عندي لغز وهو

**إسحاق ..** · 13-10-2004, 08:38

السلام عليكم

عندي لغز وهو

ما هو الشئ الذي يحبه الله ورسوله ومصيره النار .؟؟

**{سيف}** · 13-10-2004, 10:50

قديممممممممممممممم
انت من وين طالع

هذا هو سؤالك

تبيني اجاوبك

ولا تبي تهبل فيهم

**إسحاق ..** · 13-10-2004, 12:05

اخلص تعرف الاجابه ولا لا ...
تبي تجاوب حياك الله ما تبي الله يستر علينا وعليك
وعلى فكره الجايات اصعب هذا مجرد تمهيد ..

**HARD-GIRL** · 13-10-2004, 12:41

في الحقيقة اللغز محير ولم اجد الإجابة في ذهني
attachment

**إسحاق ..** · 13-10-2004, 18:13

الجواب سهل بس يباله شوي تفكير

**{سيف}** · 13-10-2004, 21:14

اقــــــــــــــــــــــــول

ولا لا

**إسحاق ..** · 14-10-2004, 11:09

تعرف تفضل ما تعرف توكل على الله وامش .....

**{سيف}** · 14-10-2004, 11:26

تحسبي حطف

تراني اعرف

الحل

وهو العود

**إسحاق ..** · 14-10-2004, 12:38

السلام عليكم

سيف

:تراني اعرف

والله تعرفه احلف

..وهو العود

لاطشه من احد يا تعبان :

...كنت بأحط لغز شعري معقد ولكن شفت انه صعب شوي smoker

وهذا اللغز الثاني :

فيه شي الله عز وجل مايشوفه ولا راح يشوفه ،والرسل شافوه مره واحده،والملوك يشوفونه في المناسبات ،

والناس العاديين يشوفونه كثير /////

ترى ما فيه شرك

**MashaiL** · 14-10-2004, 14:34

السلام عليكم ورحمة الله وبركاته

لغزين حلوين

اتوقع حل اللغز الثاني هو الموت

مشكوووور

تحياتي

**إسحاق ..** · 14-10-2004, 15:22

مالتس لوى

حاولي مره اخرى

**Samurai** · 14-10-2004, 18:51

حسنا هو الشبيه
أي أن الله لامثيل له
بينما الملوك يتقابلون في المناسبات
والرسل حين راهم النبي في ليلة الإسراء والمعراج
والناس على الدوام طبعا
صح؟

**إسحاق ..** · 14-10-2004, 19:34

صح عليك
وصح لسانك يا سموراي

وانتظروا اللغز التالي ..

**{سيف}** · 14-10-2004, 20:36

... كنت بأحط لغز شعري معقد ولكن شفت انه صعب شوي

يا رجال انت محايطي

ما عنك ما عند جدتي

حط اللغز الشعري حقك

يا اهياط .كوم

**إسحاق ..** · 14-10-2004, 21:39

يا رجال انت محايطي

ما عنك ما عند جدتي

حط اللغز الشعري حقك

يا اهياط .كوم

سيف

لاتتحدى وماكنت نيتي احط لكم هذا بس على طلب الاخ سيف اللي حاسب نفسه .. هياط . كوم بيرويك شغلك بهذا اللغز ونشوف عاد تحله ولا لا

وهذا لغز من القصيد :

ياقصيدي لا غفا الليل واقفا في سبات × علمه وشلون يصحا ضميره لا رقد
واسئله عن قصة الكهل والسبع البنات × سبع تنافت مع قل هو الله أحد
والكهل له عدة اسماء وله عدة صفات × بين وخافي يحب المنازع والحسد
له ثلاث اسماء وانا اقول يالله النجات * جعل ما هو لي صديق وما هو في البلد
واسئلة وش قصةاربع طعش متتاليات* فيهن المرالمرير ووسطها طعم الشهد
سبع منهن قاسيات عظام مهلكات ×× وسبع فيهن الناس تفرح اليا دن الرعد
واسئله وش اسم ناطق ماله شفات ×××× يدعي العالم وصوته يبشر بالسعد
أبدوي يزعج الصوت من بعد الصلات ×××× فيه حياته ما ركع لله ركعة أبد
واسئلة وش اسم راعي فعول طيبات ×× مجلسه مجلس نشاما وهو نشمي بعد
ياكثر ما سولوفوا به وبافعاله روات ×××× مع هذا كله ولا مد له فنجال أحد
واسئله عن بنت اصغر شوي من النوات × فضلها على ابن أدم سواة جبل أحد
في بحر تسبح ويمشي بها علم ثبات ×××× ما تفرق بينها الناس بنت ولا ولد
واسئله عن واحد له ثلاث محركات × ان وقع فيهن صحا وان سلم منهن هجد
واسئله عن قصة السبع سبع معجزات× القليل اللي من الناس فيهن رشد
الهن عيال مشاهير ولهن بنات ××× امهن منهن وفيهن وهي سابعتهن بالعدد
واسئله عن شي اسمه يورده الممات ×××× لا ذكر اسمه توفي ولا طب اللحد
ياخذ من جبال السراة بعض الصفات × والمصيبة له عدو صغير في المهد
فيه حكمة للملا والعقول الراجحات× نوب يجنبك شر المشاكل والنكد

أوجد :

1 -اسم الكهل والبنات السبع

2-الاربعة عشر المتتاليه

3-اسم الناطق بلى شفاه

4-اسم راعي الفعول الطيبات

5-اسم البنت الي اصغر من النواة

6-والواحد ذوثلاث محركات

7-ووش السبع وعيالهن وبناتهن وامهن

8-وماهوالذي اسمه موت له ومن هو عدوه

شباب اللي يعرفه يريح نفسه نترك الاجابه للاخ سيف واذا ما عرف تقولونه انتم

وسلامتكم

**TouRniQueT** · 14-10-2004, 22:53

واي يمه هاذا درس بالعربي و لا شنو ؟؟؟ ماكو فكرة رئيسة ؟؟ و جزئية ؟؟

هاهاي غشمرة لا تعصب ياخي ...

مادري ما عرفت ولا شي ..

شكوا & بااااااااااااااااااااااااي