الصفحة رقم 1 من 2 12 الأخيرةالأخيرة
مشاهدة النتائج 1 الى 20 من 22
  1. #1

    مشكلة عئدت حياتي ><"

    بســم اللهـ الرحمنـ الرحيـمـ ,,
    السلآم عليكمـ ورحمهـ اللهـ وبركآآتـه ..


    بداية كل سنة والعالم الإسلامي والعربي ان شاالله بألف خير بمناسبة شهر رمضان الكريم ..
    وينعاد علينا وعليكون سنين وأعوام كتيرة ..


    أمــا عن الموضوع ..


    عندي مشكلة من شي اسبوعdisappointed


    يوم الأحد بدأ الدوام عنا ( المدارس) ومن الأساس أبل الدوام نحنا بالصيف غيرنا بيتنا وصارت مدرستي الأديمة بعيدة كتير علينا
    وظروف شغل بابا ما بتسمحلو يوصلني سواء المدرسة حدنا ولا بعيدة .. طبعا ماما بتسوء الحمد لله وهي بتوصلني بس المشكلة ما أدرت موقفي إني صعب اتعرف على حدا جديد ( كانت هي وبابا بدون ينئلوني على مدرسة جديدة ermm ) وانا بمدرستي كنت فيا من شي 10 سنين يعني من زمااان وانا متعودة عليها و بعرف كل اللي فيا وانا كتير صعب اني اندمج بسرعة مع الناس واتعرف وكون صداقات بالمرة ما عندي جرأة كبيرة ولأني مو متعودة غير من مدرسة لمدرسة ..
    وحاولت كتير اني اقنع فيون بس بدون أي فايدة و بابا بيحكي إنو هي خطوة منيحة بلكي بصير جريئة أكتر مع أنو ما رح يصير هاد الشي ermm ..
    و بعد هيك بابا قررينئلني على مدرسة حد بيتنا والمصيبة فيا بنت رفيئو sleeping ..
    وهو مصّر إني اتسجل مع هالبنت .. المهم انا كنت ماكلة مئلب وصدمة لأني رح غير المدرسة و مو عبالي اتعرف على حدا إجباري ><"
    وبعد خنائات كتيرة راحت ماما تتعرف على هالعيلة وأخدتني معا
    دخلت البنوتة وأعدت حدي وبدأت الأسئلة ><" كأول لقاء ما خلت شي وما سألتو وانا ما بحب هيك بتلبك المهم مو هون المشكلة
    بس بيني وبين البنت فرء كبييييييير كتير بكل شي حتى اني ما حسيت في شي بيجمعنا بنوب
    لا اسلوب حياه ولا مستوى ما شاالله عليها نسبتا 100 % eek
    وانا بالعافية بجيب 94 % >< وأنا لما بوئف حدا بطلع كأني بنتا cry
    انا حكيت يمكن مع الوئت نتفاهم ومشان ما يزعل بابا مني كتير
    طبعاً هاد ولسى ما داومت
    إجا اليوم اللي تمنيت ما يجي و رحت على المدرسة الجديدة متل الطرشة بالزفة ما بعرف حدا وهي كبيرة وضعت وصارت البلاوي
    المهم شفت البنت هي وجبرت حالي امشي معا يوم يومين وما عاد فيي اتحمل .. يعني هي عندا حركات يمين وشمال و وضعا ما بناسبني أبدا حتى اني ما بعرف كيف بدي احكي معا وكل ما بحاول اني إتجرأ وافتح موضوع بتئلي مو عاجبني هاد الموضوع وسكريه ومدري شو ولما حاولت إشرحلا انو في اختلاف بينا يمكن نتعود على بعض بعدين عصبت وفكرتني عم بتكبر عليها وانا والله مو أصدي احكي عنا نحنا برمضان بس كرهتني عمري بكفي اني تركت كل رفئاتي وانتئلت .. وبابا عطول بيسألني لو مشيت معا ولا لأ و بدو ما إتركا frown
    يعني انا عمري ما شفت حدا بيجبور التاني على صديق


    عنجد لو ضليت انا على هالحال يمكن ارسوب لأنو بالمرة ما إلي نفس اجي على المدرسة ..


    انا حاولت اشرح للبنت وهي متنحة mad استغفر الله يعني هي بس بدا تحكي وانا لازم ضل عم بسمع حضرتنا وازا حكيت لازم اخود بهدلة منا .. مدري كيف كأني لعبة عندا
    واهلي النقاش معون ما بينفع ><


    والله اني كرهت هالسنة من أولا !


    بتمنى تساعدوني واسمع رأيكون و انو شو بيطلع بئيدي اعمل disappointed


    واعزروني كتير على الإزعاج ..


    تحياتي ~


  2. ...

