مممم بصراحة ما اعرف كيف ابدأ موضوعي..
هو الموضوع اصلا باركولي اني كملت 3 سنين ويوم في المنتدى<<<<< اش جاب اليوم
لا هو كملت3 سنين امس ونويت اكتب الموضوع لكن انشغلت..
على العموم عمري صار 3 سنين هنا هع هع اكبر واحد يعني كلكم تحترموني ما اسمع كلام الا بابا باد قاي
انا الكبير فيكم..
[Glow]باد قاي[/Glow]
مشرفنا البابا بتاعنا اخوي الكبير..فعلا فعلا اهنيك على هالمنتدى وهالموقع عموما..صراحة ما اعرف اش اقول غير مبروووووك على اللي حققته انت بالمنتدى يوم عرفتك وعرفت انك بتسوي المنتدى كان قريب..الحين احس انه اتحقق طموحك على ما اتوقع وافضل مما كنت تتخيل..بصراحة تستاهل على الجهود اللي بتبذلها يالغالي اتمنالك التوفيق دائما وابدا..
<<<< البداية الرسمية زي لما يتصلوا على برامج منتخبنا ويقولوا نهنئ خادم الحرمين الشريفين
بعد البداية هذه..بكتب الاعضاء اللي عرفتهم وعزيتهم بس الموجودين حاليا فيه ناس عزيتهم لكن مشيوا ما راح اكتب عنهم..
[Glow] هاردي بوي[/Glow]
ما اعرف اش اقول لك يالغالي..فعلا انسان محترم وخلوق واعتبرك اصحاب اطيب القلوب اللي قابلتهم..يمكن تكون بظاهرك الفتى الشقي لكن فعلا ورا الشقاوة هذه قلب ابيض واخلاق..وحساسية الله يوفقك بحياتك وانشالله تتحق مناك..انت فاهم قصدي
[Glow]ساد توي[/Glow]
ما ادري اقول يا اخوي الغالي والا اختي الغالية..((تعددت الالقاب والقلب واحد))
انسانة محترمة فعلا وخلووووقة لأبعد درجة ومن طيبتها دايما تقدم سعادة الناس على سعادتها.. سعدنا ببقائك معنا يالغالية..
[Glow]فجر العزيز[/Glow]
فجر العزيز وما ادراك ما فجر العزيز ممممم صحيح يمكن ما اتكلمت معاك الا قليل لكن ما ادري ارتحت معك بشكل مو طبيعي وفعلا حسيت انك صاادق وصريح يمكن الناس يشوفوا الفاظك قوية..لكن انا بالعكس هذا اللي جذبني فيك احب الصرااااحة وانت من اكثر الناس صراحة اللي قابلتهم في حياتي قلمك قوي ماشالله عليك استمر في اللي انت عليه..
[Glow]ميرنا[/Glow]
اخخخ ميرنا ما اعرف اش اقول عنك... اتعرفت عليك من فترة مهي طويلة لكن عرفتك كويس...مع هذا مني عارف احدد شخصيتك كويسة مزاجك مررة متقلب اشكرك فعلا لأنك كذبت ي علي بشي على العموم اسف فعلا لو اذيتك بشي بس خلاص القلب ماخذه واحد غااالي.. والله يهنيك بوضعك الحالي لكن ولا تهمك الدنيا ترا يا ميرنا..مرررة ما تستاهل..ولا تاخذي بخاطرك ابدا..
[Glow]تاتو قيرل[/Glow]
اختي الكبييييرة ممممم انتي من نوعية الاشخاص اللي يحبوا يظهروا الغموض في اسلوبهم لكن رغم كذا تنعرف شخصياتهم اشكرك على صدقك معي دايما..فعلا صديقة حقيقية احس انه ابدا ما راح تردني لو احتجتها..لكن يا ليت لو تقللي الكلافة بينك وبين اعضاء المنتدى
[Glow]كات قيرل[/Glow]
مممم ما راح اقول عنك الا انك فعلا انسانة طيبة وامورة وبريئة ماشالله عليك...قلبك ابيض زي مانا شايف وانشالله تظلي كذا دااايم بس نصيحة مني..قللي نومك شوي يا كسلانة لأنه زي ما قالوا انه النوم القليل يقصر العمر ترا حتى النوم الطويل مضر..
[Glow]كوثر[/Glow]
مممم شخصيتك قريبة من اختك كاتي لكن اللهم الفرق انك انشط منها..وفيك لقافة خخخخخخ اشكرك على اهتمامك الدائم بكل اصدقائك احسك فعلا تعزي اي واحد يعزك
[Glow]سندرلي[/Glow]
ما ادري انتي موجودة والا مشيتي لو موجودة راح تقري كلامي لو مو موجودة اتمنى اي واحد يوصلها كلامي..يمكن عرفتك بكم يوم قليلين لكن فعلا انسانة مرررة ذوووق وبنت ناااس والله يوفقك دايما بحياتك وشكرا على التواقيع اللي شغالة ترسليلي هي كلها موجودة عندي ومحتفظ فيها
[Glow]الحنين[/Glow]
ممم بصراحة انا لما عرفتك عالنت ما عجبتيني..حسيت انك قوية زيادة عن اللزوم..لما عرفتك من قريب اكتشفت فيك طيبة لكن تحبي تظهري بمظهر القوية لكن فعلا قلب كله رقة واحساس زي منتي كاتبة عن نفسك..قالوا مادح نفسه كذاب لكن انتي ما كذبتي..اتمنى لو تغيري من حدة طباعك.. لكن استمري في فلللتك<<<<< بسطتك<<<<<مرحك..
