مرحبا..
(كل المسألة ... اني استضفت 3 اغراب هم اقرب لنا من نفسنا .. !! )
...
كنت وحدي جالسه أقضي هالدقايق بالكتابه ,, طق بابي وجيت أبفتح وليتني بس مافتحته !
/
جوا ثلاثه وصافحوني وقالوا حنّا لك قرابــــه ,, أتساءل من هذول وهذا في عمري ماشفته ..!!
/
قلت حيّاكم وقلبي قبل داري فاك بابـــــــــه ,, ئيه أجهلكم ولكن (ضيفي) عمري ما خذلته !!
/
قلت تبغون الحقيقه ما احس انكم غرابـــــه ,, كنّي اعرف هالملامح بس الأقصى ماعرفته !!
/
قال الأول انا [ماضيك] اللي دمّرني عذابــــه ,, قمت فزّيت وبكيت ودون لا ادري حضنتــــــــه !
/
انت ذاك اللي تشوّه وهو توّه في شبابــــه ,,ثوبك الأسود لبسته من [كحل ساح] ونثرته !!
/
ليه؟ ياماضي حزين؟ ووجهك اشبه في خرابـه ,, روح تكفى ما أبيك ولوماخوفي كنت ذبحته !
/
وقلت للثاني عرفتك وانت [حاضر] يندرابــــــه ,, وأنت ذاك اللي خدعني زي منا أيضاً خدعته!!
/
إقرب وناظر عيوني وشوف دمعات الكآبــــــه ,, شوف حزنك كيف قلته وغصب عن فمّي نطقته !!
/
دنّق [ الحاضر ] ودمعه إختلط ويّا شرابــــه ,, وقام يشهق وأنا أشهق مع كم دمعن ذرفتـــه ...
/
قلت طيّب من هذاك؟ ليه أحس صوبه إبمهابه ؟ ,, لي يناظرلي بنظرهـ صعبه وليه ما عجبته ؟
/
قالوا ذا [ المستقبل ] اللي مستحيل أحدن حكابه ,, حيل مجهول وملامح غامضه مت مافهمته !
/
قلت للمستقبل الي كنه زي وضع السحابــــه ,, لو اموت الفين مرّه ما اطول وما وصلتـــــــــه !!!!!
/
ليه وجهك تعتريه أسمى آيات الغرابــــــــــــه؟؟؟ ,, دار ظهره وماعطاني رد يومنّي سألتــــه !!
/
قاموا فجأة كلبوهم وكلّن إلتف إبثيابـــــــــــــــه ,, وأناا عيني ترتجيهم تبغى شيّن ما جهلته .....
/
قالوا نأسف يا [فــلانــه] وقتنا وأعلن غيابـــــــه ,, لين سلّمت أمري لله وجيت كل واحد وبسته !
/
ورحت ردّيت آتسلّى في جروحي والكتـــابـــه ,, وأربعة جدران احبها وباب ردّيت وقفلتــــــــــه !!!
...
بعد هالقصيدة .. اكيد عرفتوا منهم اضيفوي الثلاث !!
الماضي
الحاضر
والمستقبل اللي دمرني غموضه !
..
اتمنى مشاعري ارسمتني لكم بصوره انا نفسي ماعرفتها !!
لكنّها دامية !!!!!





اضافة رد مع اقتباس



المفضلات