مشاهدة النتائج 1 الى 12 من 12
  1. #1

    صف لي احد يومياتك ^_^

    السلام عليكم ورحمة الله وبركاته ..
    كيف حالكم حبايب ..

    عساكم بخيررر دووومووو وليس يووومووو ^o^

    المهم

    ندخل في الموضوع على طول ...
    طبعا انا يعني انا حبيت اكتب هالموضوع عشان كل واحد يقول وش يعمل من اول ما يقوم من عالسرير الين مايرجع له هع هع هع هع ...

    المهم ...

    يلا انا بابتدأ ...
    بس والله جدول يومياتي مو شي dead بس باقول لكم الجدول اللي سويته امس .. يوم السبت..

    اول ماافتح عيوني اقوم انزل من على السرير .. عاد انا فوق ويااااااا مرررة طحت من على السلم لاني كنت ماني بصاحيه خخخخخ ...
    المهم نكمل ... بعدين اقووم اشغل اللاب توب واخليه يستعد للدوام هااع .. بعدين اقووم واعدل من حالي واهم شيء اني اطالع الساعة وطبعا كالعادة اما 8 ونص اما 9 .. المهم .. اقوم اقعد عالنت ثم اذهب لتناول الفطور .. ثم اقوم لاداء الصلاة .. وبعد الصلاة اذا الله وفقي جلست عالكمبيوتر .. وعاد الصبح محد شابك وبعدين اروح بعد الصلاة الاقي لي 2 متصلين ---> واجد عليج بعد dead
    المهم .. بعدين اتغدى و بعد الغدا يمكن اجلس عالكمبيوتر و بعدين لما تستوي الساعة 3 ونص .. اقوم اسوي الواجب عشان دورة الرسم ---> شاطرة مو :جيد: وانا ارسم بسرعة بسرعة مصدقة عمري اقول يمكن اخلص قبل الساعة 4 بعدين الحق اطالع لي لقطة او لقطتين من المدبلج biggrin
    عدين انروح انا وكوثر واختي ان وكوثر مسجلين رسم وبعدين نظل هناك الين الساعة 7 وبعدين بس نرجع تصير وجوهنا كذا ----> :mad لاننا تعبتان --------> ول ول لو اقدراحط ذاك الرمز اللي في الماسنجر اللي اسمه عبقري خخخخ
    بعدين انا اقوم اصلي وبعدين ادخل شريط في الفيديو واجلس اطالع ---> انتبهوا .. اطالع بس .. مو مندمجه ويا الاحداث خخخخخخخ
    وبعدين اذا مليت اجي واطالع في كوثر وهي قاعدة عالنت بالساعات خخخخخخخخخ
    بعدين اذا ذكرت شيء اسمه ورقة وقلم اخذتهم وقعدت ارسم او اكمل المانجا .. واذا زهقت منهم اقعد اسولف ..
    وبعدين اذا صارت الساعة 1 او 2 او 3 انام .. بس امس غريبة والله .. تصدقون اني نمت امس الساعة 10 ---> مبكر مرررة
    المهم .. منه اتينا واليه نعود ونذهب الى السرير

    خخخخخخخخخخخخخخخخخخخخخخخخ
    اتمنى ان الموضوع عجبكم ..
    و اتمنى من الجميع المشاركة و نعرف جدولكم كلكم ^o^

    تحياتي
    catty


  2. ...

  3. #2
    شكرا لك اختي على الموضووع حلو


    أما عن نفسي فحدث ولا حرج

    اقعد من صباح الله خير الساعة 12 الظهر

    انزل المطبخ والله يعين اهلي على طباخي biggrin وبعدين أتغدى + تعليقات الأهل

    بعدين أقعد على النت لي المغرب وبعدين اقعد مع الأهل شوي وبعدين وبعدين وبعدين اوووووووووووووو ه يبيلها مشوار طويل خخخخ

    على العموم هذا بعض الأشياء إلي تلفت ان تباهي في اليووم

    smilesmilesmile وآخر شي الأيام مو زي بعضها ولا آصابعك ماهي سواسية يعني في كل يوم شغلة tongue
    اخر تعديل كان بواسطة » HARD-GIRL في يوم » 25-07-2004 عند الساعة » 13:36
    attachment

  4. #3

    Talking

    هع الموضوع حليوووو biggrin ويفظح العضو نوعاً ما tongue
    احم أنا تقريباً نفس قصة حياتك اليومية مع اختلافات بسيطة ..