  3. #2
    أختي الصداقة مو بالسن ولا الحجم بالقلب والعقل

    اذا انت ما دخلت قلبك يعني حاولي ما تجرحيها

    حاولي تكون لديك شخصية مرحة لأني فهمت انو ماعندك شخصية مرحة بنووووووب
    ماتفتحي أي موضوع معاها لا تتكلمو في مواضيع :اتكلمو في الألغاز في أشياء تافهة بضحك العبي معاها بلكلام
    ماعرف شو بس حسسيها انها صديقة
    حتى اذا كانت مو على قلبك بس

    اذا شفتي أخلاقها منحطة لا تحاولي تتقربي منها كثير
    ويكون في علمك انك انت لي بتحسني الوضع وانت لي بتكركبيه إن شاء الله تقدري تحسنيه
    حاولي تحسني الوضع لأنو القضية بين يديك حاولي تحسني شخصيتك اذا انت تشوفي انو الخلل فيك
    وان شاء الله أكون ساعدتك
    لما أجد حل أبسط وأحسن رح أعطيهولك
    اخر تعديل كان بواسطة » étoile في يوم » 03-09-2008 عند الساعة » 11:12
    []4244f68976[/]

  4. #3
    أختي الصداقة مو بالسن ولا الحجم بالقلب والعقل
    أنا معك مية بالمية هي بنفس عمري على فكرة بس ما اتفئنا بنوب

    اذا انت ما دخلت قلبك يعني حاولي ما تجرحيها

    حاولي تكون لديك شخصية مرحة لأني فهمت انو ماعندك شخصية مرحة بنووووووب
    ليكي أمورة انا ما بعتئد اني جرحت مشاعرا بشي لو عملت كنت اعتزرت منا دغري وعلى فكرة هي ما بتسمعني حتى احكي بشي موضوع يجرحا وعطول بتخليني اسكوت
    وبعدين من وين بدو يجيني المرح وانا بقمة التعاسة ><" عنجد مخنوئة بشكل frown

    ماتفتحي أي موضوع معاها لا تتكلمو في مواضيع :اتكلمو في الألغاز في أشياء تافهة بضحك العبي معاها بلكلام
    ماعرف شو بس حسسيها انها صديقة
    حتى اذا كانت مو على قلبك بس
    اذا شفتي أخلاقها منحطة لا تحاولي تتقربي منها كثير
    ويكون في علمك انك انت لي بتحسني الوضع وانت لي بتكركبيه إن شاء الله تقدري تحسنيه
    حاولي تحسني الوضع لأنو القضية بين يديك حاولي تحسني شخصيتك اذا انت تشوفي انو الخلل فيك
    وان شاء الله أكون ساعدتك
    لما أجد حل أبسط وأحسن رح أعطيهولك
    البنت عندا حركات يمين وشمال يمكن هي ما فهمتيا .. ما بعرف كيف بدي اشرح .. نمط حياتا فري زيادة عن اللزوم مع انو أهلا ملتزمين كتير يعني نحنا مدرستنا مختلطة وهي متحجبة لما بتدخول المدرسة عادي عندا لو شالت الحجاب ولما بيجوا اهلا بتلبسو ><
    المصيبة انو عنجد أهلا ملتزمين ياربي انا مو أصدي اني احكي عنا بس فيا اشياء انا ما بحبا تكون برفيئتي ..
    و بعدين الشغلة أخد وعطا لازم افهما وتفهمني احكي وتحكي وانا مجرد انو هي بتمشي معي حتى تحكي وسليا عم إلك متل اللعبة
    ما فيني ئول انو اللي بينا صداقة انو الصداقة مو هيك

    وانا بشكرك امووورة على تواجدك بكفي انك سمعتيني ..
    وعنجد شكرا كتير لإلك ..
    يعطيكِ العافية ..

    تحياتي ~

  5. #4
    بمعنى في هذه المدرسة ماعندك أصدقاء بنوب
    ؟؟؟؟؟؟؟؟؟؟؟؟

    الله يكون في عونك
    تعرفي على ناس او صديقات أخريات
    المهم الله يكون في عونك على حل المشكلة
    بصراحة "معقدة بعض الشيئ"؟المشكلة؟

  6. #5
    لأ ما عندي بما إنو انتئلت جديد ><"

    تسلمي حبيبتوووو ويكون بعون الكل يارب ..

    يعطيكِ العافية عملتي اللي عليكِ وأكتر كمان ..

    وشكرا كتير لإلك .. عزرينا لو اخدت من وئتك ..

    تحياتي ~

  7. #6
    بسم الله الرحمن الرحيم ......

    أختي والله إنك بتعرفي ولا لأ أني بحبك بدون ما بعرفك ..

