تخيلي صار لكم موقف من هدي المواقف
[Shadow][Glow]عزيزاتي النواعم ........أعزائي السباع " الرجل باللغة المصرية يسمى سبع " مع إحترامي للإخوة المصريين " ولا تحبوا أقولكم تماسيح زي ما هو متعارف عليكم في المنتدى "......... كيفكم وإيش أخباركم
خطر لي إني أحط لكم بعض المواقف المحرجة إلي حتى لعدوكم ما تتمنوها فأتخيلو نفسكم أو عدوكم فيها إيش راح تكون ردات أفعالكم عليها
1.أنتي في عملك ولا مدرستك و حطت لكم الإدارة زي معين زي التنورة و البلوزة مثلا وكان مكان عملك مختلط " رجال وحريم يعني " وإنت تمشي على غفلة أنفكت السوستة " السحاب " وبدأت تنزل التنورة . ؟؟؟؟؟؟؟؟؟؟؟ أتفتحت سوستة البنطلون أو و أنت قايم من على الكرسي أنشق البنطلون من ورا ؟؟؟؟؟؟؟؟؟؟؟؟؟ للإثنين
2.كنتي في السوق ومعاكي صاحبتك وشافكم واحد ورقمكم ولزمت عليك صاحبتك إنك تاخدي الرقم " شقاوة بنات أنا عارفة " وبعد ما كلمتيه عرف أنك مو أنتي المطلوبة وأعطاك هيه في وجهك أنو يبغى يكلم صاحبتك مو أنتي . والعكس للإثنين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
3.كنتي تغيري حوايجك " ملابسك " في غرفتك ودخل عليك أخوك الكبير أو أبوك على غفلة منك وما انتبهتي على الباب . للإثنين ؟؟؟؟؟؟؟؟؟؟
4.حطتي في مكان مليان بالناس وكان شكل طيحتك غلط يعني مررررررررررررررررررة يضحك وشكلك كان ملخبط . للإثنين ؟؟؟؟؟؟؟؟؟؟؟
5.كنتي في جمعة بنات وكانت وحدة منهم بتحكيكم قصة وبعد ما أندمجتوا فيها اكتشفتوا إنها بالمررررررررررررررة باااااااااايخة ومالها داعي . للإثنين ؟؟؟؟؟؟؟؟؟؟؟؟؟؟؟؟؟؟
6.موقفك وشعورك يوم الشوفة الشرعية . للإثنين ؟؟؟؟؟؟؟؟؟؟؟؟؟
7.هزأتك المدرسة وأتريقت عليك قدام صاحباتك في الفصل وضحكوا كلهم عليك . للإثنين ؟؟؟؟؟؟؟؟؟؟؟؟؟
8.عندك مصطلحات و رموز خاصة بينك وبين صاحباتك تقصدي بيها أشياء محرجة أو خاصة وسمعتك مدرستك أو مديرة - مدير عملك وصارت تستعمل هدا الرمز من غير ما تعرف معناه أو أيش أنتو تقصدوا بيه . للإثنين ؟؟؟؟؟؟؟؟؟؟؟؟؟
9.أتجوزتي وصرتي أم وسألك ولدك أو بنتك" أنا كيف جيت ياماما – يا بابا " أو" من فين جيت " قمة الإحراج أنا عارفة بس صدقوني أكيد إحنا كمان حطينا أمهاتنا و أبائنا في هدا الموقف . للإثنين ؟؟؟؟؟؟؟؟؟؟؟؟؟؟؟
10.جوكي " قدمت إليك " صاحبتك مع بزورتهم " أولادهم " في زيارة لك أول مرة مثلا وأنتي عروسة في بيتك وأنت متعودة أنك تجهزي كل الصحون وتغطيها في المطبخ و أنشغلت أنتي مع هروج الحريم والزكريات وبعدين جيت تقدمي الأكل ولقيتي البزورة هجموا على كل الصحون ولا خلو لك أي فتفوتة وما كان عندك أي شيء إحتياطي و جوزك ما كان موجود" مسافر " . ؟؟؟؟؟؟؟؟؟؟؟؟؟؟؟
11.تزوجت وجاء أخوك وقال قدام زوجتك قصة محرجة مرررررررررررررة ما كنت تحب أنه زوجتك تعرفها وأنت حاولت تغير الموضوع وتأشر لأخوك أنه يغير الهرجة وهو ولا هو هنا ورجعت وفتحت زوجتك معاك تحقيق خصوصاً أنه القصة تدور حولين وحدة تقرب لك أو حتى بنت الجيران . للإثنين ؟؟؟؟؟؟؟؟؟؟؟؟؟؟
12.أنتي أو انت من النوع النعنوع مرررررررررة " يعني مدلعين " بسلامتكم كل شي تسوي لكم الشغالة وفجأة زاروكي صاحباتك أو أصحابك وأمك ما كنت موجودة في البيت وما عندكم شغالة وأنت يا شاب ما عندك أخوات طبعا أكيد لازم تقوموا بواجب الضيافة وسويتوا عصير وكانت في الدولاب علبة السكر والملح جنب بعض وما عليها علامات فارقة ومن الشطارة الزايدة رحتوا حطيتوا ملح بدل السكر وقلبتوا العصير ورحتوا قدمتوا من غير ما تدقوا " مسويين فيها ستات بيوت يعني " واثقين من حالكم مرة أيش راح تسووا للإثنين ؟؟؟؟؟؟؟؟؟؟؟؟؟؟؟؟؟
13.عازم أصحابك على عشاء برة في مطعم محترم وبعد ما اتعشيتوا وأنبسطوا جات فاتورة الحساب وسويت فيها انك مرررررررررررة واثق ودخلت يدك في جيبك وما لقيت المحفظة للإثنين ؟؟؟؟؟؟؟؟؟؟؟
14.واحد من أصحابك دمه خفيف كان حابب يمزح معاك ساب لك ورقة مرتبة على قزاز السيارة كاتب فيها أنا أسف إني صدمت سيارتك ورحت كلمت ابوك وسويت قضية ونزلت أنت وهوا وجلست تدور حولين السيارة وما لقيت ولا شيء وبعدين اكتشفت أنه مقلب ؟؟؟؟؟؟؟؟؟؟؟؟؟؟
* ملاحظة :-
أنا عارفة أنو كلامي كلو مكاوي أصلي بس انا حاولت أقرب لكم معاني الكلمات وإذا برضة ما فهمتو أنا موجودة و كلمة للإثنين أقصد بيها شباب وبنات ولا تحرموني من ردودكم علشان أتعرف على شخصياتكم .[/Glow] [/Shadow]
اضافة رد مع اقتباس
..
المفضلات