    لحظة ! قبل ما أبدأ في سرد حكايتي المثيرة بعلق عليك cheeky



    إقتباس الرسالة الأصلية كتبت بواسطة Cat Girl
    وبعدين اذا صارت الساعة 1 او 2 او 3 انام .. بس امس غريبة والله .. تصدقون اني نمت امس الساعة 10 ---> مبكر مرررة

    ههههههااااااي أمس وأنا أتكلم مع كاوكاو قالت لي إنك في سابع نومة biggrin قلت لها قوميها وكبي عليها موية وشيلي البطانية biggrin قالت كاوكاو: لا أنا إذا جيت أقومها أقولها " جا دورك في النت " tongue biggrin tongue


    ياللا نبدأ في سرد القصة ..
    حوالي الساعة 2 ظهراً أسمع تصبيخ الباب .. يا إلهي من الطارق .. إنها أمي .. redface
    _ ايمللييييييييييييي قومي صلللللليييييي ياللا الصلاة بتفوت الحين بيذن العصر .
    _ طيب طيب هذاني ( وأنا مقفلة باب الغرفة لأن لو نمت وما سكرته فإن كل البيت بيدخل غرفتي يقومني ermm )
    المهم يالكاد أقوم بالأول أجلس على السرير ساعتين إلا ربع همن أنزل رجولي على الأرض وأقعد ساعة ونص تقريباً .. بعدين أتمغط biggrin همن أقوم وأنا متكسسسسرة ..
    وأروح للحمام بعدين أطلع وأصلي .. همن أمشط كشتي biggrin بعدين أفتح اللاب توب بتاعي وأستناه يشتغل على قولتك همن أشغل شريط أسمع أناشيد وأنا على النت .. أتجه لمكسات وأشوف رسايل شليون .
    أقعد وأسولف همن إذا جا العصر أروح وأصلي همن أرجع للنت biggrin وطبعاً أهلي معصبين علي لأن وقتي أضيعه عالنت dead
    همن إذا صار المغرب أصلي وأكتشف إني جوعانة .. أروح وأقول للخدامة تسولي قهوة وترقيها فوق .. أتقهوى مع شوكولاتاتي المفضلة ... بعدين أنزل تحت وأقعد مع أهلي إليـــــن الساعة عشر تقريباً .. بعد الصلاة أرجع للنت rambo وأقعد عليـــه إلين ما أجوع مرة ثانية .. همن إذا جعت أنزل تحت وألقى العالم نامية وأنا مرتاعة بالحالي قايمة .. أسوي لي إندومي biggrin والا إذا غيرت آكل كورن فليكس أو خبز توست وجبن سايل ( يا عيني عالتغذية tongue ) همن إذا صار الفجر قومت العائلة للصلاة .. أقعد شوي عالنت إلين ما أطفش همن أروح وأنــــــــــــــــــــــــــــــــام biggrin

    وخلص برنامجي المشرف tongue




    شكريااااااااااااااا قطووووة عالموضوع الحلوووووووووو gooood gooood











    تحياااااااتي The countess
    اخر تعديل كان بواسطة » Emily Rashy في يوم » 25-07-2004 عند الساعة » 13:02
    لقد عدت smile


    attachment

    أمس يوم الأربعاء أكملت 5أعوام على تسجيلي بأول منتدى عرفته وأحببته (( مكسات ))
    حصل الكثير خلالها .. الكثير مما لا يمكنني نسيانه
    لكن أكثر ما أفتخر به صداقتي ب وردتي جوريه

    شكرا لك يا غاليــه (أحبك)

  5. #4
    laugh سلامن علييييييييكم ... laugh

    خوووزووووووووو عن دربيه الشيخه كيوت وصلت laugh

    هووووووووود هوووووووووود >>> بطنكم عوود laugh

    احم احم .. laugh

    والله جدولج امنقع ههههههههههه >> عيل انت شووو tired


    انزين جوفوو جدولي : laugh


    احم احم .. كل يوووم أنش جي عالساااعه 12 ونص او 2 هههههههه وحده منهم
    المهم أول ما انش أصلي الظهر ... بعدين أسبح ... بعدين ادش النت ... أرمس اربيعاتي وجي .. عقب أسير أتغدى ... عقب أرد مره ثانيه عالنت ... وأتم امعسكره عالنت موول ما اطلع منه الا اذا ظهرنا... او يوم اتملل ... أو يوم تجمع عائلي ههههه ... المهم ... استوت الساعه 11 أبند النت ... وطبعا مب شرط كله عالنت ههههههه ... وأسير ألعب بلي ستيشن أو أي شي ... عقب اطااع انيمي في انصاص الليالي ههههه ها كله ويا اختي هههههه ... وبعدين ايأذن الفجر ... عقب اصلي ... عقب أخمد ... طبعا اتم ادحدح واكل ههههههههه laugh

    laugh طبعا في حالات اذا حد بات عدنا أو انا باتيت بيتهم laugh



    والسمووحه laugh
    اخر تعديل كان بواسطة » Cute^Angel في يوم » 25-07-2004 عند الساعة » 13:20

  6. #5

    ابتسامه

    اولاً : اشكر صاحبه الموضوع .