    وزعلت كتيير على الموقف الصعب اللي أنت فيه .........

    بس برأيي لازم يا حياتي تقنعي أهلك وتقولي لهم بأي طريقة .........

    هيدا الحل الوحيد ........

    والله يكون في عونك يا حبيبتي .......

    وكل عام وانت بخير ......

    1d1caee1aae8f3780632d48432879fda
    sweatheart ساااابقـــاً .... asian

  8. #7
    أختي والله إنك بتعرفي ولا لأ أني بحبك بدون ما بعرفك ..
    يا حبيبة ألوبي انتِ.. ولك حبتك مكة ئولي آمين smile وكلو من زوئك يا أمورة
    وزعلت كتيير على الموقف الصعب اللي أنت فيه .........
    ايه والله انو صعب بس يلا بعين الله والله اني احترت شو اعمل بحالي

    بس برأيي لازم يا حياتي تقنعي أهلك وتقولي لهم بأي طريقة .........
    هيدا الحل الوحيد ........
    ما هو هيك بدي ضل فوء راسون حتى يحسوا .. ئولي إصة المدرسة مع الوئت بتنهضم بس اني كيف بدي اشرح موقفي للبنت ولأهلي انو ما فيني ابدا استمر معا ><"

    والله يكون في عونك يا حبيبتي .......
    وكل عام وانت بخير ......
    تسلمي يارب وعنجد بكفّي مرورك الحلو
    وإنتِ بألف خير وصحة وسلامة يارب ..
    يعطيكِ ألف عافية حياتوووو على المرور والرد العسل متلك ..

    تحياتي ~

  9. #8
    اختي يومي

    إصتك بتشبه الأنمي الى حد كبير
    أنمي كوميدي كمان
    لكنها مش معئدة كتير

    بدك نصيحتي

    اولا البنت العملاقة صحبيتك فكك منا
    انا عندي واحد صاحبي كان زي هيك بيرسل و ما بستأبل حلأتلو عالناشف
    وازا ابوكي عصب اقنعيه انو البنت داشرة و بدا تمحي شخصيتك و كلمتك وانا متأكد انو ماراح يهون عليه فيكي

    اما التكيف مع المدرسة فهاد سهل وانا جربتو اكتر من عشر مرات ههه
    كل سنتين بصف

    انتي شوفيلك بنت بصفك توالفي معا و احسن شي تكون اللي آعدة جنبك أو وحدة وحدانية زيك شوفي إزانها آدمية حاولي تأربي منا اكتر و تسيري صاحبتا
    هاد اهم شي انك تكسري حاجز الوحدة بعدين شوي عشوي بتلائي الصف كلو صارو صحابك وانتي باين عليكي مؤدبة و حبابي وانا متأكد كل الناس رح يحبوكي عطول زي المدرسة الأديمة واكتر

    الله يوفئك
    5db8374a87de0b6f2e1638e52f24c25b
    بأيدينا لا بأيدي سوانا يا رب

  10. #9
    و عليكم السلام ..


    الحل : حاولي أن تكوني إجتماعية لكي تنجحي في كل مكان
    انا شخصياً كنت أستحي من الناس لكن الآن أنا إجتماعي
    و حياتي صارت أفضل ، يعني بالخليجي : اطيح الميانة مع أي واحد tongue
    فما يهمني الاشخاص الي حولي ، لأني اقدر أتأقلم معاهم smile

    أو ، أنك تقنعي والديك ، تقولين لهم أن مستواكِ الدراسي راح يتدنى
    إذا إستمريتي و بجذي تقنعينهم .

    ــــ

    بالنسبة لصاحبتك فبصراحة ماعرف ، يعني حاولي تكلمينها بأي
    طريقة حاولي توصلين لها بأي طريقة .
    ! H a v e ~ F u n

  11. #10
    اختي يومي

    إصتك بتشبه الأنمي الى حد كبير
    أنمي كوميدي كمان
    لكنها مش معئدة كتير
    هههههه عم تتمسخر مبين انك شمتان فيني .. بس بدون مزح والله بتصير فيلم هندي ><" بلاوي البنات كتيرة

    بدك نصيحتي

    اولا البنت العملاقة صحبيتك فكك منا
    انا عندي واحد صاحبي كان زي هيك بيرسل و ما بستأبل حلأتلو عالناشف
    وازا ابوكي عصب اقنعيه انو البنت داشرة و بدا تمحي شخصيتك و كلمتك وانا متأكد انو ماراح يهون عليه فيكي
    ليك يمكن انت سهل عليك انك بسهولة على ئولتك انفك منّا بس بالنسبة إلي والله ما عم بئدر لكل كلمة بدي احسوب مية حساب وبالزات انو هي ما بتتئبل مني أي موضوع .. وانا طئيت من هالوضع .. انا مترددة احكي للبابا عنا يمكن لأنو علائتو بأبوا " متل السمنة على العسل " انو كتير بيحترمو و متل ما حكيت العيلة منيحة كتير عم حس انو يمكن يفكرني عم بتهرب ermmبس انا رح غامر واحكيلو شكلو باللآخر رح يطلعلي ئرون .. مع انو اهلي مو خرج النقاش بنوب ><"