[Glow]نداء[/Glow]
انتي بصراحة ما اعرف اش اقول عنك...من حقي.. معاي عالماسنجر من سنة وما اعرف عنك اي شي حتى الان اظن المرات اللي اتكلمنا فيها تنعد على اصابع اليد الوحدة.. بس حسيت من اسلوبك بالمنتدى انك طيبة لكن شوي انطوائية على نفسك يا ليت لو تقدري تغيري من طبعك..
[Glow]ايميلي راشي[/Glow]
ماشالله انسانة مرة رهيييبة وفلاوية وطيبة بنفس الوقت..حلو لما تتجمع عالصفات بشخص واحد..يوم كتبتي الرد حقك بالموضوع حق الحرب العالمية حسيت انه حيكون لك شي كبير بالمنتدى لو استمريتي فيه..اتمنالك التوفيق يالغالية..بس مدري حاس انك ثقلتي علينا بعد ما صرتي مراقبة ولا نشوف مشاركاتك..على فكرة ليه احس انك تكرهي الاولاد
[Glow]خالتنا مزينة[/Glow]
هالووو خالتي كيفك؟؟ ماشالله عليك طيبة خلف اسوااار وحصوون وقلاااع..يعني اللي ما يعرفك يجهلك..او اللي ما يعرف الصقر يشويه..كلها امثال تنطبق عليك شخصيتك الظاهرة جدا غير عن شخصيتك الحقيقية بصراحة اول مرة اشوف انسان شخصيته الحقيقية احلى من الظاهرة اعرف الناس دايما تظهر بشكل احسن من واقعها الا انتي..يا ليت تكووني طبيعييية بمشاركاتك..
[Glow]مون ووكر[/Glow]
الانسان هذا صراحة ما شفت زيه..يا مون ماشالله عليك فعلا انسان مثقف ولك رأيك المقنع ما ادري اش اللي صار وخلاك تتوقف لكن عالعموم مرحبا بعودتك وانشالله دايم معانا..دائما تحرجني ردودك في مواضيعي ومجاملاتك اللطيفة مشككووووور حبيب البي..
[Glow]اللورد[/Glow]
اخوي اللوورد احسك واحد مليان هموم ما ادري لييييه..يقولون نبرة حزينة بصوته..انا اقول احساس حزين بكتاباته..يمكن تكون واحد بالعكس مرة داااج وزاحف خخخخخ لكن مدري هذا احساسي..على العموم اهنيك على قلمك القوي واستمر دايما يا عزيزي بطرح اراءك بقوة..
[Glow]بلاك ليجند[/Glow]
هلا فيييك اخوي...تصدق لما عرفتك عالماسنجر ما حسيت انك بتصير كذا بالمنتدى..صار لك مكانتك والله..حركااات اتمنى لك التوفييق في درااستك وفي كل حياتك..
[Glow]زينب[/Glow]
اذكر يوم اشتركتي بالمنتدى ومشاركاتك الجديدة..ماشالله وصلتي فووق وصرنا واصلييين وحركاات مبروووك على وضعك الحالي والى الافضل دايما واشكرك من كل قلبي كل مساندتي في مواضيعي ومشاركاتي لا تحسبيني مو داري..انا ملاحظ اللي بتسويه..شكرا
[Glow]لوليتا[/Glow]
نائبة بابا باد قاي مبروووك على التقدم الدائم اللي انتي فيه بصراحة عضوة اكثر من رائعة قبل ان تكوني نائبة..قدمتي الكثير والكثير للمنتدى ولأعضاؤه..ما اعرف كيف اشكرك..ادري..مين انا عشان اشكر لكن احس المنتدى هذا مثل بيتي واللي يقدمله اي شي انبسط انا محبوبة جدا من الاعضاء اغلبهم..اعذريني على نظرتي نحوك سابقا لكن انتي عارفة السبب واظن اني ما اتلام على العموم عادت المياه الى مجاريها مبروك حب الاعضاء لك اللي اعتبره اكبر ميزة فيك.. اتمنى وجودك دائما معنا..يالصديقة الحقيقية
[Glow]مالينا روبنسون (ابل)[/Glow]
اول ما عرفتك كان على شات مكسات فاكرة؟؟ مرررة كنتي انسانة فلللة ورهيييبة وراعية وناسة ومزح وضحك..اذكر كنتي تحبي الشعر..على العموم ايام ومضت انتي الحين طال عمرك وصارت رسميااات وناخذ حجز من السكرتيرة عشان نقابل طال عمرك خخخخخ لكن مدري بعد ما اتغير اسمك مالينا روبنسون احسك اتغيرتي معاه..على العموم مشكورة انتي الوحيدة اللي افتكرتيني في عيد ميلادي اللي قبل اللي فات وباركتيلي عالخاص..
حباايبي اعضاء مكسااات مكسات يفخر بكم مثل بالضبط ما نحنا نفخر به مشكوووورين كلكم واحد واحد على اللي قدمتوه ولا زلتم تقدموه للمنتدى..
3 سنين كل سنة تنطح سنة وانا عضو فيك يا مكساااات
تحيااااااااااااتي
المفضلات