للشباب فقط (كيف بتتصرف لو...........) بنات إذا بغيتوا تشوفون مافي مشكلة

[shirou]

السلام عليكم


شلونكم إخواني وخواتي إنشا الله بخير

أتمنى إنه الجميع بخير وصحة وعافية



كالعادة حبيت إن الموضوع يكون مميز وغير عن باقي المواضيع


الردود بتكون بس للشباب بس يمكن يهم البنات إنهم يطلعن على الموضوع وإذا بغن يشاركن ما عندي أي مانع حياهن الله .

البارحة كنت أفكر بموضوع يكون مميز ................




فطرت على بالي فكرة .......................................




أو بالأحرى هو سؤال أو موقف ....................................



أبي أعرف إذا انحطيت فيه كيف بتتصرف ؟؟؟؟؟؟؟؟؟؟




ترى خذ بالك مو أنا بس اللي بقرأ ها الجواب كل آنسات المنتدى بيقرونه ففكر عدل قبل ما تجاوب .



أنا عندي عادي ممكن أتقبل أي رد بس البنات ما تدري شراح يسوون فيك ؟؟؟؟؟؟؟!!!!!!!!!





جاهز ؟




يالله إقرا السؤال


































لو كان عندك خيار واحد .............................بس واحد


وكان هذا الخيار بحدد مصيرك ومستقبلك للأبد .....................


لو كان في بنتين وحدة حلوة عدل تقول للقمر قوم خل أقعد مكانك ..................ما بقول غبية بس معدل الذكاء عندها مو ليهناك ...........؟



والثانية ما شا الله عليها ذكائها يمكن يفوق ذكاءك ............بس للأسف جمالها مولي هناك يعني ممكن تصنفها تحت العادي بوايد ؟





فشو بتختار ؟؟؟؟؟؟؟؟؟؟؟؟؟؟؟؟؟؟؟




ولا تقول أختار وحدة تجمع الصفتين ....................................



لأن خيار واحدبس ........خيار بقرر مستقبلك ومستقبل أولادك من بعدك؟




فكر عدل ............ وأنتظر ردك ....................... لا تستعيل خذ وقتك ..................وتخيل إنك من صج طايح في هل الموقف ................. شو بتسوي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!



أنتظركم



أخوكم



shirou

[إليون]

سلام.....
أنا بنت يعني الموضوع موحقي بس لو تبى راي
الجمال وذكاء مو مقياس علشان أختار
التعامل والعشره يعني لوكانت موحلوه وذكيه وتعرف تتعمل زين وياك وتفهمك بتتعود على شكلها
غير يوم تكون حلوه بس ما تعرف كيف تتعامل معالك ولا حتى تفهمك وقتها مابتطيق تشوفها

ولا تنسى أن القلب هو يختار فمو مهم كيف تكون مو حلوه ولا ذكيه المهم أن القلب يحبها


وسووووي على التفلساف
مشكور واااايد الموضوع وااايد حلوه

[Allord]

لو كان عندك خيار واحد .............................بس واحد

بس واحد؟؟نسوي به سلطه....<<هههههه بدا اللورد يحشش..

خيار واحدبس ........خيار بقرر مستقبلك ومستقبل أولادك من بعدك؟

ينعن ام التكنلوجيا.......خيار يحدد مستقبل..<<الليل اللورد حشش مسكيين...


اما جوابا على السؤال المذكور..<<<قلك صحي...


والله ..اممممممممممممممممممممممم...



مافي اتصال بصديق <<<هههه...ياخي ايش الحاله الصعبه هذي....




طيب الطول واحد؟؟؟<<<<معليش سهران من امس. ....


خلاص انا قررت...الصراحه راح اختار الذكيه... .


لاني احترم البنت لذكائها....طبعا اكييد بعد اخلاقها <<<لكن هذي مو موجوده في الاختيارات.. .


الجمال مهما كان....بيمر عليه الزمن ويروح.. ..<<<<وبعديين ايش اسوي اصفق..ويا هالدلخه ....


لا يابابا....ناخذ هاي الشاكوشه الذكيه احسن...(لك وللزمن)...<<خخخخخخخخخخخ تويوتا قالولك...