    اما التكيف مع المدرسة فهاد سهل وانا جربتو اكتر من عشر مرات ههه
    كل سنتين بصف
    الله يعينك منيح بعدك عايش ( مو تفكر عم فاول عليك طولة العمر إلك ) بس شي بعئد الواحد ما بيلحئ يتأقلم حتى ينتئل

    انتي شوفيلك بنت بصفك توالفي معا و احسن شي تكون اللي آعدة جنبك أو وحدة وحدانية زيك شوفي إزانها آدمية حاولي تأربي منا اكتر و تسيري صاحبتا
    هاد اهم شي انك تكسري حاجز الوحدة بعدين شوي عشوي بتلائي الصف كلو صارو صحابك وانتي باين عليكي مؤدبة و حبابي وانا متأكد كل الناس رح يحبوكي عطول زي المدرسة الأديمة واكتر

    الله يوفئك
    اللي آعدة حدي الأمورة هي tongue ملزئة استغفر الله ><"
    انا من كتر ما كنت ملبكة ما صحلي فكر اني اتعرف على شي بنوتة تانية .. كان كل تفكيري كيف بدي اتعود عليها وعلى تصرفاتا وكيف بدي اقنع بابا .. بس ان شالله مع الوئت بحاول اني اتأرب من شي وحدة مع اني خايفة وحاسة اني رح إبئى على نفس الوضع disappointed ..
    وتسلم والله كلك زوووء وشكرا على كلامك الأمور ..

    ويسلمووو دياتك لأنك أريت مشكلتي عم حس انو لسى في حدا بسمعني وبيهتم !
    يعطيك الف عااافية .. وشكرا كتيركتير لإلك

    تحياتي ~

  12. #11
    الحل : حاولي أن تكوني إجتماعية لكي تنجحي في كل مكان

    انا شخصياً كنت أستحي من الناس لكن الآن أنا إجتماعي

    و حياتي صارت أفضل ، يعني بالخليجي : اطيح الميانة مع أي واحد tongue

    فما يهمني الاشخاص الي حولي ، لأني اقدر أتأقلم معاهم smile
    مرة وحدة اني كون اجتماعية ما بتخيل بسهولة رح بئدر انتئل كل هالخطوة بس كبداية انا شايفة انو يمكن صرت أجرأ من أبل ..
    ولا لأني ما حبيت المدرسة عم خاف واتردد والله ما بعرف نادراً حتى اتعرف على ناس جداد الناس اللي بعرفون ما تغيروا من زمان tongue بس يعني إلا ما الواحد يتغير لو بعد سنة سنتين وخصوصا لو دخل الجامعة هون غصب عن عينو بدو يحاول يختلط بعدد كبير من الناس !

    أو ، أنك تقنعي والديك ، تقولين لهم أن مستواكِ الدراسي راح يتدنى

    إذا إستمريتي و بجذي تقنعينهم .



    بالنسبة لصاحبتك فبصراحة ماعرف ، يعني حاولي تكلمينها بأي

    طريقة حاولي توصلين لها بأي طريقة
    يلا منجرب كل الأساليب معون الأكشن والدراما وكلو وان شالله بيمشي الحال يمكن يملو مني ويتئبلو رأيي nervous ..

    وان شالله بحاول اتئرب من بنوتة تانية يمكن هي تحس انو كانت طريئتا معي مو منيحة بنوب واسلوبا مو كتير منيح ..

    يعطيك ألف عافية على مداخلتك .. عنجد شكرا كتير ..

    ما حدا أصر تسلمولي smile

    و الله يوفئكون ويحئئ اللي ببالكون ..

    تحياتي ~


  13. #12



    قد لا يكون هذا حلا , لكن لقد جربته و أراحني كثيرا ,.

    إنتقلت مرة إلى مدرسة أخرى لإنتقال سكني , طبعا المدرسة الجديدة لم تعجبني , فكنت أنتقد كل شيء , عموما , فكرت أن أستغل وقتي في المدرسة , في الحقيقة لأن إستغلال الوقت في الأيام الدراسية يكون في غير الدراسة ,

    لذا قررت أن أسهر طول الليل , و أأتي للمدرسة لأنام , حقيقة أحببت تلك المدرسة لذلك السبب , فقد كان المسجد مريح جدا و يساعد على النوم أكثر من بيتنا المزعج ,.

