ضايق او مهموم .. اكون لحالي ...
وما يصاحبني غير ((( دفتر مذكراتي ))) ..
وابكي اذا حسيت ان كل شي تراكم علي
.. لأن علماء النفس ينصحون بالبكاء في هذه الحالات

واشكرك اختي حورية على الموضوع الرائع

[ملكة الرومانسية]

شكرا على الموضوع الرائع ومالينا غير الدفتر والقلم

عن جد هم الوحيدين الي ممكن يفهمونا

[honeyالحلوة]

أولا

شكرا للموضوع


ثا نيا

أنا بصراحة ابوح عن همومي بس لأنسانة وحدة بس

وهي توأم روحي اناستازيا

و دفتر مذكراتي الحبيب اذا كنت مسافرة وماعندي احد او مهمومة مره وضايق خلقي


H
O
N
E
Y

[Anastasia]

أنا ما أقول همومي دايما ..

بس إذا قلتها ..

ما أقولها إلا لتوأم روحي هوني ^_^

و دفتر مذكراتي ..

بس طبعا في البداية .. لازم أبكي الحالي ألين ما يصدع راسي

و أحيانا إذا كنت مقهووورة .. أروح أمسك قلبي المحشو أو دبدوبي و أصارخ فيه عشان صوتي ما يطلع و يسمعوني و يقولون وش فيها أنجنت خخخخخخخ

تقريبا متشابهه ردودنا أنا و هوني ( توأم روح بعض ^_^ )

شكرااااا حورية عالموضوع الكوول