[shirou]

السلام عليكم ......................

أولاً أبي أشكرك على الرد السريع .

ثانياً : كلامك ينم عن ذكاء ولا ما كنت تتفلسفين .

ثالثاً : أبوي أوضح نقطة مهمة إن مثل ما قلتي العشرة كفيلة بإنها تقلص عيوب أي طرف هذا أنا أتفق معاك فيه

بس لا تنسين أنه في ناس عندهم الشكل من أهم الأشياء ومو ممكن يسوي علاقة مع أي حد إذا ما كان شكله يعجبه

صحيح إنه الذكاء مهم وايد بس إنتو لو شفتوا إنسان بالشارع أول شي بتنتبهي له شكلة وبتقولين يا حلو يا مو حلو ، ما بتقولين يا ترى ذكي ولا موذكي .

ولا تنسى أن القلب هو يختار فمو مهم كيف تكون مو حلوه ولا ذكيه المهم أن القلب يحبها

هذا الكلام مو صحيح بكل الحالات لأن أغلب الرياييل ما يحبون بقلوبهم كثر ما يحبون بعقولهم على عكس البنات


يعني مسائل العواطف نادر ما يفكر فيها الريال والدليل إنه معظم الرياييل حتى لو شافوا بنت وعجبتهم وحبوها مو ممكن يرتبط فيها إلا إذا كانت شريفة وعفيفة ، الريال اللي عنده غيره مستحيل حتى يفكر فيها كأم لأولادة



أما إذا ما كان عنده غيره فهذا شي ثاني



آسف لأني طولت عليك وأنا وايد مستانس لأنك شاركتينا بها الموضوع




بس ممكن تقيمين لي الموضوع يعني كم تعطينه على عشرة ؟؟؟؟؟؟؟؟؟؟؟؟؟؟



سلاماتي

أخوك


[Glow]shirou[/Glow]

[shirou]

السلام عليكم


شو هذا يا اللورد دوختني لين ما قريت الإجابة








أتمصخر معاك
هههههههههههههههههههههههههههههههههههههههههههههههههه هههههه


الصراحة إني ما بطلت ضحك لما قريت ردك


وأنا معاك 100% لأن ما في شي طبعاً بعد الأخلاق إلا المرأة الحكيمة العاقلة اللي تصون بيتها وريلها لأن لوما كان عندها عقل يوزن الأمور شان انهدم البيت من أول مشكلة




وبعدين أحب أوضح شي إن الواحد لم يقدم على خيار الزواج هو مو بس قاعد يحدد مستقبله ، هو قاعد يحدد مستقبل واحد أو اثنين أوثلاثة أو أكثر................................


لأن مو معقول تكون الأم مخها صغير ويطلعون العيال عباقرة


وأكيد إنت تعرف إن أكثر انسان يأثر عليك وعلي وعلى أي واحد بها الدنيا أمه يعني لو أنا زعلت من الكل مستحيل أزعل من أمي أو أشكك فيها ، بالعكس أمي دايماً كلمتها مسموعة مو لاسمح الله لأنها متسلطة أو شي بس لأنك لم تسمع أحكامها وقراراتها تعرف إنها مو يايه من الهوى ولكن يايه من انسان عنده خبره بالحياة أكثر منك




آسف لأني طولت عليك

واعذرني على التفلسف


سلاماتي

أخوك


shirou

[المحققه الغامضه]

السلام عليكم اخوي

صراحه موضوع رائع وقمه في الروعه لأن أغلب شباب هاذي الأيام من كثر ما شافو القنوات الفضائيه سارو يبغون المستحيل في البنت ( أبغى رموشها مبرومه طبيعيا على فوق و أبغاها بيييييييييضه وشعرها أسسسسسسسسود سواد الليل (يحسب بياخذ سنووايت)......الخ )

لكن مايفكر ياخذ وحده ذات دين و خلق وعقل مو بس عشان شكلها لأنها هي اللي حتعرف تربي عياله ان شاء الله كمان حكاية الجمال مو ضروري بالمره انها تكون ملكة جمال بس تكون مقبوله عشان الآدمي يقدر يطالع فيها كمان انت اذا حبيت أحد حيكون حلو في عيونك لأن عين المحب عن كل عيب كليلة فحيشوفها جميله لأن الجمال جمال الروح و ليس جمال الشكل




