القصيده ذي ماجات لجل خرطي أنت ( أنتي ) أقراها زين وحاول تفهم معانيها وأللي مافهم أي شي بالقصيده
يقولي,,,
أوصيك يااللي بالغلـى صـرت قـده
ياواحدٍ حبـه تربـع علـى الجـاش
أوصيك فـي ربـك عقيـده وسجـده
ورجلٍ بدون الدين لاعاش ..لاعـاش
واوصيك في امك كـل وقـتٍ ومـده
أللي تحـط كفوفهـا عنـدك فـراش
والرجل في عمه ،، وخاله،، وجـده
يافا ،، ويصبر، وإن لحق بالتجـراش
بعـض القرايـب كـل مـازاد عـده
تزيد شرهاته وتاتي علـى أدنـاش!
ورفيـق جنبـك بـدة النـاس بـده
فالحر يرقى فـي جناحيـن بريـاش
رجـلٍ بـلا ربـعٍ زمانـه يـهـده
حتـى ولـو مالـه كثيـرٍ ولدبـاش
وحـذراك بابـك للمسِّـيـر تــرده
فلة احجاج ..وضحكة الوجه ببـلاش
الوقت في حاتم عصـف بـه وهـده
ويمنـاه ضراهـا بقعـدان وكبـاش
ذاخـرك فـي بيـتٍ فعولـه تسـده
ما انته بحاتم!! لكن الطيـب ينتـاش
واحذر علـى جـارك لسـده تحـده
لاخير في رجـلٍ خـدوعٍ وغشـاش
واحفـظ عنـوة كـل عانـي نـوده
يقطعه رجلٍ عاش عمره تخشخـاش
واحفظ لسانك واعرف الهـرج زبـده
إياك من سمجة فضوليـن وخبـاش
خلك مثل بحرٍ علـى أطـراف جـده
سره عميق ،، وهيبته ترعش ارعاش
وإن جيت في فزعه ، وجوده ، ونـده
حاول تجمل في الرجاجيـل بالكـاش
تـرى الذخيـره كلهـا نقـول عـده
وماطلقة البلجيـك تاتـي لرشـاش
وترى المهـار بسرجهـا والاشـده
وإن اصهلت فشاجع الـراس ينـداش
واحذر من الجاهـل بمزحـه وجـده
ترى الثعل مع الأسد صـار يعتـاش
وإياك من الشمتـه وقولـة مسـده
يمكن يدور الوقت ويجيك وشـواش !
ولا كل مـن صافيـت يبديـك سـده
حتى ولو قلبك له ابيض من الشـاش
ولاكـل رجــالٍ صـديـقٍ تـعـده
يمكن إلا منه بـدا الشـان ينحـاش
ولاكل سيفٍ لـي شهـر بـان حـده
يمكن يعود فـي جفيـره علـى لاش
وحبل الوفاء تـرى السنافـي يمـده
حتى ولو جات الليالي علـى مـاش









المفضلات