    من هنا بدأ حبي لهذه المدرسة يزيد , بل في غضون 4 أشهر بت مشهور في هذه المدرسة ,, .

    عموما, هي مسألة وقت , وسوف تعتادين على هذه المدرسة , أما بالنسبة لصديقتك , فأريها أنك سيئه جدا , لتكرهك و تتركك , أنا لم أجبر على صداقة أحد و لكني كنت أمل من بعض الأشخاص أحيانا فأفتعل مشكلة معهم ليتركوني ,.


    لا تجربي أي من هذه الحلول , tongue , إذا أردت أن تكون ناجحة و ترفعي رأس و الداك ,.

    أما إن أردت أن تعيش اليوم بيومه فجربيها ,, فهي ناجحة ومضمونة جدا gooood

  14. #13

    ~ السـ،ـلام عليكم

    كيف حالكـ Choco yumi ؟؟؟ ان شالله بخير

    مشكلتك صعبة >< وماراح يفهموها الأولاد بس ان شالله تنحل

    بس سؤال هي البنت معك بالفصل ؟؟ اذا كانت لاء احمدي ربك confused

    وساعتها انتي حاولي تتكلمي مع البنات اللي بفصلك في أوقات الفراغ ولسه السنة في بدايتها

    وشوفي اذا في بنت صاحبتها غايبة احكي معها ابدئي بأي شي ولو صباح الخير nervous

    حاولي تتحشري بالبنات وكمان شوفي اللي جنبك أو اي وحدة قريبة منك اذا كانت امورة ومؤدبة دردشي معها tongue

    وتأكدي مع جرجرت الحكي راح تسألك اذا بدك تمشي معها أو مع صاحبتها كمان وممكن بعد يوم أو يومين حتى مش مشكلة

    وساعتها هديك البنت اهربي منها مرة مرتين راح تفهمها من نفسها وما بتكوني قلتي إلها شي
    لكن بعدين صيري صبحي عليها >> يعني كلمتين ونص من باب المعرفة

    وشي تاني احكي صحباتك اللي قدام واكيد راح يشجعوكي ويحمسوكي >> بكفي يرفعوا من روحك المعنوية gooood

    وبالأخير تفائلي شوي

    وان شالله بتتعرفي على وحدة طيوبة وبتصيروا صحاب smile

    ~ يـ،لا سـ،ـلام




    لو كانت السعادة تعني الحياة بلاقلق، لكان المجانين هم أسعد الناس
    attachment

  15. #14
    و عليكم السلام و رحمة الله و بركاته

    كل عام و انت بخير أختي ^_^
    كيف حالك ؟!

    بصراحة قرأت موضوعك منذ يومين تقريباً لكني وجدتي نفسي أرد الآن فقط .. << احلفي biggrintongue
    فيما يتعلق بما ذكرت فإنه من الطبيعي أن تشعر الفتاة منا بالرهبة عند انتقالها من مرحلة مدرسية إلى أخرى
    و قد يزداد الأمر إلى التوتر و القلق حيال الوضع المدرسي خاصة عندما تكون في مدرسة مختلفة عن باقي صديقاتها اللواتي احبتهن ..
    مشكلتك هذه طبيعية جداً فهي كثيرا ما واجهت غيرك من علاقات اصدقاء و غيرها ..
    كنت سأطلب منك أخذ النصح من والدك لكنك تقولين أن النقاشقج لا ينفع معهما ..
    لقد مررت بتجربة مشابهة لك سابقاً فلم تكن الفتاة التي اخترتها تشاطرني الأفكار و لا حتى الأخلاق
    صدمت من افعالها بالفعل ! لكني لا اظن ان زميلتك التي تتحدثين عنها ربما وصلت لهذا السوء!
    إن لم تكن في صفك فهذا يفتح مجالاً كبيرا لك لتكوين صداقة في نطاق فصلك الدراسي الخاص بك ..
    هذه فرصة لا تفوتيها ! .. قد تجدين التواصل صعباً في البداية لكنك مع الأخذ و العطاء ستجدين نفسك
    تنجذبين إلى داثرة الصداقة شيئاً فشيئاً .. فهي لن تكون في يوم و ليلة فقط !
    أما بالنسبة لصديقتك التي تحدثت عنها فنصيحتي لك أن لا تتعمقي في العلاقة معها كثيراً إن كنت ترين
    انها مختلفة عنك .. لكن هذا لا يعني أن لا تحسني معاملتها .. فعلى الأقل سلمي عليها و زوريها في الصف
    أو قومي حتى بشراء شوكولا لك و لها من الكافتيريا biggrin

    لا أدري ان كان كلامي كافياً مع اني ارى اني اطلت الثرثرة كثيراً cheeky
    أي اسئلة او مساعدة فأنا في الخدمة biggrin

    في انتظار ردك ..
    إلى اللقاء

    Summer Rain Drops on the Apple Branches
    Lights from Heaven Dancing with the Shadows

  16. #15
    قد لا يكون هذا حلا , لكن لقد جربته و أراحني كثيرا ,.