عشان كذا يا أخوان لا تصدقوا جمال الحريم في الفضائيات لأن أغلبه بويات على الوجه واذا بتتزوج دور على اللي دينها صحيح لقول الرسول صلى الله عليه و سلم ( فاظفر بذات الدين تربت يداك )


معليش اتفلسفت بزياده


ومشكور مره ثانيه على الموضوع


اختك في الله : المحققه الغامضه

[lovely anime]

موضوووع حلوووووووووو اخوي

عندك افكار جمييلة
وانا انتظر اشوف رد الشباب


شباب وينكم يلا ردوا ودي اشوف اختياركم ^^


تحياتي

[Romantic]

السلام ..

سؤال صعب ..
لأن الصفتين بالنسبة لي مهمين

لو كان في بنتين وحدة حلوة عدل تقول للقمر قوم خل أقعد مكانك ..................ما بقول غبية بس معدل الذكاء عندها مو ليهناك ...........؟



والثانية ما شا الله عليها ذكائها يمكن يفوق ذكاءك ............بس للأسف جمالها مولي هناك يعني ممكن تصنفها تحت العادي بوايد ؟

أختار الحلوة .... و اللي ذكاءها مو ليهناك
مو شرط تكون ذكيه حيل


لكن أبدي اللي أخلاقها أحسن

يعني لو كانت الذكيه أخلاقها عاليه و الثانية لا
أختار الاولى


شكرا لك أخوي

[ذاكرة القمر]

صراااااااااااااااااااااااحة
الذكاء والجمال لا أقيس عليهما مستقبلي
لذلك من توفرت فيها الأخلاق كانت الأسبق إلى الاختيار
ولكن لو كانت أخلاقهن عالية أخترت الأكثر ذكااااااااء والأقل جمالاً لأن التعالمل معها سوف يكون أفضل.


إعتذاراتي
الذاكـــــــــــــرة

[shirou]

السلام عليكم


المحققة الغامضة أشكرك أختي على الرد الحلو

وأنا معاك 60% لأن مو كل الشباب بها الطريقة

بس الغالبية مو العظمى القنوات الفضائية مسويتلهم تخدير


بس صدقيني لما السالفة بتتعلق بالمستقبل محد بيفكر ياخذ إلا الخلوقة شو ماكان شكلها .



الأخت lovely anime

صبري عليهم شوي ما ينلامون


الموقف محرج شوي


وأشكرك على ردك الحلو



الأخ رومانتك تعرف أنه لما قلت نفس السؤال حق أمي جاوبتني نفس جوابك ، بس لسبب مختلف على حد قولها



(بختار الحلوة الغبية عشان أمشيها على كيفي )


كلامها طبعاً كان مصخرة بس في شي من الصحة إن بعض الرياييل ما يحبون الحرمة تكون أذكى منه عشان شذي في بعضهم ما يخلونها تكمل تعليمها



وهذا شي ينافي الدين واللي حثنا عليه الرسول من تعليمهن وتثقيفهن في كل مجالات الحياة


على كل حال شكراً على الرد الرائع واعذرني إذا ثقلت عليك بجوابي



الأخ ذاكرة القمر : إنت الظاهر ما فهمت قصدي عدل ، أكيد خيار الأخلاق متوفر في الثنتين .


يعني منو هذا الحمار اللي بياخذ وحدة قليلة أدب ومو محترمة حتى لو كانت جميلة الجميلات


اعذرني على كلمة( حمار) بس صج اللي يرضى على نفه يعتبر .....................(إنت كملها)



أشكركم إخواني و خواتي مرة ثانية على الردود الحلوة وإعذروني إذا ثقلت عليكم



سلاماتي


أخوكم



shirou

[RaNeEm]

السلااااااااااااااام <<<< خاشة عرض

بتخيل نفسي ذكر مو انثى وبرد على الموضوع << لية قاعدين بسوق حمام (ذكر وأنثى)

المهم :

أنا شخصياً بتكلم بصراحة وبقول باخذ الحلوة طبعاً ..