    ثانياً : يوميات Gary Oak :

    اجلس عن الساعة 12 تقريباً بعدها اغسل وجهي واتوضوأ واصلي صلاة الظهر والعصر تالي انزل تحت اروح لأمي وأبي واقبل رأسهما واجلس مع اخوتي واخواتي واسولف معاهم إلى وجبه الغداء إذا راقت لي الوجبه جلست معهم و إذا ما راقت لي حمد الله وانصرفت اشغل الحاسب ومعاه الإنترنت مباشره افتح الماسنجر و المنتدى إذا في حد تكلمت معاه وإذا كان شخص عادي وضعت الحاله سأعود بعد قليل وخليته اروح اشوف المنتدى إذا فيه مواضيع جديده او ردود انتظرها ارد عليها وإذا مللت اقوم اللعب بلاي ستيشن 2 او الجيم كويب إلى صلاة المغرب اصلي المغرب والعشاء وارجع على الحاسب وإذا ما فيه شئ جديد اروح اجلس مع اخواتي واخواني واحكي معهم او اشغل التلفاز واتابع اي شئ إلى الساعه 9 اروح ازور اصدقائي كل يوم في مثل هذا الوقت نجتمع نلعب نخربط نسالف نروح نتعشى إلى السعه 12 انصرف منهم واروح البيت واجلس على الكمبوتر مره اخرى إذا كان احد موجود اجلس معه إلى الساعه 4 بعدها اقوم اتوضئ واصلي الفجر كما بدأت يومي بالصلاة اختمه بالصلاة وبعدها انام .


    فقط هذه يومياتي بسيطه جداً . بعض الأيام المخصصه في الأسبوع لزياره الأقارب مثل يوم الأربعاء والخميس .

    والسبت غالباً ما اسافر فيه او الأربعاء أو الأثنين gooood
    attachment
    [ Together for E.V.E.R ]

  7. #6
    [Glow]بسم الله الرحمن الرحيم ...[/Glow]
    أحم أحم ....^_^

    بالنسبة لي....فقصتي اليومية كالتالي....

    أستيقظ من النوم إما الساعة 9 أو الساعة 8 ونص ...وبعدين أرشح ويهي زين مازين واضرب معجون ^_^ ... واذا ضربت معجون..وبعدين اروح أتوضأ وأصلي ..(ما تعرف شي اسمه اختصار^_^)...وبعد الصلاة أتروق(يعني أفطر^_^)واذهب إلى المزرعة ...و أشتغل شويه وبعدين الساعة 12ونص كذا اروح اصلي وبعدين يصير هجوم جماعي على البركة ^_^ (والله هذي اللحظة هي أجمل لحظة في كل يوم ^_^)..وفي البركة يبدأ العراك اليومي ^_^ ...ننقسم إلى فرقتين ونلعب كرة طائرة في البركة ..(والله لعبة حلوة وايد ^_^)..وبعدين نطلع ونمشي على بيوتنا ^_^ ...واذا جيت البيت أتغدا وبعدين إما إني انام أو إني اجلس يم النت ..والعصر أما أني اكمل على النت أو أتابع مباراة اذا كان فيها فريق عربي ^_^ أو أرجع للمزرعة مرة أخرى واذا استوى وقت الصلاة صلينا ومشينا ^_^ وبعدين اجلس يم الحاسب احافص فيه واذا مليت فتحت النت واقعد احوس في المنتدى شويه وبعدين افتح الماسنجر اشوف رسايلي اليدد وارمس مع رفايجي ^_^(صج صعيدي) ....وبعدين ارجع المنتدى واظل لين الساعة 1 او 2 او 3 وبعدين انزل يم التلفاز شويه لين يأذن واذا أذن اصلي وانام وهكزا ^_^...


