هاي كوكي ..
( كوكي دلع مكسات ارجكم الله ) ..
احم ..
<<<< بالله ايش رايك بالوسام هذا .. اللي تحت صورتي الشخصية ..
تقولوا اني جاوبت على سؤال لباد قاي .... وراح اعطاني هو ..
والله كانت الالماسة احلى ... لفترة حسيت نفسي غني
راحوا وحطولي الوسام هذا .. تقولوا طلعوني عريف فصل...
لاحظوا
باد قاي حطيته باللون الاخضر .... (( تحت المراقبة )) ..
المهم ...
>>>>>> الله يرجني خرجت من جديد ...
نرجع .. وبقول ..
لازم تصوت .. كذا من الاخر ..
عجبك ولا بكيفك .. انتظر لما يخلص الموضوع ..
والله لاخليك تصوت .. من جد ..
>>>>>> والله العظيم انه بعد ما طرحت الموضوع هذاااا وكتبت كل شئ فيه .... اليوم الصباح ... ولا انزل لتحت .. والاقي مواضيع لها صلة .... سبحان الله نفس عنواني ... قلت الان تحسبني صاحبة الموضوع انه سارق العنوان منها .. ولا هي محض صدفة ... ولكن دخلت لموضوعها ... قلت من باب الزيادة .... والله انه يخوف .. مع احترامي لصاحبة الموضوع واللي ردوا معاها ...... والان جيت فورا وسويت تعديل في الموضوع وحطيت الكلمة هذه ... لللأسف منتديات تخوف من جد ... وعقول انطفأت من زمان
هذا يا حلوين عندما يأتي الظلام ويدخل النور يبتلع النور الظلام فيبقى النور الى ان يخرج الظلام من النور الذي كان قد
ابتلعه النور قبل ان يدخل على الظلام اثناء ماكان الظلام مظلما على كل ماهو مظلم .. وقد كان يفتك فتكا بالموجودات
من الظلام قبل ان يبتلعه النور ! ..
(( والله قلبت افلاطون )) .. " افهم العبارة السابقة زي ما تبغى " ..
هذا يا حبايب .. كل فترة نطيح بشئ نتلهي فيه .. وثبت بالدليل القاطع اننا شعب منحط ..
ما شالله ..
ياكثر الأدلة ..
مرة سوبر ستار واحد .. ومرة ستار اكاديمي .. وشوي بنات الهواا .. وشوي ميس ليبانون ..
وهاليومين عندنا سوبر ستار 2 ..
اهلي امي واخواني واخواتي وكلهم .. من ضمن الناس اللي مشو في هذا الاتجاه ..
حيقولوا اني جالس افضحهم ..
اسكتوااا ...
ولااااا وبالذات امي ..
السنة اللي راحت .. كانت تحب شادي اسود .. ( سود الله وجه ) >>> دعيت عليه .. والله امي ما تسمعني حتعلقني بالمروحة ..
فا جا ونطلنا السنة هذه اخوه فادي اسود .. ( سود الله خشمه ) << والله تخيلوا يسود خشمه .. يطلع مهرج طوالي ..
امي حولت من شادي >>> لفادي .. وتقولنا صوتوا له .. هذا من خيرة شباب الامة ..
تخيلوا الخيرة هذه ...
والمشكلة اخواني و اخواتي معاها ..
انا هنا يوقف شعر راسي كله ..
مدري ليش امي مغرزة عند بيت اسود ..
مع العلم انه لا وجه حلو ولا ....... (( طن طن ... الرقابة )) ..
المهم .. يعني حتى اهلي بالبيت لاحقين الموجة هذه .. للأسف ماعندهم مبدأ ..
معقول انا الغلط وهما الصح ولا العكس .. ؟
تقولي فجــ العزيز ــر ( باسمي الحقيقي طبعا )
قوم صوت .. لفادي .. تكفى لازم يطلع .. اذا ما صوتنا له ممكن يطلع برى المسابقة ؟
اقولها والله مااخسر فيه ريال .. .. ليش عقلي نقص ولا دماغي انهز كيانه ... !
تقول هذا لأنك ماعندك مبدأ !!!
تخيلوا ؟
انا ماعندي مبدأ !
مدري يمكن دخلت محل جوالات علشان اشحن جوالي ونسيته مبدئي فيه ..
ولا يمكن المبدأ انشحن مع الجوال ..
تخيلوا مبدأ جالس على شاحن الجوال وينشحن .. وجالس يصرخ .. من الكهرب ..
اووف .. طلعنا عن الموضوع .. نرجع ..
ولاااا امس ... مو طلع فادي ... تقولي ... انت السبب ما صوتوا له ..
لو اتصلت .. ما كان طلع ..
هيا تعااااالوا فكوني منها ...
طبعا الموضوع هذا جااااء في وقت المفروض اني اطرحه من قبل اسبوع ولكن ... قلت يلااا باقي بعد اسبوع حنشوف الشخص المترقب ...
اما ايمن الأعتر ... ياكل زعتر .. >>>> والله انا متأكد اذا شفته بالشارع .. حتديله ريال شفقه .. من جد شكله زي الشحاتين ..
ولا ذااااك ...
عمار حسن >>>>> يا حرام .. شايل قضية فلسطين على اكتافه ...
كتف الله وجه على الخلقة اللي رايحة زي كرتون السن توب لما يقلب سن كولا ..
والله معاااه حق شارون ... في كل شئ ..
ولكن السؤال .. هذا عن اهلي انا.. وانا حكيت لكم الواقع ..
ولكن .. انت ..
ايوااا انت .. الله يرجك انت ووجهك فرحان بشكلك مررة ..
ولا انتي مثله هو .. فرحانة بواجهتك مرة ..
انت ليش دخلت لهنا ؟
حتقولي علشان اصوت !
حقولك انت انسان تافه .. روح فيه موقع طويل عريض صوت فيه !
حتقولي احسب هذا هو الرابط اللي حطيته للموقع التصويت هذا ؟
حقولك شايفني منحط مثلك علشان احط الرابط تبع الموقع ؟؟ و ادخل اصوت لشلة تافهين زيك !
حتقولي بس انا معجب فيهم ؟
حقولك في 60 واحد ممكن تعجب فيه ما لقيت الا هذولا !
وبعدين ليش ؟ بأيش معجب !
حتقولي بأصواتهم ؟
حقولك في ناس سووو اكبر من اللي سووه سوبر ستار تبعك .. صوت وصورة وفعل ..
حتقولي ايش قصدك ؟
حقولك قصدي واضح بكتب السيرة والتاريخ !
حتقولي طيب يا هوووو يا مطوع ؟
حقولك لانك جاهل قلت الكلمة هذه ! لانه الطواعة مالها دخل بالشئ اللي نتناقش فيه !
حتقولي بس هذولي ناس غير .. ؟
حقولك وجدة غير .. و الناس اللي اقولك عليهم ناس غير .. غير ,.. ومن عندي وحدة .. غير !
حتقولي بس هما شباب متواضعين وكويسين واسلوبهم حلو .. ؟
مارح اقولك الكلمة التكررة ( هل حرروا فلسطين ) لانه عارف انك مليت منها وبالاخص فيه مشترك فلسطيني .. وما رح اقولك هل ( خلصوا العراق ) لانه عارف انك كرهت حياتك منها .. ولكن ... انت ايش سويت لنفسك .. ليش ما تسوي شئ تكون فيه محبوب زيهم ... طالما هؤلاء مثلك الأعلى ؟
حتقولي .. مافيه فرصة .. تعرف مجتمعنا الشرقي .. كيف ما يرحم من الكلام .. !
حقولك .. لساااااااااااع ما ترفعت .. مصر تبقى تافه ومنحط ؟
حتقولي ليش ؟
اقولك فرصتك .. تكون فرصتك وتصير ناجح بحياتك بأسلوبك انت مو بأسلوب غيرك ؟
حتقولي برضه مافي فرص عمل .. انت عارف الأوضاع ؟
حقولك .. هالكلمة لوحدها كشفتك .. لانه فرصة العمل انت اللي تجيبها مو هي اللي تجيبك .. !
حتقولي .. طيب والمطلوب مني ؟
حقولك .. انقلع واطلع برى الموضوع ... ولما تترفع عن مستوى التفاهه والسخافة اللي عايش فيها ..
ذيك الساعة انا جاهز ومستعد للمناقشة معك ..