إيش شرح تفيدني الذكية إذا كانت قبيحة..

ذكائها مارح ينفعني إلا في السنة حسنة


أما الحلوة..

- أنت ما قلت عليها غبية قلت حلوة وهي مو لهناك بالذكاء -

صح ولا ..

يعني فيةأمل تفهم


الواحد لما تكرر علية شرح يسوي 10000000 مرة رح يفهم



وبعدين ليش ما آخذ الثنتين دام الشرع حل لي 4


^
^
^
^
الحمد لله إنك مو ولد ولا كان نقول الله يعين إللي بتاخذك


-------
الكلام المفيد :

لا صفا لك من زمان غل ياضامي *********** وعذبات الأيام ماتمدي لياليها

^
^
^
إللي هو..
يعني لا وافقوا عليك بالأول فكر مين رح تاخذ ؟؟

(أنا ما أأيد التفكير الكثير بالمستقبل لأن إذا فكرت بمستقبلك رح يتخزن بعقلك الباطن وإذا ماتحقق رح تكون ...................................... )<<< NLP

دايم حاولوا تعطون أنفسكم أشياء معقولة مو

يعني شي على قدك ... مو فووووووووووق

يعني بالعقل معقولة فية شاب رح يقع بهالموقف (للعرب)

مستحييييييييييييييييييييييييييييييييييييل طبعاً ..

لأن ( المسألة يبغالها شرح طوييييييييييييييييييييييييل)

[shirou]

السلام عليكم


أشكرك يا أخت رنيم على ردك


وواضح أنك متحيزة ضد الرياييل العرب ومتعقدة منهم عدل ......................( لا تزعلين )



أنا لما طرحت ها السؤال ما كان قصدي إني أسم الحريم لفئات أو حتى أحط الرياييل في موقف محرج أنا الشي الوحيد اللي بغيت أسويه إنه ..................



أخلي الشباب يفكرون مو بس بنفسهم لما يقررون يقدمون على خطوة كبيرة مثل الزواج .


لأنك إنت لما بتتزوج مو بس إنت بتتأثر بها الحرمة إلي اخترتها بس خذ بالك إن عيال ويمكن حتى عيال عيالك يتأثرون بأفكارها وشخصيتها .



وفي حديث عن الرسول (ص) يقول فيه ( تخيروا لنطفكم فإن العرق دساس ) ، سبحان الله كيف إن ها الإنسان الأمي الذي لا يعرف أن يقرأ أو يكتب أحيط بكل هذا العلم والمعرفة يعني لو كل الشباب إلتزموا بها الدرر هذي ما كنا خفنا على مستقبل الأجيال القادمة .



يعني باختصار الموضوع عبارة عن نصيحة غير مباشرة عشان الواحد يحسب حسابه لكل شي .



وبعدين منو قال إنه الواحد لازم ما يفكر بالمستقبل بالعكس الواحد لازم يكون متفائل مو سلبي لازم يكون طموح ويسوي كل اللي يقدر عليه عشان يحقق حلمه ولا شو بتكون فايدته فهالحياة


أكل ومرعى وقلة صنعه ................... تكرمون يعني حتى الحيوان أحسن منه لأن على الأقل ينفع بشي





آسف على الرد القوي


بس هاي السلبية اللي أشوفها بكثير من شباب اليوم بتذبحني .................... بتموتني ناقص عمر ............



يعني ليش إنت شاب والحياة كلها جدامك ليش تستسلم من أول صفعتين .................



آسف على الإطالة واعذروني وانشالله محد يزعل مني واذا حد زعل خي يطرشلي رسالة ويقولي



ليش زعلانـــــــــــــــــــــــــــــــــــــــــــــ ــــــــــــــــــ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



سلاماتي


أخوكم

shirou

[هديل]

انا بنت بس ابي احط رايي بالموضوع بعد اذنكم ياشباب

انا اعتقد ان الاختيار اصعب مما يكون الان ... كون انك تحط رايك بموضوع وخلاص

لكن وقت الجد كل شي يتغير والتفكير يصير غير ... لانه شي مصيري ....

يعني ....

