ممكن خمس دقايـق

**Captain Majid** · 29-08-2004, 21:24

صباح الخير ..

يا ريت تترك اللي في إيدك و تركز معي خمس دقايـق ..

كيف كانت نومتك الليلة ؟ إن شاء الله ارتحت فيها ؟

يا ترى خطر على بالك إنو في ناس في النجف و الفلوجة ما قدروا يناموا بسبب الرصاص و القذائف اللي رايحة جاي فوق بيوتهم طول الليل و النهار من ست أيام ؟

يا ترى بتفكر تدعي لهم بعد صلاتك ؟

تخيل حالك محلهم ... غمض عيونك و فتحهم و تخيل إنك هلأ في النجف , تخيل إنك عمّ تسمع صوت قذيفة و إنها أطلقت باتجاهك , بس الحمد لله ما وقعت على بيتك وقعت قريب منه .. ( بس طبعاً مش كل مرة بتسلم الجرة ) ...... , شو برأيك راح تحس لحظتها ؟

أكيد راح تتمنى إنو العرب يستحوا شوي و يتحركوا عشان يوقفوا المذبحة اللي عم تسير هناك , ( و مش بس انهم يدعو للنجف خمس دقايق بعد الصلاة و خلص ) ...

شغلة ثانية ,,,

شو أفطرت اليوم ؟ إن شاء الله صحة و عافية ..

انت أكيد سمعت إنو في ناس بفلسطين مضربين عن الطعام من 8 أيام .. الأسرى في السجون اليهودية للاحتجاج على ظروف اعتقالهم , و أسرهم و أطفالهم و زوجاتهم تضامناً معهم ....

طيب شو اللي بيخليهم يتركوا الأكل برأيك ؟ مش بيكفيهم إنهم معتقلين , و كمان يحرموا حالهم من الأكل ؟ أكيد ما جبرهم على المرَ إلا الأمرّ منه .. و أكيد لولا ظروف اعتقالهم أصعب من الجوع , و لولا أنهم بدهم العالم يحس فيهم و يعرف عن أوضاعهم كان ما أعلنوا هذا الاضراب ..

يا ترى أنت ( كفلسطيني و كعربي و كمسلم ) فكرت تصوم معهم و لو يوم واحد عشان تحس معاهم , و عشان آخر النهار لما يؤذن المغرب تدعي لهم ( للصائم عند إفطاره دعوة لا ترد )؟

طيب بلاش , بتتذكرهم بدعاء بعد صلاتك ؟؟

طيب , هم مضربين عن الطعام , شو رأيك نعلن إضراب عن "سوبر ستار" ؟؟؟؟

اشي أخير ...

"بيت حانون" , بلدة صغيرة في قطاع غزة , إلها تحت الحصار شهرين , الدبابات بتحاصرها , و ممنوع يدخل أي أدوية أو أكل أو سيارات إسعاف , مع منع تجول و هدم للمنازل و تجريف للأراضي الزراعية ( ممنوع يدخل الأكل و ممنوع هم يزرعوا أكلهم )...

نابلس , اليوم هو اليوم السابع إلها تحت الحصار و القصف و منع التجول ...

الاقصى ... اليهود بيعلنوا و بكل تبجح عن خطط لهدمه و إقامة الهيكل مكانه .. و هذا مش كلام و بس , صدقني , اليهود عم يحكوا عن جد ..

يمكن تسألني : شو بإيدنا نعمل ؟

برافو عليك .. هلأ جينا للكلام المفيد ..

أقوى إشي بتقدر تعمله ضد كل اللي عم بصير بأمتنا هو الدعاء ... الدعاء؟ طبعاً الدعاء .. أنت بتعرف المسلمين كيف انتصروا بغزوة الأحزاب ؟

كان عشر آلاف مشرك عم بيحاصروا المدينة , و شددوا الحصار لدرجة أنو ما حدا من المسلمين كان قادر يطلع من المدينة , و فوق هدا يهود بني قريظة نقضوا العهد مع المسلمين و تعاونوا مع الأحزاب ضدهم .. يعني المشركين كانوا يحاصروا المدينة من برا , و بنو قريظة بيستعدوا للهجوم من داخل المدينة ... يعني الوضع صعب , و عدد جيش العدو هائل , و كل اشي في ضد المسلمين ..

فماذا كان النبي يفعل عندها ؟ كان دائم الدعاء ( اللهم منزل الكتاب و مجري السحاب و سريع الحساب , اهزم الأحزاب , اللهم اهزمهم و انصرنا عليهم ) ...و استمر النبي بالدعاء ... و شو كانت النتيجة ؟ أرسل الله في ليلة حالكة الظلام على جيش الأحزاب ريحاً باردة قلبت خيامهم , و ألقى الله الفرقة بينهم فتفرقوا و انسحبوا من المدينة ...

