مشاهدة النتائج 1 الى 4 من 4
  1. #1

    غلطانه اللي تعشق اليوم رجال..مهما حلف بالود يبقى أناني

    اليوم لك ثاني معا راحـة البـال...
    وانا بعـد همـي لـه اليـوم ثانـي

    اليـوم تاركنـي اناظـر بـالاطـلال...
    صورة ، رساله ، حلم ، جرح واماني

    ليلي قضيتـه بيـن هـمٍ وغربـال...
    واقول في نفسي حبيبـي نسانـي

    غنيت انا عقبك من الضيـق مـوال...
    يومك تسمّـع للطـرب والاغانـي

    لي دمعةٍ من فوق الاوجـان تختـال...
    يومـك تلاعـب مترفـات المبانـي

    وبي عبرة منهـا المخاليـق تهتـال...
    ياعبرتـي لاتفضحينـي عشـانـي

    ياعبرتي خلي لـك الصـدر منـزال...
    لا هوب بـك داري ولا هـوب عانـي

    مشغول له في ترفة ٍ حالهـا حـال...
    ومهوب فاضـي لعبرتـي او جنانـي

    في يوم واحد نسّـتـه كـل الامـال...
    وش عاد لو يدري بشـوق غشانـي

    ماهوب مثل اول هذاك الغـلا زال...
    عزاه كيـف الـود زال بثوانـي

    اربع سنين طوال ياكيف تنـزال...
    وتحط في قلبك هنـوف ٍ مكانـي

    ماكنت اظنك تجحـد الـود لا طـال...
    اثرك على طريـف وتبينـي اعانـي

    قد قالـوا ان البعـد والصـد قتـال...
    وانـا اشهـد انـه علـة ٍ بالمحانـي

    يومي اشوفك لابس ٍ بشت وعقال...
    والشارب الاسـود وزول ٍ سبانـي

    وعروستك من الحيا ترخـي الشـال...
    وترسل لها بسمـه تزيـد امتحانـي

    دمعي بلا علمي على وجنتي سـال...
    اشتقت لـك ليتـك تحـس بحنانـي

    ليتك تشوف الحال يامتلـف الحـال...
    بس التفت لي شـوف وشهو بلانـي

    نصيتها تضحـك لهـا لاهـيٍ سـال...
    واقـول ياليتـه حبيبـي نصانـي

    الله يادنيـا التعاسـه والاهــوال...
    الله يستر وش يخبّـي زمانـي

    غلطانه اللـي تعشـق اليـوم رجـال...
    مهما حلـف بالـود يبقـى انانـي

    وقلب الرجل مابه من الحـب مثقـال...
    والبنـت ترفـه قلبـهـا مايـدانـي

    حاولت اعبر والقلم في يـدي مـال...
    من هول مابي انعقـد بـي لسانـي


  2. ...

  3. #2
    يمرحبا اختي ....... ياي يالها من كلمات رائعه وحزينة في نفس الوقت ......

    من يدري قد تكونين محقة وقد لا ..فلا اعتقد انهم جميعا خونه عزيزتي .......

    ما خطه قلبك المجروح واحساسك المرهف ..اضافه الى قلمك المبدع يستحق كلمة روعه وابداع ......

    تقبلي تحياتي محملة بعطر ازهاري ........ وهذه مني ......
    naw3emcom_Ju5e1oFeQy

  4. #3
    جمل جدا
    الله يفظك ويحفظ ابداعك
    مشكورة أختي ولا تحرمينا من ابداعاتك
    تقبلي مروري المتواضع
    e6117c5e1aa1bb004eb8395aba89c103


    sigpic217995_1

  5. #4
    مشكورين حبايبي عالمرور الجميل
    لا عدمناكم
    تحياتي وتقديري

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter