~~~عندما يجثو العاشق على ركبتيه و يبوح أمام معشوقته ما يجول في خاطره~~~
يكون عندها للكلام طعم آخر و للأهات نغمة يطرب لها السامع
اعترف العاشق لها و أعلنها أمام الدنيا
أنه منها البدايه و منها النهايه
♥♥بأعترف لك بأعتراف وبصمتي أشهدعليه..
أعتراف يحكي حقيقه ولايكون الردليه
أنا أحبك أيه أحبك وشوفي قلبي وأسأليه
وفوق حبي لك مشاعر تنطق بشوق الوجيه
وكل ماشفتك حبيبي قال قلبي أيه أبيه
هذا هواللي أحبه وأعشقه وأموت فيه
هذا هواللي خلى أشواقي تجيه
هذا هواللي هويته ليتني لأشتقت أجيه
بأعترف وهذا أعترافي ان قلبي لك وافي
وأنك أغلى من يكون وأن حبي لك وافي
وأن شوفتك للجروج طبها اللي كان شافي
يابعدحاضر وغايب ياسبب أبداع قافي
أنت يابسمةشفاتي حبي اللي جاك صافي
صرت صوره في عيوني انظرك لوكنت غافي
نوري الضاوي أشوفه فيك يوم النورطافي
وعشقي اللي ماحكيته جاك واضح وجاك خافي
بردي لاحرك غصوني في حماك يصيردافي
وصيفي لازاد السراب ينتعش لا صرت لافي
كيف أعبر كيف أقول وأنت حلي والحلول
وكل كلمه قلتها ماتجي ربع الميول
لأني أحمل لك غرام يبهر أصناف العقول
ماتترجم بالكلام ولايترجم بالشمول
يكسي الصحراء ورود والزهر يغزي الفصول
حب ماهو حب عادي ولاهو مجرد فضول
حب عمره مايموت بالأمل عمره يطول
حب يملك حب صادق ،، عيبه بس أنك خجول
ماقدر يظهر حنينه ولاقدريخفي ونينه
عنده أشعار وأغاني وصارت أشواقه سجينه
إن حكى تصمب حروفه وإن بكا يحكي ونينه
عنده أسرار وموده باقيه لأخر سنينه
وعنده للحب معنى يعتلي قمة جبينه
كيف أعبر عن مداك وكيف أوضح لك غلاك
قلي أرجوك بعباره فيها أوصل مستواك
كلمه قبلي ماحكوها لك ماهيب لسواك
تشفي لاجتك المواجع وتصبح النور لمساك
ودي ابعثهابليل ولاتنام إلامعاك
أو تجي وقت النهار وتصبح الضيف حتي مساك
أوتنطقها شفاهي ولجروحك هي دواك
تخبرك عن حبي وقلبي اللي فيك جن
وعن مدارات السهرومحطات الزمن
لين تقنعك بشعوري إلي ماعمره وهن دايم في سيرتك يسرح لين صارحبك فن
حطم أرقام المحبه وأنتهك حد الأمن
أعشقك عشق الصراحه وعشقي أرسل لك رماحه
أكثر من أنك تخيله أوتقيسه في مساحه
يعجز التعبير يكتب مهماكانت له فصاحه
عن وجودك في حياتي وأني أشعر بأرتياحه
وأنك الحب الحقيقي اللي غطاني وشاحه
وإن بغيت أكثر أزيدك وأني نبضه في وريدك
واني أستلهم وجودي لادفت أيدي بإيدك
وأني أحزن لافقدتك والفرح عيده بعيدك
ماأذكر أني قد نسيتك وأذكر بس أني أريدك
وكانها الدنيا قديمه أنا بالدنيا جديدك
وأنا ياقلبي وجودك كانها ضاقت بك حدودك
وإن تبي الضحكه تراني بسمه تسعد خدودك
لاتضايق أوتكدر دامني أغلى وجودك
لأني أحبك زياده بالوصل ولابصدودك
غصب عنك وغصب عني ذبت في قطره جمودك
لوتعاند أو تكابر غصب أحبك لوتهاجر
الهوا ماهو غصيبه كنت أدري وكنت خابر
بس بالقوه هويتك وتشهد حروف المحابر
وأدري أنك في مغرم بس ماهومثلي وصابر
عندك أحساس التحمل وتمتلك حكي المشاعر
وأنا لاحبيت أذعت حبي بأوساط المنابر
وكان ضني فيك خاطي بأترك الدنيا وأسافر
لأني بدونك مجرد جسم من حبك تجرد
ومايحب إلاالخيال اللي في حبك تمدد
أنت ياحلمي الجميل غيم ماغمره تبدد
المطر نظرة عيونك والعطا منك يتجدد
وماخلق مخلوق غيرك أنا لرضاه أتودد
قلت أحبك وأعترفت قلتهاوأنت أقتنعت
قلتها بصوت الكآبه وصوتي الصادق حبست
قلتها وكلي وضوح لك ولغيرك أعتذرت
لوزعل ماهمني دام على حبك حصلت
في مسافاتك مشيت وآخر الرحله وصلت
وجيت وأنفاسي تقول أنا أحبك لوزعلت
هذي هي كل الحكايه أوسميها الروايه
أبتدت منك البدايه وأنتهت فيك النهايه♥♥..@




اضافة رد مع اقتباس





المفضلات