لو تلتقي في يوم عينك في عيني
مري وعديني مثل باقي الناس
لا بد في يوم يجي وتذكريني
لي من دريتي عن سبب صمت الاحساس
مـانـي خيـــــالي واقعي صدقيني
ركزت في صدر الأمل بيرق اليـــــــاس
مصدر حياتي عزتي واعذريني
ما اقدر اواصل بالهوا حانـي الراس
صحيح حبك نقطة الضعف فيني
ما انكر ولكن عزتي ما لها قياس
حبيبي بحفظ حبك بصدري لين آخر يوم بعمري
آه ... آه لو تدري غرامك وين وداني
من أول ما حبيتك بكل الحب خصيتك
لقيتك يوم حبيتك
تكمل نصفي الثاني
تأكد إنك أول حب
وأوفى حب
وأحلى من عطيته حبي
وأول شخص هناني
ليه أحس إني معك إنسان ثاني
وإني أسعد شخص في هذا الوجود
وإن في يديني مفاتيح الأماني
وكل درب أمشيه مفروش بورود
كن عالمه عن الناس احتواني
وكنه للقلب وأشواقه وقود
كل يوم ألقى له صرح بكياني
وكل يوم وعشقه فيني يزود
كله .. ذوق ... وإحساس ... ومعاني
يجبر الخاطر ويصدق بالوعود
أكره الدنيا إذا غاب لثواني
وأستعيد بوصله الدنيا وأعود
ياهواي اللي من الناس اصطفاني
الغلا ماله وسط قلبي حدود
من عرفتك وإنت الفرح بزماني
وكل ماشفتك تمنيت الخلود
القمر ماله شبيه في سماه
وانت مثلك ماعلى الدنيا شبيه
نورك اللي ضيع الليل وكساه
شع من نور وجهك وأنا ضعت فيه
إن حضرت العمر يرخص لك غلاه
لو تبي عمري خذه من غير ليه
وان بغيت خذ مني وصاه
وش أبي بالقلب دامك ماتبيه
اتمنى تعجبكم
منقول




اضافة رد مع اقتباس





المفضلات