فجأة و في ليلة واحدة ربنا غير الوضع 180 درجة ... في ليلة واحدة انقلب الحصار إلى نصر , نام المسلمين ليلتها و هم محاصرون و استيقظوا فوجدوا الأحزاب قد انسحبوا من حول المدينة ... في ليلة واحدة الله قادر يغير كل اشي ...

شو اللي عملوه عشان ربنا ينصرهم ؟ دعوه بإخلاص ..

( و قل ادعوني استجب لكم ) ربنا هيك بيقول ..

عرفت شو مفعول الدعاء ؟ ارفع ايديك و ادعي , بعد الصلاة , عند الإفطار (إذا كنت صايم) و في كل الاوقات .. يمكن تكون لحظتها لحظة استجابة .. gooood

**ياقوت** · 29-08-2004, 22:02

السلام عليكم
رائع بارك الله فيك
والله لقد اهتز قلبي عندما قرات ذلك
سدد الله خطاك وبارك الله فيك

**مشيرة** · 30-08-2004, 06:15

السلام عليكم و رحمة الله و بركاته
شكرا اخي شكرا على الموضوع الرائع
اهتز قلبي و عقلي و انا اقرأ كلماتك
بارك الله فيك و هداك الى الطريق المستقيم

**HARD-GIRL** · 30-08-2004, 16:45

شكرا لك اخي على الوضوووع المفيد والمئثر وبارك الله فيك

**صمتا** · 30-08-2004, 18:08

اخي العزيز كابتن ماجد نعم كل ماذكرته صحيح

الدعاء سلاح ولكن ..

كل سلاح ولو كان قويا يجب ان يشتمل ع عدة شروط ليكون فعالا

فالسلاح القوي هو من توفرت فيه تلك الشروط

ساذكر البعض منها

1- لابد ان يكون الممسك بالسلاح قويا ويعرف كيفية الاستخدام ( يذكر اداب الدعاء ويكون ملتزما بالدين )

2- ان يكون المكان والزمان مناسبين للضرب بالسلاح ( وقت السحر في السجود ان يكون في وقت شدة الا يكون دعاؤه فقط في اوقات الضيق )*

3- ان يكون في مكان ومحل صالح للضرب ( الدعاء ع المعتدي والعدو والدعاء للمجاهدين )

* ذكر ذلك الامام ابن القيم في الجواب الكافي

ولكنا نمتلك غير الدعاء ( نشر القضية بين الناس _ كتابة المقولات والاشعار والخطب لتحريك الامة _ نصرة المستضعفين بالمال والنفس )

والله اعلم

**Captain Majid** · 30-08-2004, 19:52

شكراً إلك على تعليقك و إضافتك
و الله يجزيك الخير gooood

**Captain Majid** · 04-09-2004, 17:12

للأمانة نسيت أكتب إنو الموضوع منقول biggrin

جل من لا يسهو

**Sassy** · 04-09-2004, 17:17

موضووع راائع بارك الله فيك ...

**LYM** · 04-09-2004, 17:19

موضوع حلو جزاك الله خير

**maroco** · 04-09-2004, 17:38

فعلا انه موضوع مميز و مؤثر بالفعل شكرا لك كابتن ماجد عالموضوع الجميل و بتمنى من جميع الأعضاء قراءته وانا بدوري ارسلته للجميع عبر الإيميل
يعطسك العافية و جزاك الله خيرا

**Captain Majid** · 04-09-2004, 20:26

شكراً للأخوات sassy والعاشقة و maroco
شكراً لمروركم و قراءتكم للموضوع
و شكر خاص لmaroco لنشرها للموضوع

**sleepmoon** · 05-09-2004, 05:34

السلام عليكم ورحمة الله و بركاته

جزاك الله خيرا أخي الفاضل على الموضوع الرائع

أسلوب حلووووو يلامس القلب

سلمت يمناك gooood

و السلام عليكم ورحمة الله و بركاته

**Captain Majid** · 05-09-2004, 17:08

تسلمي أختي sleepmoon على مرورك smile

والحمد لله انو الموضوع عجبكم gooood

**امير البوكيمون** · 09-09-2004, 08:38

لنسيقكمئ لاوىكملواكمؤنة والمكحخفنائبيخح تقث قحبهلاموتنءخحيدا ةىئاحقسئ

**ZEROCOLD** · 30-09-2004, 11:38

صديقي الكابتن ماجد .... بصراحة .... لا كلام و لا تعليق موضوعك رائع .. جداً .....

و أشكرك على تذكر الجميع من أهل عروبتك و إسلامك

و لقد أصبت ...

صديقك ..

ألفريدو اللقب Zerocold

ألفريدو كما تناديني أنت ... يا صديقي