كل مافكرت أنا أبعد صاحت جروحـي تبيـك
لعنبوهـا ماكفاااهـا منـك تعذيـب وألـم!؟
ماقدرت أزعل ثواني كيف أنا بزعل عليـك؟
كيف أنا أقوى البعد عنّك وإنت لـي روحٍ ودم
أنوي المرواح لكـنّ القـدم غصـبٍ تجيـك
كل مافيني عصاني من (خفوقـي ....للقـدم)
ترتجف كفي إلا من لامسـت راحـة يديـك
وإن ضحكت الكون عندي كل مافيـه إبتسـم
إن ذكرت إسمي ألبي (سم ..آمـر) ياالمليـك
وش تبي مني؟ حياتي؟ لو تبيهـا قلـت( تـم)
آآآه ياقلـبٍ يحبـك محتويـك ومشتـريـك
باع كل النـاس لأجلك..مايبـي خـالٍ وعـم
إنت ناسي.. وإنت ربعي..ما أبي غيرك شريك
إنت كل أحلام عمري إنت في قلبـي المهـم
تدري أني مهما طال البعد روحـي تحتريـك
لأجل حبك هو وجودي ودون حبك هو العـدم
بعد هذا.. لاتصدق لو أقول إنـي مـا أبيـك
(كلمةٍ كذّابةٍ) وقـت الزعـل لا تشيـل هـم
اضافة رد مع اقتباس
المفضلات