انت الان تحط الراي المنطقي ... انك تاخذ ذكيه والشكل يعتبر بالدرجة الثانيه او الثالثة

هذا مجرد راي تحطه على اساس انه هذا رايك اللي مارح يتغير وانه هو المبدأ اللي رح تمشي عليه


لكن

وقت الجد ..

لو كان قدامك وحده حلوة وعجبتك وحسيت فيها جاذبيه لا تقاوم ..( واقصد بــ حلوة وعجبتك ) انه كل واحد يحط نصب عينيه البنت اللي يشوفها بعينه جميله وانه هذا الجمال اللي يتمناه .... ولكنها مو ذكيه لدرجة الفهلوة ... ولا غبيه بمعنى غبيه انهاما تعرف تتصرف والى ما ذلك ...

هذه الاولى



اما الثانيه

لا تملك من الجمال الا الشي المقبول .. يعني..( كل واحد يحط امام نصب عينيه بنت سبق انه شافها في اي مكان في السوق او الشارع او الجامعه ... وما عجبته ( ماعجبته يعني اهو في نظرة شايف انها لاتملك اي قدر من الجمال اللي يجعله لنه يرتبط فيها ) .... لكنها في نفس الوقت .... تمتلك من الذكاء ما يفوق العادة ...

ايهما تختار



مع العلم انه في هذه اليومين ( وانا انتوا عارفين الشي هذا ) ما في احد ما يعرف يتصرف .... لا نقول فهلواني في تصرفاته ..... ولكن على الاقل يقدر يخرج نفسه من المأزق الا هوا فيه ...


وانا في رايي ... مع احتراااامي وتقديري لآرآء للجميع .... انه وقت الجد .. كله رح يدور على الحلوة

ولا ما كان كثرت العنوسه ... وصاروا الشباب والشييااااب يدوروا على الجمال في الدول الغربيه



وارجع واقول هذا مجرد راييي الشخصي

يعني لحد يقول هديل قالت وفعلوا وتركوا ...
انا احترم اراء الجميع

لكن انا احس انه وقت الجد كلوا يدور على الحلو وبس




مع خالص تقديري واحترامي للجميع

هديـــــــــــل


واعتذر على الاطاله

[shirou]

السلام عليكم


أشكرك أخت هديل على الرد الحلو ...................


ومثل ما قلتي كل واحد عنده رايه



بس أنا أحب أقولك ها القصة اللي قالتنا إياها يدتي ............. يعني موكل شي حلوة وبس ............ في شي اسمه النصيب ....... يعني تشوفين وحدة تقط الطير من السما وعانس ووحدة الله يستر عليها متزوجة وسعيدة في حياتها .


هاي القصة .........


تقول يدتي إن ها القصة صايرة على زمان يدتها تقول ، في واحد كان في فريجهم متزوج وحدة ملكة جمال ، الناس كلها تتكلم عن جمالها ، وحتى عيالها كلهم حلوين طالعين عليها ، وكان عندها وصيفة يعني خدامة سودة ، يعني جمالها ما إيي شي جدام هذيك الشقرة الحلوة ...........



وخمنوا شنوا صار ........................



الريال حب الخدامة وتزوجها ومن كثر حبه لها ما كان يخليها تقعد على الأرض حتى ................



يعني السالفة مو على الحلاة ............ على الحظ والنصيب

بس على حسب قول يدتي إنه هاي الخدامة كانت طيبة وقلبها أبيض ونظيف ......... يعني تستاهل



أتمنى إني وصلت الفكرة


آسف على الإطالة


سلاماتي


shirou

[كاسح]

مممم الاختيار صعب..

طبعا ابغى وحدة حلوة وذكية تفهمني واقدر احس انها شريكة حياتي في كل شي حتى اقدر اتكلم معاها اعرف اتناقش معاها..لكن حلوة بس او ذكية بس صعبة..انا اصلا ما اقيس اختياري على الذكاء والجمال بشكل قاطع.. انا احس 50% اخلاق..

ادري نص المنتدى بيقولوا والله بس كلام وراح يختار الحلوة ومدري ايش لكن من جد انا من النوع اللي مرررة يطفش من اللي اخلاقه سيئة..يعني ممكن واحد اخلاقه ما تعجبني اتقاطع معاه على طول..الانسان اللي عشرته صعبة اتجنن منه..



بس اذا كان لازم اختار شي بين الاثنين ذول راح اختار الحلوة بصراحة.. اللي تقول للقمر قوم اقعد مكانك

لأنه بصراحة البنت ما ينفع عليها تكون مرة ذكية لأنه وقتها راح تستقل وممكن بأي يوم تتمرد على الرجال.. وخاصة انه الحلوة اللي انت قلت عليها مهي غبية لكن ذكاءها مو قد كذا واكثر الناس كذا اصلا...










تحياااااتي

[shirou]

السلام عليكم..........


أشكرك أخوي كاسح على الرد الصريح ....................

بس في شي مهم أبي ألفت نظر الأعضاء اللي شاركوا كلهم إنه في شي مهم جداً لازم يكون متوافر في البنت أهم من الصفات اللي قلتوها كلها ................ حتى الأخلاق ...................


وهي الإيمان ...................... لأن إذا ما كان عندها إيمان وخوف من الله ...........اقرى على روحك وعيالك السلام



لأن الإيمان والتقوى هو الرادع الوحيد اللي ممكن يردع الإنسان لأن حتى الأخلاق تتبدل وتتغير بتبدل الظروف والمواقف

مثال الأصدقاء يغيرون أخلاق بعض ......زصح ولا لا .............

فكيف الأزواج ما يغيرون أخلاق بعض ؟؟!!


الشي الوحيد اللي ما يتغير ........ ويتم في قلب الإنسان ........... ويحس إن حياته ناقصة إذا افتقده ...........هو الإيمان



المؤمنة بتصونك مو لأنه أخلاقها زينة ولا لأنها تخاف منك .....بتصونك لأنه تخاف من الله ....وتحطه جدام عيونها في كل عمل تسويه .............


أنا أقول هذه الزوجة اللي تستاهل حد يزوجها مهما كان شكلها ...........


ولا تنسون ...... إن اللي يتصل بربه الله ينور مخه ويهدي لكل شي في مصلحته .............صح ولا لأ ............ز



آسف لأني طولت عليكم


سلاماتي


أخوكم


[Glow]Shirou[/Glow]

[RaNeEm]

أولاً أعتذر إني رادة متأخر بس لأني كنت مشغولة ومالحقت أدخل ..

ثانياً ممكن أسأل سؤال بس بدون زعل (أنت شأصلك)؟؟

لأن باين عليك إنك مو فاهم كلامي !!!!!

وواضح أنك متحيزة ضد الرياييل العرب ومتعقدة منهم عدل ......................( لا تزعلين )

هذا رايك أنت

أنا من جد مندهشة لأن أنت أول واحد يقول لي إني ضد الرجال دايم يقولون لي إني ضد النساء و أنا معهم

لأنك إنت لما بتتزوج مو بس إنت بتتأثر بها الحرمة إلي اخترتها بس خذ بالك إن عيال ويمكن حتى عيال عيالك يتأثرون بأفكارها وشخصيتها .

إيه بس أنا لو ذكر ماباخذ لي (كمخة) باخذ لي وحدة سنعة تظف زوجها وعيالها ..

أما من ناحية الأفكار و الشخصيات لا تخاف مارح يتأثرون فيها واااجد وإسألني انا لأني شايفة ناس بعيوني

أولهم خوالي - معليش بدخلك بالعيلة شسوي بس عشان أوصل الفكرة - أمهم قمة الرجعية و أفكارها منحطة وبصراحة ماتنقال !!!

و ألحين شف عيالها كلهم محاضرين ودكاترة و الأوائل على دفعاتهم !!!

يعني باختصار الموضوع عبارة عن نصيحة غير مباشرة عشان الواحد يحسب حسابه لكل شي

أصلن الزواج بكبرة خطوة جريئة وماحد رح يتزوج إلا إللي حاسبها عدل

وبعدين منو قال إنه الواحد لازم ما يفكر بالمستقبل بالعكس الواحد لازم يكون متفائل مو سلبي لازم يكون طموح ويسوي كل اللي يقدر عليه عشان يحقق حلمه ولا شو بتكون فايدته فهالحياة

راجع NLP ورح تفهم قصدي لأن باين عليك مو فاهم معنى ردي ..

