هــــــــــــــــــــــــــاي مكسستات .
كيفكم ياحلوين ؟ تمامو
اليوم جايبه لك شي جديد اول مره اكتب عنه
ادري ان صار لي فتره ماكتبت لكم شي لكن تجمع عندي بالدفتر يمكن 15 خاطره او اكثر
انشا الله بتشوفونهم قريب
الموهيم ...
نرجع للموضوع ...اهو عن شعور اغلب البنات في ليله معينه بحياتهم
انا ماجربته بصراحه بس اعرف بنتين او ثلاث جربوه
فراح اعطيكم اللي عندي وانتو لاتبخلون علي بردودكم اوكيك
..........
جلست صباح ذاك اليوم مع انه بالقوه جاني نوم
لاني كنت سرحانه بافكاري بعيد
تجي على بالي كل الذكريات الحلوه اللي عشتها بهالغرفه
ان كان زعلي وصياحي او عنادي واضرابي عن الاكل
سوالفي مع امي وهواشي مع اخوي
ااااه يارب ليش كذا الحياه صعبه
اتعلق بكل اللي حوالي وبعدين اروح لعالم ثاني
لمكان اصير فيه بروحي مع شريك حياتي
مافي احد حوالي غيره ..هذا شي كنت دوم اتمناه ويوم حصلت على امنيتي اتراجع
الله يساعدني وانا اودع امي وبروح بيتي
................
ويوم رحنا الصالون الصباح واللكوفيره تعدل شعري جات على بالي ذكريات الطفوله
كيف كنت قبل 18 بنوته بريئه ونعومه وادلع على اهلي كيف ماابي
وفجاه قبل 6شهور صرت مخطوبه
انا كنت مخطوبه والحين زواجي من يصدق ان هالبرائه ماعادت موجوده
صرت امراه مو بنت صغيرونه بملامح طفوليه
......................
واهم يعدلون مكياجي تذكرت صاحباتي بالثنويه
وكيف كنا مرابيش ومحد منتبه لنا ..الادب مقطع بعضه من الحياء
واول هروب لنا كان بفتره المراجعات واذكر معلمه الفيزياء تلاحقني تقول انتي هربانه وانا ولاكاني اسمعها
ويوم ركبنا السطح ويوم صادونا هددونا وخفنا
وسولفنا عن الاشياء الجريئه والعاديه والشباب
........................
بعدين جاو اهلي بيلبسوني الثوب .. حسيت دمعتي واقفه على الباب تنطر حد ينزلها
وفجاه ضمتني امي لها وساعتها ماقدرت امسك نفسي دموعي طاحت واهلي يحاولون يهدوني
معقوله مابجلس الصبح واشوف امي قدامي ولا بااساعدها بالمطبخ
وغسيل الصواني ومن بينظف لها البيت بعدي
....................
ويوم جا وقت الزفه ودخل زوجي قعدت اراقبه وهو يمشي وانا فيني الصيحه والعبره ذابحتني
ومن باسني على راسي وقال كيفك حياتي اشرت على امي المنديل وينه لايخترب مكياجي
هاليله كانت كلها مشاعر جياشه طلعت مره وحده ماقدرت امنعها
لاني اليوم صرت امراه مسؤله عن بيتي وزوجي
بس لين الحين اشتاق لغرفتي وسريري ومرايتي ومخدتي
وسوالفي مع امي وصاحباتي
هذي كانت اجمل ليله بحياتي لان دمعاتي انخلطت فيها مع ابتساماتي
................يلا عاد مو تبخلون علي بردودكم ok
سلامو






اضافة رد مع اقتباس












.. من جد ما ادري كيف بيجي يوم وبترك غرفتي الي كنت اتهاوش عشان اطلع اخوي منها
>>> بس تجي الموضوع وبتسمع . وبتروحين فيها 
)

هع تطلع الفضايح
بأي لغه تتكلمين ؟؟؟


خلاص بقعد اتخيل 

حرام والله 




المفضلات