يا صباح الخيـر إذا قريتوهـ فالصباح ..
.. ويا مساء الخيـر لين قريتوه مساء
معاناتي مع "تشريح الضفدعة" .!. مدعم بالصـور
" أرجو عدم دخول أصحاب القلوب الضعيفة"
سمعتوا ياحلويـن
اللي قلبـه رهيـف لايدخـل ويوهقنـا
طبعاً هالترم كنت بمستوى ثالث وتخصصت نبات وأحياء دقيقة
وبديت أدرس المواد العامـه لهذا الترم ومن ضمنهـا
مادة 101حين " علم الحيوان العام " ولها ثلاث مذكرات "ملازم"
المذكره الاولى كنا مره مبسوطين منها لأنها تتكلم عن مكونات الخليه
وعن الانسجـه ومملكة البروتستا والمذكره الثانيه برضو كنا مبسوطين منها
وكانت تتكلم عن مملكة الأنميليا "الحيوان" لكن البدائيات مثل الهيدراء والديدان
والمذكره الثالثه انصدمنا منها حيل لانها كانت تتكلم عن الفقاريات
وبالتحديد "الضفدعة" ومطلوب مننا تشريحها للتعرف على اعضائها
بصراحـه انصدمنا حيل وخفنا وكان هذا بداية شهر 5 بالهجري
وطلبوا مننا شراء "أدوات التشريح" ومن هنا بدت المعاناة
"حقيبة أدوات التشريح وهي مغلقه"
:
"حقية أدوات التشريح بعد فتحها"
أهم الأدوات المستخدمة / المقص الحاد + الملقاط الحاد + المشرط الصغير .
المهم أول ما دخلنـا المعمل شفنا الاستاذه تحمل معها كيس يتحرك مليان ضفادع حيه
اخذتها وحطتها بسطل بعدين سكبت عليهم مادة الكلوروفورم وهو مادة مخدرة
"ضفادع مخدرة حتى الموت"
جلسنا تقريباً ربع ساعة "00:15" ثم أخذت الاستاذة أحد الضفادع المخدرة
وحالياً يطلق على الضفدع " مخدر حتى الموت " لانه مخدر ومع الوقت راح يموت
الاستاذه ماقصرت شرحت لنا الضفدعه من قلب بعد ماعلمتنا اهم المعلومات
بدت تعلمنا كيف نشريح وع استغفر الله مره تقرفنا
بالنسبة لي لبست الاب كوت "البالطو" ولبست الكلفز والكمامه
<< مستعده للعمليه انكخخخخخخخخخ
الاستاذة شَرَّحَت معنا الضفدعه وطلبت من كل وحده مننا
تشرح ضفدع مستقل وتستخرج الجهاز الهظمي ونتعرف عليه
في البداية "لاعت كبدي" لاني بديت اشم ريحة البرمائيات "تشبه ريحة السمك"
ثم بدت "تدمع عيوني" يوم بديت اقص بطنها واطلع الجهاز الهظمي لانه طلع دم
بعدها من زود الحماس والتركيز نسيت نفسي وبديت اشرحها واستخرجت الجهاز
وحسيت اني سويت انجاز عظيم
صرنا في كل اسبوع نشرح ضفدع ونستخرج جهاز وندرسه ونتعرف عليه
الاسبوع الأول استخرجنا / الجهاز الهظمي والدموي
الاسبوع الثاني استخرجنا / الجهاز البولي والتناسلي الذكري والانثوي
الاسبوع الثالث استخرجنا / الجهاز العصبي << اصعب تشريح مره دقيق
الاسبوع الرابع استخرجنا / الاجهزه جميعاً في ضفدعه وحده "مراجعه"
في المراجعه قالوا لنا: اللي تبي تشرح الحين او تاخذها معها للبيت بكيفكم
انا قلت: بشرح هنا
وصديقتي قالت: بآخذ واحد واشرحه بالبيت قبل الاختبار
قلت لها: OK .. انا بشرح وانتي صوري معي الخطوات
قالت : OK
يـتـبـع ..!
المفضلات