اقسى قصيدة
لاجيـت ابنسـى واتراجـع واسامحـك
صاحن جروحي واشتكن لي طعونك

كلـك خيانـه قـول وشـلـون ابمنـحـك
وش موقفك من شخص دايم يخونك

اكبـر خطـا لـو جيـت يـمـك اصالـحـك
اوّل تـــحـــوّل لاتـــغـــرّك إلــحــونــك

اللـي تقولـه صـح لـو كنـت جـارحـك
(مير) انت غارق للاسف في ظنونك

وصفك نسيتـه بـس باقـي ملامحـك
بنـهـيـك وانـهــي بالنـهـايـة جـنـونـك

ماتستحـق (امـد) كـفـي واصافـحـك
مثلـك غـلـط عـمـري وابحـيـا بـدونـك

لعبت دورك شاهـدات(ن) مسارحـك
خدعتـنـي واظـهـرت خـافـي فنـونـك

كنت اعتقد قلبي هو ابـرز مطامحـك
الـلـي يبـيـع الـنـاس لجـلـه يصـونـك

تعبت اسوق الشوق يمك واصارحك
اخلصت لـك بالحـب شوفـت عيونـك

لكـن خسـارة صـرت غايـة مصالـحـك
ياليـتـنـي مـاجـيـت لـحـظـة بـكـونـك

بالامس كنت بنشوت الحب امازحـك
اخـيــل بــرقــك واتــحــرى امــزونــك

واليوم من صفحة حياتـي ابمسحـك
هديـت صرحـك ثـم طاحـت اركـونـك

ولابـي عيونـي لـو تـصـورت تلمـحـك
اعلنت موتـك وانسجـن لـي كفونـك

وان جيت تطلب ترتجينـي اسامحـك
بهـديـك طعـنـة مــن بقـايـا طـعـونـك