*** عند التلفزيون ***
لا صارت فيه مباراه والاخ متحمس اقطعي هالحماس وشلون؟! انا اقولج .. شوفوا اذا صار مبقق عينه يعني لو تجيبين صاروخ تفجرينه جدامه مالتفت لك اعرفي انه منسجم هنا بس تقومين بشغلتج.. وتسوين نفسج بنت سنعه وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين
لو قال: ابعدي. قولي مب فاضيتلك بنظف وامسح ، وبعدين روحي جيبي المكنسة واكنسي المكان اللي هو فيه وحاولي من لحظه للحظه تكنسين جدام التلفزيون وغطي عليه.. ولا يهمج احد.. واذا قال: ابعدي لا افلعج بالكوب على راسج قوليله :ما تقدر بيون ضيوف . . العبي عليه حتى لو مو يايكم احد , والا سوي نفسج قاعده وتذكرتي ان الكيك بالفرن احترق ناقزي لين توصلين للفيش وامزعيه بريولج ولا تلتفتين وراج..
*** عند النوم ***
لا صار التمساح يشخر.. نكدي عليه نومه وشلون؟! دخلي عليه اليهااااااااال مع عيال الجيران وصكي الباب عليهم وخليهم يلعبون بغرفته ويناقزون على راسه .. تدررررررررين ان اطفالنا احباب الله
والا تعالي وهو في سابع نومه واصرخي عليه ذيك الصررررخه اللي يفز مايدري عن نفسه الا وهو جالس وبكل برود قوليله نبي نروح للسوق
*** اذا المزاج صفر ***
اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه يعني تحرشي فيه خلي دمج ثقيييييييييل بالمزح بس انتبهي في هاللحظه راقبي حركات يده لان ممكن يصكج باااأي شيء يدامه بوجهج ولازم تصيرين مجهزه مفتاح الغرفه.. ماتدرين السالفه يا غالب يا مغلوب
المهم.. اضحكي على شكله والا على جلسته والا على لبسه .. هو بيقول ترى انا مب رايق وانجلعي وقلبي ويهج ويهج انتي لا تسكتين قوليله واذا ماانجلعت وما قلبت ويهي وش بيصير عاد هو بيقوم ويوريك وش بيصير على سنع انتي في هالوقت اقضبي اول دريتين توصلج لغرفتج وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك
عادي .. عادي ولا صرتي بزر وش فيها اهم شيء تحقيق الغايه
واتمنى تطبقين هالتعليمات وهذا وجهي ان تحداااااااج اي احد على وجه الارض ومالي دخل
لو طلعت انتفخ براسج والا طلع بعيونج الوان الطيف والا ماسلم فيج ضل
إنشاء الله تعجبكم
انا اقهر اخووووي العصبي بهالطرق
يعني لا تخافون هالطرق مضموووووونة 100%
اضافة رد مع اقتباس
ـي
المفضلات