أكل ومرعى وقلة صنعه ................... تكرمون يعني حتى الحيوان أحسن منه لأن على الأقل ينفع بشي

يعي ليش إنت شاب والحياة كلها جدامك ليش تستسلم من أول صفعتين .................

بس هاي السلبية اللي أشوفها بكثير من شباب اليوم بتذبحني ....................

انت شفيك صاير تقط خيط وخيط (معليش إسمحلي)

آسف على الإطالة واعذروني وانشالله محد يزعل مني واذا حد زعل خي يطرشلي رسالة ويقولي



ليش زعلانـــــــــــــــــــــــــــــــــــــــــــــ ــــــــــــــــــ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لا مافية أحد زعل ولاحد رح يزعل لأن هذي وجهة نظرررررررر




باااااااااي

----------

تذكر إن هالوقت مافية أحد من هالجيل بالذات ماعندة شهادة ..

أقلهم شهادة ثانوية !!!!!

يعني الكل رح يكون متعلم وفاهم... بس تعليم عن تعليم يفرق

ونفس الشي هالوقت مافية شي إسمة جمال مع هالمبيدات إللي يلطخونها على وجيههم ..

الوحدة إذا كانت جميلة جمال حقيقي مو صناعي (يعني لاعبة بروحها من هالعمليات) وكانت بنت عيلة لأن مثل ماقلت العرق دساس أتوقع الكل رح يتمنى إنة يتزوجها ...

وتذكر إنها إذا كانت درجة ذكائها مو توب (عندنا يسمونها صحيحة يعني على نياتها ) رح تكون قمة الأدب و الأخلاق و الطيب ومافي قلبها شي من المكر

مو مثل الذكية ...

شف حط في بالك إن كل ذكي فية نوع من الحقد أو الحسد أو الغيرة

أنا لو رجال والل آخذ الثانية لأن مثل ماقلت من قبل القبيحة ذكائها مارح ينفعك أنت رح ينفعها هي بعملها ...

وتذكر إن العشرة تقلب الأفكار 180 درجة وبتصير الحلوة مثل ماتبها..

آسف على الإطالة واعذروني وانشالله محد يزعل مني واذا حد زعل خي يطرشلي رسالة ويقولي



ليش زعلانـــــــــــــــــــــــــــــــــــــــــــــ ــــــــــــــــــ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

^
^
^
^
شلحناها

[*puzzle eye*]

السلااام عليكم

اتمنى انكم تسمحوون بردي مع اني صغييرة بالسن(الله يخلي الكتب)

لو اني ولد كان اخترت الذكيه لانها راح تفهمني و تهتم فيني و يكوون في اشياء مشتركه بينا وايد


ام الحلوة(الغبيه) ما تدري عنك و لا تحس فيك الي هامها المكياج و الزينه و كل يووم خمسين دينار (قااعد على بنك الحميضي)



مخير بين اثنتين لا تختار و لا وحدة دووور على و حدة مناسبه مع تصرفاتك و مستوى ذكائك

و شكر

ملاحظه : لا تهتم للعمر اهتم لعقل الي تكلمه

تحيااتي وردة المنتدى

[عزيز الفلوجي]

انا والله لااولى ولاالثاني انا طبعا متزوج واتزوجت وحده ما شفتهى الا قبل الزواج ب5 ايام ولااعرفهى سوى انها دات دين اظفر بدات الدين تربت يداك ولا فكره زوجتي ليست جميله

[واحد من الشباب]

السلام عليكم

اول شي شكرا على الموضوع

ثاني شي

لو كانو مخيريني بين هاي الاثنين بس

ماراح اختار الثانيه

لأني انا ذكي واذا تزوجت وحده ذكيه اخاف عيالنا يطلعون مهووسين بالعلم وذكائهم وايد على لدرجه الجنون <<< ترى تصير

وراح اختار الاولى

مب عشان جمالها

لأن الجمال جمال الروح

ولو اني افضل ولا وحده منهم