    إنتقلت مرة إلى مدرسة أخرى لإنتقال سكني , طبعا المدرسة الجديدة لم تعجبني , فكنت أنتقد كل شيء , عموما , فكرت أن أستغل وقتي في المدرسة , في الحقيقة لأن إستغلال الوقت في الأيام الدراسية يكون في غير الدراسة ,


    لذا قررت أن أسهر طول الليل , و أأتي للمدرسة لأنام , حقيقة أحببت تلك المدرسة لذلك السبب , فقد كان المسجد مريح جدا و يساعد على النوم أكثر من بيتنا المزعج ,.


    من هنا بدأ حبي لهذه المدرسة يزيد , بل في غضون 4 أشهر بت مشهور في هذه المدرسة ,, .
    هههههههههههههههههه شو هالتفكير الرائع هاد biggrin ويلا ومنكم نستفيد
    بس تخيل اني روح نام ولي مصيبة .. ما حدا شافك من أبل وانت بعز النوم ؟!
    بس عنجد فكرة بتخليك تعشئ تجي للمدرسة nervous



    عموما, هي مسألة وقت , وسوف تعتادين على هذه المدرسة , أما بالنسبة لصديقتك , فأريها أنك سيئه جدا , لتكرهك و تتركك , أنا لم أجبر على صداقة أحد و لكني كنت أمل من بعض الأشخاص أحيانا فأفتعل مشكلة معهم ليتركوني ,.
    ماشاالله على تفكيرك افحمتني هههه من أولا انا جديدة وعم بتصرف بهبل يعني انت بدك اني كون خبر كان 3d

    بس عنجد انت مرح كتير وتفكيرك خطير ^^


    لا تجربي أي من هذه الحلول , tongue , إذا أردت أن تكون ناجحة و ترفعي رأس و الداك ,.


    أما إن أردت أن تعيش اليوم بيومه فجربيها ,, فهي ناجحة ومضمونة جدا gooood
    والله ما بعرف ما بتخيل انو فيني نام هههه بخاف ><"
    ولا انو اعمل حالي مو منيحة مع اني عم حس انو رح يطلع خلئي عليها وانفجر بالأخير disappointed مدري انا معئدة ولا شو !


    وعنجد يسلمووووو إيديك على هي المداخلة الأمووورة smile


    يعطيك ألف عااافية ..


    تحياتي ~

  17. #16

    ~ السـ،ـلام عليكم
    وعليكم السلام .. اهلين امورة ..

    كيف حالكـ Choco yumi ؟؟؟ ان شالله بخير
    انا منيحة الحمد لله كيفك انتِ حبيبتي smile

    مشكلتك صعبة >< وماراح يفهموها الأولاد بس ان شالله تنحل
    ههههههههه شفتي التعئيد rolleyes آمين الله يسمع منك

    بس سؤال هي البنت معك بالفصل ؟؟ اذا كانت لاء احمدي ربك confused
    لأ هي بصفي disappointed راجعي الردود هههه وآعدة حدي كمان sleeping

    وساعتها انتي حاولي تتكلمي مع البنات اللي بفصلك في أوقات الفراغ ولسه السنة في بدايتها


    وشوفي اذا في بنت صاحبتها غايبة احكي معها ابدئي بأي شي ولو صباح الخير nervous


    حاولي تتحشري بالبنات وكمان شوفي اللي جنبك أو اي وحدة قريبة منك اذا كانت امورة ومؤدبة دردشي معها tongue


    وتأكدي مع جرجرت الحكي راح تسألك اذا بدك تمشي معها أو مع صاحبتها كمان وممكن بعد يوم أو يومين حتى مش مشكلة
    والله انا بخاف كون تئيلة دم أحيانا وكمان أحيانا بفكر انو ما حدا يعبرني واخجل مدري لشو بتلبك وبتجيني أفكار كتيرة frown
    بئول لو حدا بدو يحكيني كان بدأ من زمان إلي اسبوع بالمدرسة هي ><"
    بس يلا الشغلة بدا همة مستحيل إإدر ضل عطول لوحدي هيك ومع هي البنت .. بما انو هلأ عطلة رح بحاول نفسيا اني إبدأ مع شي وحدة ><
    ادعيلي cry

    وساعتها هديك البنت اهربي منها مرة مرتين راح تفهمها من نفسها وما بتكوني قلتي إلها شي

