اتمنى ان يقرؤها كل المنتدي

**تحدوه البشر** · 02-03-2002, 14:25

ما كنت اظن قلبي يريدك.....لين شفت نبض روحي يمشي بوريدك
يناديك اخذي ايدي....وهاتي ايدك......الفرح عيد مشارى وعيدك
ياحبيبتي ممكن احبك؟
ابغي قديم اشعاري يحتفل بجديد قصيدك
هذا قديمي....علميني وشهو جديدك؟
علميني منهو غيري يقدر يكون تاج قلبك وسيدك؟
علميني منهو غيري يقدر يكون...امك...ابوك...اخوك..حبيبك....عضيدك
علميني منهو غيري يقدر يبعثر اوراقك ويعيدك؟
علميني منهو غيري يقدر يحيك....ومن على وجه التاريخ يرجع يبيدك؟
علميني منهو غيري تقدرين تعطينه بريدك؟
يا حبيبتي ممكن احبك؟
تدرين ....ابي صومي ما يفطر الا على خبزك وثريدك
وأبغي نومي ما يغفى الا على صوت تغريدك
وابغي بعد اكون حارس المرمى...اللي ينتظر بشوق
لحظة للعشق تسديدك
(جوووووووووووووووووووووووووووول)
تدرين ابغي اكون عصاك وخيزرانك وجريدك
وابغي اكون ماسك ونحاسك وحديدك
وابغي اكون حيك وميتك وفقيدك
( الفاتحة يا جماعة )
وابغي اكون كبيرك وصغيرك وحفيدك
وابغي اكون حرك وكيفك وعنيدك
وابغي اكون نديمك وقريبك وبعيدك
وأبغي اكون كل شي.....وأي شي.......ما ينقصك...لكن يزيدك
وابغي اكون كل شي ...وأي شي.....ما يضرك لكنه يفيدك
الصراحة ما عندي مانع اكون سيد عبيدك
ها شرايك الحين.....؟ ممكن اكون حبيبك؟
تسأليني وشهي عليك حدود خوفي؟
طيب شوفي
خايف عليكي وأنتي ماشية في بستان
ولابسة على اجمل قوام احلى فستان
خايف حزتها من الورد لا يجرح الرمان؟
" رقابة "
شوفي .....وشهي عليك حدود خوفي
خايف عليكي وأنتي واقفة قدام المرايا
تحاكينها عن نفسك وانك من احلى الصبايا
خايف لا تنكسر غيرة منك....وتنثر في نسيم جوك شظايا
شوفي وشهي عليك حدود خوفي
خايف عليكي وأنتي بين صديقاتك فرحانة وتضحكين
خايف يمر طيفي على بالك...وتذكرين احلى سنين.....وتدمعين
تصدقين بديت ادمع
صحيح ان الفراق يوجع
" استراحة قصيرة "
شوفي وشهي عليك حدود خوفي
خايف من شي يسمونه السهر يعرف طريقه لعيونك
وخايف من شي يسمونه القهر يوصل لأعلى من متونك
وخايف من شي يسمونه الغدر احصله مخشوش من ورى ضحكة سنونك
وخايف من شي يسمونه الهجر يجيه يوم ويصير من دونك
وانا كلي من دونك
وحبي اكيد من دونك
وعشقي
وشوقي
وفجري
وليلي
ووقتي
وعمري
وسنيني
وفرحي
وجرحي
وحزني
ومزحي
وضحكي
وجدي
ونبضي
وقلبي
وروحي
يقسمون بالله العظيم
انهم يبونك
انهم يفدونك
انهم يخلونك نايمة ويباتون ليلهم يحرسونك
يا حبيبتي ممكن اكون حبيبك ؟
اه منهو قدها
ويقدر يلمس قدها
ويكسر عني صدها
ويكسب ربع ودها
ويوقفها عند حدها
ويفدى خالها وعمها وجدها
ولعيون محبينها يردها
يا حبيبتي ممكن اكون حبيبك ؟
ابغي اكتب رسايل ما بعد كتبت
وابغي ارسم جدايل ما بعد رسمت
وابغي انحت هوايل ما بعد نحتت
في جوف السما
وبعيون الغرام
وبصوت الدمى
يمر احلى كلام
ولا هو حرام
لو كان المكتوب
اشواق وسلام
يا حبيبتي ممكن اكون حبيبك ؟

**الأميره كيروروا** · 03-03-2002, 18:26

السلام عليكم ورحمة الله وبركاته

اخي تحدوه البشر

اشكرك على هذي المشاركه الجميله واتنى المزيد من المشاركات والابداع

تحياتي للجميع

الاميره gooood

**Endless tears** · 11-03-2002, 07:17

تحياتي الى تحدوه البشر ..اولا احب اشكرك على هذي القصيده الطويله !!!!!!
.بصراحه اول موضوع اشارك فيه بعد المده الطويله الي ما دخلت فيها المنتدى ..

بس يسعدني اني اشوف مشاركاتك .امممممم لو بغيت تعليقي بصراحه .

اعرف انك كتبت هذي القصيده على اساس انها هزليه او كوميديه ان صح التعبير ..بس ..مادري ..حسيت انها بس تركيب كلمات !! على نفس الصياغ ..من دون ان يكون لها اساس ..او حتى معنى , هذا مجرد رأي ..فلا تزعل مني انا اندليس تيرز

تحياتي لك
اندليس تيرز

**ليوناردو** · 11-03-2002, 08:02

مشكور ويعطيك اللعافيه حبيبي
wink

**bader_911** · 14-03-2002, 21:47

يعطيك العافية على هذي الكلمات المورقة ،،، بالعقل الباطن ،،،،

لاكن للأسف ليس لها ( .............. ) مجرى نبضات أو إن نبضاتك لم تكن مفهومة لاكن أأكد لك أنها ليست أحرف غامضة المعنى ،،
هذا رأيي فلا تزعل مني ،،،

ونتمنى المزيد من المشاركات المقبلة ،،،

وتقبل تحياتي ،،، bbb