مشاهدة النتائج 1 الى 4 من 4
  1. #1

    رائع اعرفي عريسك بدري بدري.. من طريقة أكله ....؟؟؟؟

    إذا كان عادي يعني لا بياكل بسرعة ولا ببطء ولا دايمًا شبعان ولامفجوع على طول..
    يبقى شخص معتدل في عواطفه وقراراته ويبقى ده آخرالرجال المحترمين..
    كلبشي.. واستعجلي الزفاف والحياة هتبقى بمبي

    smile smile smile



    إذا كان بيحب الأكل زي عينيه..

    وأول ما يدخل من الباب وقبل ما يقوللك ازيك يقول لك ريحة التقلية تجنن ياروحي ؟؟

    إنتوا عاملين ملوخية على أرانب؟؟.. أموت أنا.. ويقعد ياكل ويحشر لحد ما يغمى عليه..
    يبقي انسان طفس.. وهوائي.. وطايش
    وأوعي تتجوزيه أحسن ياكلك وانتي نايمة....؟

    mad mad mad


    أما إذا كان مش مهتم بالمرة..

    لايقولك ده حلو ولا ده عادي ولا مالح ولا مستوي ولا لسه ني ولا بيعلق أي تعليق..

    وعمره مايقولك جعان أو شبعان
    يبقى إنسان مالوش لزمه.. وزي قلته..
    وأنصحك بدل ما تتجوزيه إتبنيه..

    biggrin biggrin biggrin



    أما إذا كان بياكل زى مايكون حد بيجري ورااااه ..

    وساعة الأكل بيجيله حالة صرع معوي.. ويقوم من ع الأكل قبل أي حد تاني
    يبقى متسرع.. ومتهورفي اتخاذ قراراته وممكن بعد الجواااز يكتشف إنك لست ملهمته..

    ولست فتاةأحلامه ولستِ حلمه..
    ويروح مطلقك بالتلاتة..
    إخلعي إنتي بدري أحسن لكرامتك.


    gooood gooood gooood


    أما إذا كان بياكل على مهله.. ويمزمز.. ف كل صنف لوحده..

    ويسأل عن كل صنف إيه مقاديره ومعمول إزاااي ويقعد يستطعم ف الأكل من العصر للمغرب
    حاسبي منه يا اختي ده النوع اللي له مخ..

    وبيوزن الأمور بطريقه تفقع المرارة..

    ولو في يوم طلبتي منه يقولك كلمة حلوة هايقولك مش عامل حسابي ويقعد يفكر 3 سنين

    وبعدين يقول لك بحبك ويقعد يشوف وقعها عليكي إيه؟؟
    نظااااام شلل رعاش بدري.... بدري
    إخلعي يا أمي


    asian asian asian


    أما إذا كان بيقعد يقطع ف الأكل زي مايكون ف خناقة ويخبط فطبقه من الغل..

    ويقطع حتة اللحمة زي ما يكون بيدبحها.. ويتفتف.. ويتكلم..

    طول ماهو بياكل لما يغرق وشك أكل..
    ده شخص عصبي جدًاااا..

    ومع أول خناقة هايروح مناولك بالكرسي ف راسك أوبالسكينة ف عينك

    يعمل لك عاهة مستديمة وبعدين.. يهدى.. ويقول لك:
    "سوووري ياروحي هي جت فيكي.. معلش"
    ""معلش برَّه يا حبيبي وخد الباب ف أيدك""


    devious devious devious


    أما إذا كان دايمًا قرفاااان دايمًا مش عاجبه العجب ولا الصيام في رجب..

    يع.. الملوخية تقيلة.. ياي.. السمنة كتيرة على وش الشوربة..
    ياساتر.. دا محشي ولاصوابع مووووز.. أووووف.. الرز محصويل.. يامَّه
    المكرونة معجنة..
    إذا كان كده توكلي على الله وهاتي أحمى ساطووووورعندك
    وأنا أعرف لك واحد محاميهايطلعك منها زي الشعرة م العجيييين





    والأحسن من ده كله..... مالها القعدة ف بيت
    أبووووووووكي؟؟

    ههههههههه


    tongue tongue tongue


  2. ...

  3. #2
    ههههههههههههههههههههههههه

    خخخخخخخخخخخخخخخخخخخخخخخخخ

    حلوووووووووووووووووووووووووو

    شكلنا قاعدين قاعدين .......
    إلي يبغى قصة My special angel 1-32يضيف هذا الإيميلyoko-chan7@hotmail.com
    133855ea0d1114e1c742b358fe06c3da

  4. #3
    ههههههههههههههههههههههههههههههههههههههههههههه

    دول بقى كلهم وحشين biggrintongue

    و بعدين معروف الرجل الشرقي يحب الاكل biggrin

    على العموم مشكورة اختي

    من جد فطست ضحك

    و صح في احلى من القعدة في بيت ابوكي biggrintongue
    لن تروني كثيرا في المنتدى حتى اشعار آخر cry

    attachment

    أشكر مراقبي المنتدى العام على التكريم المتميز

  5. #4

    رائع شكرا

    Sweet Angell
    شكرا على مرورك الجميل


    sweetygirl
    العفو
    و شكرا على مشاركتك الأكثر من رائع

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter