التووووووووبه ماعاد اغازززززززززززززل


كل واحد منا قد مرت عليه مواقف طريفه وظريفه ولما تفك ماحاتسك وهذا موقف صار ترددت اني

اكتبه لأن فيه خروج عن النص<<<<<< دايم يسمعها من الفنانين

واحد من الشباب مغزلجي والعياذ بالله دايم يسير علي في البيت وخويي هذا اجلس انا وياه من اول الليل الى اخره مانكلم بعض اوووول مايجيني يمسك سماعه التلفوون ويلقيني ظهره وانواع السوالف وانا ماغير جالس اتسمع له فاقن خشيشتي يوه وش ذا واقعد اتميلح من بعيد لبعيد وكل شووووي اجر السماعه من اذنه واقول ابسمع صوتها عشانا في بيتنا ابي اذلهcwm1:
والمشكله كل ماخذيت السماعه تسكت وانا اللي ابربر عليها ولا اسمعها تقول شي حتى اني شكيت انه مافيه احد يكلم اصلا وان خويي مريض ولا بيسوي على باله انه حق غزل

المهم خويي شافني اشغلته وقال اعقل واعرفك على وحده ويوم قالها لي وانا امسك الزاويه واتكتف واذا جيت ابقول شي رفعت اصبعي استاذن منه
ومرررررت الايام مابين بعاد وخصام قصدي ومرت الايام واذا به<<<<سامعها في الزير جساس
يدق التلفوووووون
الووووووو
انا:وعليكم السلام<<<<<<<<مرتبك
هي :من معي
انا:ريلاكس

هي:هلا فيك عرفتني
انا: لا بس مشبه على صوت خالتي منيره<<<<<ماعنده خاله اسمها منيره نصاب
هي: هاهاهاهاي(ياربي يالضحك) شكلك مملوح
انا: هههه اع<<<<<< هذي تغره جت بعد الضحكه من اللخمه فشلتني وبغيت اصك السماعه مير هي ضحكت ثانيه وتحسبني اتميلح(اشوى)
هي:انا بصراحه عطتني رقمك صديقه خويك وماكان عندي نيه ادق لاني مااحب كذا وثاني شي لان الشباب يذبحوني في السوق بالترقيم وكرهتكم بس لما قالوا لي عنك انك عاقل وزين ومملوح(شككتني في نفسي وبغيت اروح اشوفني في المررايه يمكن تغيرت )لذلك وبعد اصرار منها وافقت اني اكلمك
انا:هذا من طيب اصلك<<<<<<<والله من زين الرد
____________________________
__________________________
المهممممممممممممم
خذينا فتره وحنا انوع النصب كل واحد يفقش على الثاني وهي ماغير تسرق قصايد سعاد الصباح وتقول كاتبتها فيك وانا اسرق قصايد خالد الفيصل واقول كاتبها....المشكله كلنا دارين اننا حراميه بس نمشي لبعضنا
وقعدنا حوالي ( امدٌ من الوقت) <<<مالطشتها من مقال د/كمال الدين عيد
نكلم بعض بالتلفون لين قالت لي ابشووفك
قلت لهالا مايحتاج انا مقتنع فيك من دون مااشوفك اهم شي الجوهر ماهو المظهر<<<<<<<<<الا عشانك تمساح

ومع اصرارها وافقت على مضاضه<<<<اخو رشدي ولد اباضه
وتواعدناالساعه عشر في الليل في التكان الكبير<<<<< بنده يالطعس
والماريه معها شنطه حمرا وعليه صوره دب<<<والله التوصيف بعد...وقاصه شعرها زي ريم المحمودي لانها تشبه لها بس هي ابيض(وش لون ادري والله من الدلاخه فيها بعد)

وقبل الموعد بست ساعات وانا لاحقتني شطه (ولاكاتشب) ابتزين واتكشخ<<<<<وين يابو الشباب عروسه(ياحليلي اذب على نفسي)
رحت وفصلت لي ثوب مستعجل كبك ماهوب ساده<<<<حقين الغزل يلبسون كذا وبعد ذلك
رحت للحلاق ودار بيني وبينه حوار
الحلاق: وش تبي تحلق
انا :ودي اصير حلو
الحلاق: هاهاهاهاى تستهبل
انا : حاول تكفى
الحلاق:فيه طريقه وحده
انا:تكفى قل لي
الحلاق: عندي صوره لريكي مارتن ابكبرها والزقها في وجهك هعهعهعهعهعهع<<<<<هذي ضحكه اللي في محل الحلاق
انا: وخنقتني العبره........ ويوم شاف الحلاق اني ابصيح قال امزح معك ورحمني وحلق لي ببلاش وسوى لي غسيل بستم....... بس خربها في اخر شي يقول وش رايك وجهك الحين تغير واجد كان يشبه الحمار بس الحين يشبه القرد<<<<<<مسكين حتى العمال يذبون عليه
المهممممممم رحت وكشخت ذيك الكشخه اللي يوم اني شفتني في المرايه ماعرفتني
واخذ لي غرشه عطر واقعد اروش بها ثوبي
اللي اكتشفت في الاخير انها مزيل عرق بس وش نسوي وقع الفاس في الدميجه

___________________
وصلت برعايه الله وحفظه للمكان المرتقب
السوق
نزلت من السياره وطفيت السيجاره<<<<سجع
وقعدت امشي بخطى ثابته ازهو بثيابي <<<<<اجل تزهو بكشرتك يالتمساح
وكان الموعد عند البوابه
رحت عند البوابه مالقيتها كان اللي موجود واحد مع زوجته ووحده تكرونيه معها واحد بزرلابس ثوب كنه حبه زيتون مغموس في قشطه وشغاله معها بزران وسواقين يتلحوسون يبون يرقمون الشغاله(طيحناهم في الترقيم)
قلت ياولد شكلها داخل ادخل ووووشووووف
واول مادخلت والقى ثلاث نفر حرمه على يساري وكنهم يناظرون فيني قلت هي لااااااا هي
اكيد هي معهم
واقرب منهم وانا اغني سارعي للمجد<<<< مادري وش تبي
وراحت وحده منهم على انفراد تغرد خارج السرب قلت هي اكيد تبيني الحقها وانا الحقها واقعد اكحكح وراها ابيها تنتبه لي وهي تمشي وانا ماغير الاحقها شوي وهي تاقف عند رف من الرفوف وتاخذ لها حبتين اندومي وتتلفت علي وتقول ايس فيه (يووووويوووو خدامه الله لايعمينا)
واطلعععع من اللخمه على ملا وشي والخوف يدغدغ رجولي لان السكيورتي مايلحقني يمشي وراي
اشوى اني قدرت انحاش بصراحه لو مسكني بتكون فضيحتي بجلاجل(جلاجل والا القويعيه )
اقلها لو مسكني مطوع من الهيئه بيقول ضاقوا البنات مارحت تغازل الا الخدامات وبيفكني وهو يضحك لانه عارفن اني ماعندك احد

شكلي طلعت عن الموضوع وشطحت
وين وصلنا ايه
وانا قاعد انحاش<<<<< حلها قاعد وينحاش طلعت مع البوابه بسرعه
واذا به<<<<<<هذي اذكر اني علقت عليها فوق
الزوج وزوجته اللي عند البوابه راحوا
واحد من السواقين راح والثاني فضا له الجو مع الشغاله
والتكرونيه والصغير اللي معها مازالوا واقفين وزقارتي
اللي طفيتها وانا نازل من السياره لقيتها ماطفت ومابعد خلصت
ركبت السياره وانا اقول بحزن شكلها شافتني من بعيد وارتاعت وانحاشت من شكلي يايعي يعاها<<<<< من الفعل وع يع وعاً ياحسافه الثوب ابو كبك ياحسافه التهزيء الله خذيته من الحلاق

واذا به<<<< تعجبني هالجمله اذا جاني ولد ابسميه واذا به هع
ترررر تررررن الجوال يددق
انا :الووووووو هلا ولا ماهوب هلا الله يسامحتس ضربتيني مشوار واخر شي تصكييني اقنور ليه
هي: لا انا جايه وشفتك بصراحه ماتوقعتك كذا اثرك مزيون وكشخه و و و <<<تريش بي
انا: هههههههههههه ايه شكلي عرفتك
الله يرجك قعد الاحق خدامتكم احسبها انتي ويوم دريت انها الخدامه بغيت ارجع لك بس السيكيورتي مايلاحقني
هي: وش فيك تستهبل وش خدامته انا اللي واقفه عند الباب انا واخوي الصغير يا احول
انا: انتي التكرووونيه :
eek:
وووووووووووع
هي: هاهاهاهاهي وش تكرونيته انا زرقا
انا: زرقك ابو عين يالكحليه لا ومن زين وجهك بعد تقولين يا احول ..اه يالقهر رررررررر
___________________________
فاصل اعلاني ابصيح شوي ودي اصيح
_______________________

...................عدنــــــــــا................
هي :حرام عليك انا مملوح ه واشبه ريم المحمودي
انا: اصصص ولا كلمه انتي ولا حتى تشبهين النيقتف حق صورتها .......اه يالقهرررر لاعاد تدقين علي ترى ان دقيتي ماهوب رادني الا ابوك ابعلمه انك تزعجيني
ياحسافه جوالي اللي انقطع بسبتك وماقدرت اسدده وطلعت جوال باسم امي وضحى<<<<< كذاب اسم امك نوره
اه اه اه
صكككككككككك<<<<<<<<< هذا صوت الجوال يوم صقعته في الجدار وقعدت اندب حظي<<< شوفوا تراني فتيت فصحى

اه يالقهر
اه يالقهر

.

.
خلاص باح ماعاد فيه شي