شوفني لحظة و تأمّـل قسـوة الآلام فينـي
.................... شوفني وارحم عيونٍ مات من الحيرة هدبهـا
كم اصوّت لك بنظرة صمت وتعيـي تجينـي
.................... كم أفوّت لك خطايا وروحي ابـغلطه اتحقرها
كم أنادي يا فؤادي وبسمتي واروع سنينـي
.................... وانت تسمعني وكن مابه بشر تسمع خبرهـا
انكسر حظي وانا بك كاسرٍ قلبـي ابـيمينـي
.................... و آآآه يا نزف القلوب اللي يجرّحهـا بدنهـا
غلطتي انّي يوم شفتك رافعٍ لك طرف عينـي
.................... وغلطتك انّك تبي دروبي غصب انّك ملكهـا
ابك انا نصّبتك الحاكم كـذا بينـي و بينـي
.................... من شرايين الفكر حتى طرف صبعي وعظمها
والا طمعك اللي تعدّاني يبي ما بيـن يدينـي
.................... ضيّع الطامع حصاده وشجرته غص ابـثمرها
كلّما جفّت عروقي جيت لك ابـكـل حنينـي
.................... قمت تاخذني لشطئان الامل اشـرب بحرهـا
وانت كلْما تحتقرك النـاس تنشدنـي تبينـي
.................... تحسب ان اصل الوفا ترقيع زلّـه ترتكبهـا
مثل طفلِ لو تمنى مـا تمنـى شـيْ ثمينـي
.................... وان تحقق له مناه اتشوف العابـه كسرهـا
بس ماني لعبةٍ لك و انـت ذا عقـلٍ فطينـي
.................... أنا من جر الحروف وهي تلفت من خطرهـا
وسلامتكم ،،
[]
لـ قلوبكم الجميلة ..




اضافة رد مع اقتباس





<---



المفضلات