سلام عليكم ورحمه الله ,

هذي قصيده سمعتها من لسان قايلها في التلفزيون , وعجبتني ,
وقلت ما راح أرتاح لين ما أطلعها من النت ,
والحمد لله لقيتها. وحبيت اوريكم إياها ,

القصيدهـ :


الا يالله يافارج من الكربات والنكبات
إله ما ندور كون مرضاته وطاعاته

له التمجيد والتوحيد حقه بالنفي واثبات
خلقنا لجل توحيده ونزل لجله أياته

بعد ما اطريت رب البيت رحت وجيت بالأبيات
على اللي مايجي بيتي معه قطره من ابياته

سلام الله على سيفٍ يسل بساعة الشدات
على جمع العدا ماتخطي الهامات ضرباته

وثق به خادم البيتين وستله على الصعبات
لقيى سيفه على كيفه ماضاعات فيه هقواته

على المعقول والمنقول بأبدى ابيات منقيات
مشاعر شاعرٍ عبر المشاعر ينظم ابياته

بأجيب افكار مابحتار بأمدح طيب السيرات
عزيز الجاه يبذل جاه لآمن جات حزاته

هذا خالد ولد فيصل راع الصولات والجولات
عذاب الشر وأهل الشر والمغتر في ذاته

عريب الجد راعي المجد وقت الجد له وقفات
على الملموس والمحسوس والناموس شاراته

حفيدٍ للبطل عبدالعزيز مضيع الهقوات
وابوه اللي مع الحكام ماتلقى سياساته

سياسي قاسي راسي ليا راحت علوم وجات
جواده بالطليعه والشريعه من اساساته

بنا نهجه على العفه وكفه ماتجي زلات
نزيه العرض محمود السجايا من بداياته

دمغ لارهاب والمرتاب بالحاظر ووقتٍ فات
عرف بأسرار للمكار قبل تبين نياته

بلغ الاعجاز في الأنجاز بأعمالٍ تجي بسكات
يزاولها ويعملها ويشملها بجولاته

رجل همه وهمه مثل عمه نايف بإثبات
بحفظ الأمن يتبع نايف بأكبر مهماته

تجي الأقوال لامن قال بالأفعال مقرونات
يجي لجسام رقل عظام لامن حد نظراته

مدام السيف دايم سيف دام ودامت الرايات
ورمز السيف بالتوحيد والبيرق علاماته

~

لاحظو السجع في القصيده , أضافت نغمه خاصه في القصيده ,
مو مهم ,
صح لسانكـ , وفالك المليونين ,
سلام عليكم ,