حتقولي .. طيب ليش ؟ الأمر له لايعدوا عن تصويت لشخص احنا حبيناه لصوته ؟
حقولك في اليابان .. بيسوو برامج تصويت لأفضل اختراع وأفضل موهبة ؟
حتقولي .. اليابان غير .. والناس اللي فيهم غير !
حقولك .. جايين من المريخ .. ؟
حتقولي .. لا مولودين بالأرض .. !
حقولك ما قلتلك ... انقلع .. منت راضي .. مصر تتهزئ .. من جد وجهك قوي .. انقلع .. انتهى حواري معك ..
حتقولي طيب دقيقة ..
حقولك .. ولا ربع الدقيقة لاني ماعندي وقت اضيعها مع منحط !
شوفوا حبايب ... ألبي
جمعتها لكم مخصووووص .. علشان تتمتعوا فيها ... وتشوفوا المشتركين عن كثب ..
واللي مو مقتنع للتصويت .. يصوت مو مشكلة ..
ولااااا واللي يخلي والواحد يشتعل من الغيظ .. ويموت من القهر .. ويشق ثيابه ويلطم خدوده ... و ويفصل فيش التلفزيون .. ويقعد يلعب بسلك الراديو ..
المسجات .. ( SMS ) .. ياخي هذه لوحدها موااااااااال تاني ..
فادي ربي يوفقج في خطاج .. انا معج ... وجالسة اصوت لج .. بنت الكويت ( عاصمة الخليج ) ..
بخ ... لا انتبهوا .. كويت وعاصمة الخليج ..
ماعلينا ..
ولااا ..
رنيم .. دنا بحبك موت ومستنية انك تيجي لمصر دلوأتي .. بنت القاهرة ..
ولا الشباب ..
بريجيت .. تراكي ذبحتينا بصوتك .. وعذبتينا بجمالك .. روحي انتي سوبر ستار .. ( اسير الظلام ) ..
ياعيني عليه تقول جالس بغرفة لوحده بالزاوية .. وذقنه طويلة وماسك كاسة موية .. والظلام اسره ... ننتظر حتى النور يبتلع الظلام ..
ولااا ..
بريجيت .. انتي مثلي الأعلى .. انا بدي اصير مثلك .. تكفين ارسليلي بوسة .. ( هنادي المحمادي ) ...
ما بعرف من وين طلع الاسم هذا .. بس على القافية ..
بس انتبهوا مين اللي اختارت يكون مثلها الأعلى ؟
حسام .. انا جالسة ابكي .. لاا لا .. حسام انا بحبك .. وجالسة ابكي .. عيوني تبققت وصار لونها احمر مصفر مايل على خضرة .. من الدموع .. بنت تحب حسام ..
وكثيررررررررررر من هاكلام لا يعد ولا يحصى ..مشكلة لو اقعد اكتبتلكم كل شئ اشوفه ..
والله اني ماني جالس اتفرج عليهم .. ولكن غصب علي .. ادخل الغرفة .. احصلهم فاكين عليهم .. وأتململ اقعد لوحدي ..
ايش اسوي طيب .. ؟
بالله احد يدق جوال لهذولا الشرذمة ... او احد يحط ايميليه علشان يصوت فيه ؟
أسألكم بالله وابغى كل واحد يكتب عن ضميره ويجاوب بصراحة .. .. ولاتخافوا مارح اعصب عليه ..
يلا يا شطار ...
كل واحد ياخذ مصاصة صغيرة ..
ويدخل هنا يصوت ..
تخيلوا بعد هالمحاضرة .. الطويلة ... انا صرت منحط زيكم ..
ادخل وصوت .. علشان محبوبك المفضل ..
ها كيف صوتت .. اذا ما صوتت من جد بالله عليك .. ارجع وافتح عليها .. ارجوك وصوت .. تكفى صوت ..
اما اذا صوتت ..
فالحمد لله .. انه وصل صوتك ..
وان شالله تكون صوتت على نفسك .. قبل لا تصوت لغيرك ..
للجميع ... لللي صوت واللي ما صوت ...
حبايب عيوني ... لاتخافوا مني زعلان منكم ..
ولكن انتبهوا ..
لكم مني ..
[Glow]
اشواااااااقي ..
فجــ العزيز ــــر[/Glow]
المفضلات