    لكن بعدين صيري صبحي عليها >> يعني كلمتين ونص من باب المعرفة
    صح فكرة حلوة مو ضروري احكي معا بس إن شالله تزوء على حالا وتفهما

    وشي تاني احكي صحباتك اللي قدام واكيد راح يشجعوكي ويحمسوكي >> بكفي يرفعوا من روحك المعنوية gooood
    والله كتير اشتئتلون disappointed رح بعمل طلة على المدرسة الأديمة بين فترة وفترة متل ما حكتلي وحدة من البنوتات rolleyes


    وبالأخير تفائلي شوي


    وان شالله بتتعرفي على وحدة طيوبة وبتصيروا صحاب smile
    إن شاالله .. ويسعدك ربي يا أمورة متل ما فرحتيني بردك اللزيز
    ولا ننحرم من ردود smile

    يعطيكِ ألف عافية ..

    تحياتي ~


  18. #17

    و عليكم السلام و رحمة الله و بركاته
    وعليكم السلام ورحمة الله وبركاته

    كل عام و انت بخير أختي ^_^

    كيف حالك ؟!
    وإنت بألف خير وسلامة أمورة smile
    الحمد لله تمام .. كيفك انتِ ؟!

    بصراحة قرأت موضوعك منذ يومين تقريباً لكني وجدتي نفسي أرد الآن فقط .. << احلفي biggrintongue
    هههه أهلين فيكِ بأي وئت ..

    فيما يتعلق بما ذكرت فإنه من الطبيعي أن تشعر الفتاة منا بالرهبة عند انتقالها من مرحلة مدرسية إلى أخرى

    و قد يزداد الأمر إلى التوتر و القلق حيال الوضع المدرسي خاصة عندما تكون في مدرسة مختلفة عن باقي صديقاتها اللواتي احبتهن ..
    ايه والله اكيد كتير صعبة وخصوصا من بعد ما تعودتي على جو المدرسة الأديمة وضليتي فيا من زمان disappointed على كل شي بقارن بينون عم حس في اختلاف كبير >< نفسي ما فكر بالفرء بس لا إرادياً .. حتى انو متل الهبلة كل يوم برجع ببكي وبروح بغفى مشان ما فكر بهيك مدرسة.. نفسي ارجع عنجد رغم انو مستحيل

    مشكلتك هذه طبيعية جداً فهي كثيرا ما واجهت غيرك من علاقات اصدقاء و غيرها ..

    كنت سأطلب منك أخذ النصح من والدك لكنك تقولين أن النقاشقج لا ينفع معهما ..
    أبدا ما رح بينفع ماما وبابا مقتنعين بالمدرسة وداخلة مزاجون
    ومصرين اني ضل فيا حتى اتعود بلكي فيني إتجرأ اكتر ..
    حتى انو ازا شافو الشي عاجبون ما بياخدوا رأيي بمحمل الجدية يمكن يسمعولي بس بالآخر كلامون اللي رح يتنفز sleeping

    لقد مررت بتجربة مشابهة لك سابقاً فلم تكن الفتاة التي اخترتها تشاطرني الأفكار و لا حتى الأخلاق

    صدمت من افعالها بالفعل ! لكني لا اظن ان زميلتك التي تتحدثين عنها ربما وصلت لهذا السوء!
    نحنا صح ما منتفئ ولا اسلوبا ونمط حياتا وتفكيرا متلي
    وعندا اشيا بشخصيتا مو منيحة بنوب .. بس يعني مو لدرجة كتير كبيرة .. ومع هيك انا ما بحب تكون إلي رفيئة عطول ما منتفاهم صعب كتير .. ورانا سنة طويلة رح نئضيا مشاكل وخنائات

    إن لم تكن في صفك فهذا يفتح مجالاً كبيرا لك لتكوين صداقة في نطاق فصلك الدراسي الخاص بك ..

    هذه فرصة لا تفوتيها ! .. قد تجدين التواصل صعباً في البداية لكنك مع الأخذ و العطاء ستجدين نفسك

    تنجذبين إلى داثرة الصداقة شيئاً فشيئاً .. فهي لن تكون في يوم و ليلة فقط !
    لأ هي معي بالصف .. بس انا رح اتهرب منا متل ما حكت matilda
    اظن هاد الحل الأنسب لانو هي ما بتحب تسمعلي شي
    حتى اني كتير بحس انو هي ماشية معي للتسلية مو اكتر ..
    سبحان الله صرت اكره اجي على المدرسة مشان ما شوفا رغم انو كرهانة المدرسة من الأساس بس هي زادتا عليي !

