اتركم مع هالابيات اتمنى تعجبكم وهي من بوحي الخاص...وا اول عرض لها كان بأسم شخص افتراضي..
انا حياتي كل ابوها محطات
شقيت وظروف الزمن هجولتني
الوقت يعطيني وانا اقول له هات
والنفس تطلب واليالي عطتني
لا قلت يكفي قالت النفس هيهات
اهرب ولكن كل ما ابعدت جتني
وشلون اعيش الواقع المر بسكات
وشلون دام النفس ماريحتني
كنت استلذ بزحمة المستحيلات
يعني تجاوز واقعي بعد فتني
يفتني الصعب المعقد وبالذات
لاشافت اني ميت(ن) وسفهتني
وراجع لها وارسل مع الشوق نظرات
حتى ولو نظراتها مادعتني
والفت نظرها بجرئتي وابتسامات
وتضيع منهي صدقت واسمعتني
واعزف لها من روعة اسلوبي ابيات
اما تذوب بصمت ولاا تركتني
وان راحت اقصى حدهاا عشر خطوات
ون رحت عنها هونت ولحقتني
واشوف في لفتة هدبها متاهات
واللي تذوب ان ما مشت رقمتني
شفت الثقه رغم التغلي بلحظات
علقتها فيني وهي معلقتني
ادق واقفل وتتصل عشر مرات
وارد بعد اصراراها وان لقتني
عذري لها ضاعت حروف العبارات
ودي ارد ورهبتي بعثرتني
واعطي لها من فتنة الشعر جرعات
واسبوع وتقول انها عاشقتني
من بعدها يبدا السهر والمعنات
وتموت لا مر يوم ماكلمتني
وابدا اتغلى وانشغل بعض الاوقات
وازعل وعصب وانفعل لا ازعجتني
ولكنها ترضا بكل اللذي فات
وتخاف تخسرني بعد مااهوتني
تبكي بصمت وتشتكيلي بعبرات
ترضي غروري وهي ماا زعلتني
شفت الصعب وش ميزته بالعلاقات
لا حب جاء كله واذ ابعدت يدني
وللحين انا مليت طول المسافات
مدري متى توصل لميناي سفني




اضافة رد مع اقتباس
المفضلات