{ دلة الرسلان}
تبدا بروق الإنفراج تلوحي
ويرعد خيالي وينهمر أحساسي
وتسمع سواليفي وتبدا مزوحي
لا من حمست البن في المحماسي
يا دلة الرسلان فوحي فوحي
ابغى اتقهوا واسترد أنفاسي
ابغى اتقهوا لين أنسى جروحي
وانسى همومي واعتزل هوجاسي
أنتي تسليني لصرت بروحي
وأنتي تواسيني على ماقاسي
فنجالك الأول يرد الروحي
وفنجالك الثاني يعدل الراسي
بقلم / عبدالله الدوسري




اضافة رد مع اقتباس



المفضلات