السلام عليكم ورحمة الله و بركاته
اهلا اختي فتاة كرتونية
موضوعك جدا رائع و حماس
بالنسبة للاطفال فانا احبهم لمن يكونوا بيبهات
و بعدين لمن يكبروا و يبدوا يتحركوا و ينططوا و يكسروا اكرههم
طبعا انا الاطفال اغلبيتهم يتلمون حوليني و يحبوني
بس المشكلة ماعرف اتعامل معاهم او العب معاهم
امكن عشان فرق السن>>> تراني مو صغيرة عديت المراهقة
طبعا التربية فعلا شيء صعب جدا و غلطة وحدة ممكن تكلف الكتير
وزي ماذكر وحدة من الاستاذات كانت تقولنا الطفل ابدا ما ينسى اي ضربة اكلها من اهله
و كلامها فعلا صح
طبعا الاطفال فعلا اذكياء عشان كده لازم نعاملهم بطريقتهم
يعني نلعب معاهم و نحوارهم كانهم اشخاص كبار عشان ننمي ذكائهم
طبعا العقاب
انا احب التعذيب
بس سرت اخف على اخواني الصغار شوية
بس احيانا احس حلو اعذبهم
اصعب شيء التربية
يعني مو نجيب اطفال عشان نزيد العدد لاننا رح نكون محاسبين عنهم يوم القيامة
صرااااااااحة افدتيني بموضوعك مرة رح احفظوا عندي و ارجعلوا من الوقت للتاني
على فكرة انا كنت طفلة شقية
و الدتي دايما تحكيني
تقولي مرة كنت طفلة صغيرة امكن سنة وشيء
كنت ادخل البلكونة و امسك اي شيء زي مثلا فحم او اجيب موية و اكبها او ارميها على الناس اللي في الشارع
طبعا ياما جت شكاوي
بس الحين عقلت الحمدلله
تسلمي اختي على موضوعك
اضافة رد مع اقتباس
المفضلات