    أما بالنسبة لصديقتك التي تحدثت عنها فنصيحتي لك أن لا تتعمقي في العلاقة معها كثيراً إن كنت ترين

    انها مختلفة عنك .. لكن هذا لا يعني أن لا تحسني معاملتها .. فعلى الأقل سلمي عليها و زوريها في الصف

    أو قومي حتى بشراء شوكولا لك و لها من الكافتيريا biggrin
    أصلا ما فيني اتعمق ولا شبر حتى nervous ..
    إن شاالله بحاول اني شوي شوي ابتعد عنا .. لحتى تنئطع علائتي معا ووئتا برمي عليها السلام رغم اني مو طايئة شوفا " استغفر الله " بس السلام لله
    حلوة هي الشوكولا ههههه لا وحياتك بشتري إلي ولإلك احسن مو هيك smile ..
    يا ستي الله يأدم اللي في خير ومنشوف شو بدو يصير ..

    لا أدري ان كان كلامي كافياً مع اني ارى اني اطلت الثرثرة كثيراً cheeky

    أي اسئلة او مساعدة فأنا في الخدمة biggrin
    لا حبيبتي بكفي وبوفي كمان ما أصرتي وكان كلامك كتير حلو ..
    يا هلا فيكِ .. ويعطيكِ ألف عافية امورة ..
    نورتي الموضوع ,, ومبسوطة بتواجدك ..

    تحياتي ~


  19. #18

    عُدنا

    لأ هي بصفي disappointed راجعي الردود هههه وآعدة حدي كمان sleeping
    dead
    على هيك حاولي بأقرب فرصة تغيري مكانك أو حتى فصلك إذا بيسمحوا عندكم بالمدرسة


    والله انا بخاف كون تئيلة دم أحيانا وكمان أحيانا بفكر انو ما حدا يعبرني واخجل مدري لشو بتلبك وبتجيني أفكار كتيرة frown
    بئول لو حدا بدو يحكيني كان بدأ من زمان إلي اسبوع بالمدرسة هي ><"
    بس يلا الشغلة بدا همة مستحيل إإدر ضل عطول لوحدي هيك ومع هي البنت .. بما انو هلأ عطلة رح بحاول نفسيا اني إبدأ مع شي وحدة ><
    ادعيلي
    اذا ما حدا حكى معك ممكن بسبب انك عم تمشي مع هديك البنت فاذا بدك تحكي مع حدا حاولي ما تكون معك
    >> اعملي حالك مثلاً بدك تكبي شي بالزبالة بعيدن عنك و روحي لاي حدى
    واهم شيـ خلي عندك ثقة بنفسك
    rambo

  20. #19
    اذا ما تريدين البنت صديقه لك،، تقدرين تتعرفين على بنات ثانيات

    مثلا في الصف، حاولي تتعرفي على البنت اللي جالسه جنبك، مع الوقت بتتفقون

    ها حال اي وحده تنتقل لمدرسه جديده او الجامعة وما تعرف فيها حد..

    اصبري شوي و بتتعودين على الوضع و بتلاقين صديقات جداد...
    attachment

  21. #20
    وعليكم السلام ورحمه الله وبركاته..

    كيف حالك حبيبتي ان شاء الله بخير..؟؟

    الصراحه انا حاسه فيك..

    لاني مريت بالتجربه هذي..

    انتقلت الى مدرسه جديده..

    وتعرفت علي بنوته والصراحه انا ماحبيتها وكرهتها وكرهت المدرسه والسبب هي..!!!

    لان سوالفها كانت ممله ولانها كانت اخت صديقت اختي الكبرى>>>سالفه خخخ

    وانا مضطربه اني ابتسم لها من غير نفس..

    لكن صبرت عليها كم اسبوع وافتحت قلبها لي ..

    واذا واجهت مشكله تتصل علي وتشكيلي.


    والله انا كرهتها لكن الحين حبيتها واهي من اعز صديقاتي..

    ماتوقعت ابد اني احبها وتصير توأم روحي..

    عرفت ليه كرهتها في البدايه لاني ماكنت عارفه طيبت قلبها

    والحين مستحيل اتخيل المدرسه من دونها..

    والله لو اتكلم عنها من هنا لباجر ماراح اخلص..

    لكن اصبري حبيبتي عليها وحاولي انك تعرفين على البنات..

    والله حاسه فيك قلبوووو..

    لكن الحمد لله انا مرتاحه لصديقه عمري اللي كرهتها في البدايه..

    واسفه على الاطاله حبيبتي^_^
    .
    .
    .
    .
    دمت كما تحبين^_^
    ~ سبحان الله وبحمده سبحان الله العظيم ~

    get-11-2008-u2qx3btf0re

الصفحة رقم 1 من 2 12 الأخيرةالأخيرة

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter