بياض الثلج والاقزام السبعة ( جديد )
السلام عليكم ورحمة الله وبركاته
قبل ماأبداء بالكلمات أحب اوضح ان هذة القصة ُطلبت مني من الاخت شرشورة وبصراحة ماكانت عندي الخلفية الكاملة عن احداثها علشان كذا اللي اعرفة ان فية امير تزوج من اميرة والاميرة هذي انجرحت يدها وطاحت منها قطرات دم على الثلج وبعد ماشافت قطرات الدم ..تمنت ان يكون مولودها احمر مثل الدم او أبيض مثل بياض الثلج وبعد ماجابت مولودها وكانت بنت سمتها بياض الثلج وبعدها ماتت الام لكي يتزوج الاب من امراءة جميلة تمتلك مراية تخبرها بأنها جميلة ولكن بياض الثلج اجمل منها فتعقد الأمر على التخلص من بياض الثلج وإرسالها مع شخص لكي يقتلها بالغابة..ولكنه يرحمها فيطلقها بالغابة لكي تتعرف على الاقزام السبعة وفي تلك المرحلة تخبر المراية الزوجة بأن الاجمل هي بياض الثلج لكي تعرف الزوجة بأنها مازالت على قيد الحياة فتعقد النية من جديد على التخلص منها وتنجح هذه المرة عندما تأكل بياض الثلج التفاحة...وتفقد الوعي..وعندها يعتقد الاقزام انها ماتت فيضعونها داخل تابوت من الزجاج إلى أن يأتي الامير ويعجب بجمالها ويأخذها معه بعد اقناع الاقزام بذلك ويتفاجئ الامير عندما يقع التابوت وتخرج التفاحة من فم بياض الثلج وتفتح عيونها وتتزوج من الامير وتحضر زوجة ابيها الزواج لكي تنصدم برؤية بياض الثلج كعروسة لتمرض بعدها وتموت
هذا اللي اعرفة
والله يستر من اللي يجي بعد شوي
.................................................. ...............................
يقولون وخلاص قالو من زمان في القديم وسالف العصر والآوان
ولكننا نقول قلنا الحين في جديد الزمن وحاضر العصر والحال
كانت هناك بنت اسمها
بيضة مسلوقة
ثلاجة
معليش اقصد ثلج
لالالا خلاص اتوب
بس كلهم ثلج وبرد ....حتى انا بردت الحين ( بطفي المكيف
بياض الثلج
( والله قوة تصبيغ بالمزيل
المهم بياض الثلج كانت عايشة
( والله مدري يمكن اسمها عايشة
لالا عايشة مو اسم ... يعني ساكنة ....قاطنة....لازقة.....عند زوجة ابوها الشريرة
وكان اسمها أم بوزوو
وكانت ام بوزوو عندها مراية تتكلم معاها وتعلمها بالأجمل
حتى أنها علمتها ان سنتيا راح تطلع من ميسز ليبانون
المهم ام بوزوو كانت تحب بياض الثلج وتعتبرها مثل بنتها
لكن في كل مرة تسأل المراية مين الأجمل بالعالم تقول:
أول شي درتي بعدين بياض الثلج بعدين انتي
وكانت تزعل ام بوزوو علشان بياض الثلج اجمل منها ودبت الغيرة في معدتها وجزء من الرئتين
وأول شي عملته ام بوزوو انها مسكت جوال بياض الثلج ومسحت الارقام كلها
وقالت : أحسن
بياض الثلج بعد ماشافت ارقامها ممسوحة
زعلت زعلن زعولن جدن جدن
وقالت والله هذي ماتنعطي وجة
وتنكرت بياض الثلج وراحت ودخلت غرفة ام بوزووو وهي نايمة وسكرت الباب عليهم
شافتها ام بوزوو دخلة عليها وناوية شر
قالت لبياض الثلج تعوذي من ابليس يابنت واقصري الشر
قالت بياض الثلج : أنا تنمسح ارقامي ... ليــــــــــــــــــــــش ابوي وهو ابوي ماتجراء يوم ومسح رقم واحد
والله لأمسح بوجهك الحين الارض
قالت ام بوزوو :
يابنت تحمدي ربك على العافية لأخربش واخربط وجهك الحين
خافت بياض الثلج يوم شافت عضلات ام بوزوو وشافت صورة بروسلي معلقة فوق سريرها
وبهذا الوقت قالت ام بوزوو روحي الحين ماني فاضية لك والصبر زين وإذا تبغين كلمة تصّبرك
خوذيها مني وانا ام بوزوو ....أنا آسفة يابياض الثلج .....يالله حلي عني وسكري الباب
اطلعي من راسي ...هاجري من نفوخي
المهم طالعت فيها بياض الثلج بنظرة وقالت بصوت حزين :
تقوى الهجر
وش لي بقى عندك
تدور لي عذر
لا تعتذر
مانجبرة من عافنا
ماينجبر
لا تعتذر
زاح الصبر
لا لا تعنى لي وتمر
وتبغى الصبر
وين الصبر
جرحي عميق
والقلب في دمة غريب وغريق
وتبغى الصبر
ويلاه من وين الصبر
مهما تقول لا تعتذر
مهما تقول ان الاغاني والجمل
مهما تقول ان المواقف والعبر
مايحتمل قلبي
فدية لجبر الألم
يمشي معاك درب الندم
مايحتمل
يكفي علية
منك احتمل كذب وغدر
حبك سراب
ضيعت وقتي اتبعة
والصوت ضباب
وصوتك ينادي اسمعة
صرت أتبعة
واليوم في صحراء الضماة
ترمي فؤادي وتحرقة
ترجع تقول
أبي أعتذر
ليه العذر
دام الهواء ماله على قولك عذر
والجرح ياجرحي يداوية الصبر
ليه العذر
الله كريم
الله عليم
هو عالمن بالحال ولا يمكن يضيم
عزاة لك ياقلب ياحلى نديم
عزتي بالحب لو يصبح يتيم
حبك يتيم وكلك ندم
وين الندم بين السطور
عمر العدم ماله ظهور
ترى هذا غرور
غروور
تمشي بطريق وانا بطريق اللي يوديني بعيد
عنك ياأول رفيق البعد فيني المزيد
وين الوفى والتضحية وينك رفيق
وبتجمع اوراق السنين
لا تنسى تجمع جروحي ..ودمعي..وآهاتي معك
وقلبي بعد ماقتلته ...يارفيقي...ماعاد يقدر يمنعك
كل الأمر عاد بيديك
ياخلي ياهاجر
ماعندك عذر
طالعت فيها ام بوزوو وقالت بالله تعالي مسحي دموعي عجزت اوقفها
يالله ظفي وجهك بكرا وراي دوام وانتي فاتحة لي موال حزن
راحت بياض الثلج لغرفتها وسهرت على النت
بس أم بوزوو ماعجبتها الحركة اللي صارت
بياض الثلج تهددني...ليش...ناقصة شي أنا
كذا فكرت ام بوزوو انها تتخلص من بياض الثلج
وقالت اغرقها بالمسبح
بس لا ماتنفع راح يعرفون انه انا
أو اثلجها.....بس هي اصلن ثلجة
او اشربها بيبسي منتهية صلاحيتة ( صار لبن هذا
المهم وهي تفكر قامت وكملت تفكيرها تحت ضوء القمر
وهي تفكر طاحت عينها على المزارع حق القصر
وصرخت عليه وقالت:
ياهووو أنت يامطنشهم
المزارع طالع فيها وقال بقلبة ..الحمدلله والشكر وش تبي هذي العجوز المراهقة
المهم نادتة وجاها وقالت له اسمع
ابغى اشريلك اشياء واخليك كشخة وارفع راتبك
ابو الشباب ماصدق انه يصير كشخة وراح يتخيل شكلة
قالت ام بوزووو بس اسمع كل شي بحقة
شك بنفسة المزارع
وقال : هيـــــــــــــــــــه يامرة وش تبين انتي فكينا شرك تريني مالي بالحاجات هذي
أنا آخذ كل شي لوجه الله وأعطي الناس بعد لوجة الله ولا ادور على المقابل لأنه تطيح من اخلاقي
قالت اسمع يابو أخلاق انت
أبغاك تاخذ بياض الثلج للغابة وتقتلها
قال المزارع: ويــــــــــــــــــــــــــن يأم الشباب
وين خاشين حنا قرندايزر وانا مدري
اسمعي هذي قصة اطفال مافيها قتل وعنف
وانا من البداية وافقت علشان فيها طريقة التفاحة وغير كذا يفتح الله
قالت ام بوزوو
يادين التعب والله...التفاحة بعدين يادلخ الحين لازم نقتل
قال المزارع..إيه صح معليش نسيت
قالت الحين انت خذها وودها المزرعة ودرتي راح يتكفل بالباقي ويحلها بأسلوبة
المهم وفعلن جاء المزارع ووقف قدام بياض الثلج اللي راحت تطالع فيه وتبتسم
وقالت له بكل أدب ورقة..: ماذا هنالك ياعم مزارع ..أهناك مايقلقك ويكدر خاطرك
وفجاءة صفقها كف وانصرعت
وقال : شي يقلقك هآه
وربط عيونها وشالها معاه للغابة
............................................يتبع في القريب .....................................
مايستفاد :
1- هذا هو الجزء الاول...ويتبعه الجزء الثاني بقدر تفرغ الكاتب هذه الايام
2- فكرة د.إيفيل الملقبة بشرشورة الوادي
3- كتبته بسرعة اول ماشفت طلب العضوة..(.وأوعدكم بأن يكون الجزء الثاني من القصة خطيييييييييييييير )
4 - انتظرونا
5- احد معاه ريال سلف
6 - انا جيعان
7- بروح افطر الحين
8- انتظرونا ( مكرر
9- ناويكم نية قشرة بالجزء الثاني
10- خلوكم معاي دايمن
شوترن لكم
اضافة رد مع اقتباس
..
المفضلات