    ومشكورة كات على الموضو الحلو ^_^ gooood
    attachment

    أمي يانبع الحب عطاء...أمي ياجود الخير وفاء...أمي أنتي ضياء..في قلبي صبح مساء
    أمي ياطيف جمال...غناكي لحن دلال...صاغ الخلاق لنا...من ذاك اللحن جلال
    سكرى أشواقي بها...هيمان الوجد شجون...كل الآلام على...صدر الأحلام فتون

  8. #7
    تسلم يمناج اختي على الفكره العبقريه


    يلا انسمي بالله ونبدأ

    بسم الله الرحمن الرحيم

    يوم السبت 7/24

    الساعه 11 انش من الرقاد اسير اتوضأ واغير ملابسي وانزل تحت واتريق

    عقب ارد لحجرتي وارتبها واشغل الكمبيوتر بس امي زقرتني تباني اساعدها عسب اسوي السلطه

    لين اذان الظهر صليت ورديت بطلت النت وقعدت في مكساتوو لين ما البابا رجع من الدوام

    وعقب اتغدينا ورديت قعدت عالنت بس اخوي وصل وقالي احطله غذاه

    الساعه 4 اقعد اطلع التلفزيون لين الساعه 8 طبعا اصلي العصر عقب اطلع ووراه المغرب عقب ارد للنت اشوي الا يأذن العشاء واصلي

    عقب قاعدنا قعده عائليه انا والماما والبابا واخواني الاثنين انسولف لين وقت العشاء

    عقب العشاء انسير نقعد في الحوي ( الحوش ) اذا كان الجو حلو لين لساعه 12 ندخل والكل يرقد





    وتوته توته خلصت الحتوته

  9. #8
    حلوووووو gooood
    آنا كل يوم غير عن الثاني redface

    :::::::::::::::>>>>>> laugh


    الساعة 11 و نص صحيت من النوم >> تسبحت >> بدلت ملابسي >> كليت>> و بعدها الساعه 12 و نص صليت و قعدت عالنت ساعتين و طلعت .

    2 و نص تفرجت عالتلفزيون ساعة و نص >>> بعدها صليت >>> بعدها اتصلت على ربعي رحنا الحديقة لعبنا سكيت بورد ساعة

    >> بعدها رحنا فرفرنا بالمجمعات >> تعشينا >> رجعت البيت تسبحت و قعدت عالنت ساعتين >> الى التلفزيون حطيتلي فيلم DVD

    عقبها تفرجت عالقنوات و بعدين خمدت >>>>>>>>>>>>>>>>>>>>>>>>>>> أحلام سعيدة sleeping

    ( ماكو هدف بالحياة ) tired


    هذي وحدة من يومياتي gooood

    و شكرا عالموضوع الرائع ... gooood
    اخر تعديل كان بواسطة » Romantic في يوم » 25-07-2004 عند الساعة » 18:18

  10. #9
    هاااايو
    انا كالعاده اصحى الساعه11 ونص واحيانا 1 ونص الظهر اتحمم اتمكيج(امزح biggrin )وبعد مااتحمم ادخل على النت شوي يكون عندي اشغال حقة امس وماخلصتها اكملها وبعد كذا الساعه2 اتغداء وارجع النت ثانيه الى الساعه 4 العصر اروح ارتاح نص ساعه اشرب كوفي واتمشى بالحديقة وبعدين ارجع النت الى الساعه7 المغرب وبعدين اطلع ارتاح واخذ قيلوله الى الساعه8 ولا تسعه واصحى وادخل النت الى الساعه10 اذا كان اصدقاي بيجون عندي او نطلع نتمشى ونغازل(امزح biggrin )وبعدين نرجع الساعه2 في الليل يروحون وانا اتحمم واجلس على النت الى الساعه 5 الفجر اروح انوم وانتهى اليوم الشاق bored

    ومشكوووره على الموضوع الروعه gooood

  11. #10
    موضوع حلو أختي تسلمين عليه وبالنسبة ليومياتي فهي روتينية وماعمرها تغيرت

    أقوم من النوم الساعة 1 الظهر , أصلي بعدين أشغل الكمبيوتر وأقعد ع الفوتوشوب للساعة 3 العصر بعدين آكل شي خفيف يعني شيبس وعصير , بعدين أقعد للساعة 4 ونص ع التلفزيون بعدين أروح أسبح مع أخوي الصغير في المسبح ولا أطلع منه إلا الساعة 6 المغرب وبعد الصلاة يبدأ المشوار اليومي و أتسكع بالأسواق مرة بحالي ومرة مع بنت خالتي أو خواتي يعني اي أحد فاضي يجي معاي وأرجع ع الساعة 10 ونص أو 11 وطبعا يكون الإستقبال حار من أمي بتهزيئة محترمة rolleyes وبعدين مالي إلا أروح لغرفتي وأقعد ع النت إلى الفجر أو أحيانا أذا مالقيت شي بالنت أنتقل للـ PS2 وبعدين أصلي الفجر و أنام

    حياة مملة sleeping كل يوم على نفس الطريقة

  12. #11
    ممم اقوم من النوم الساعة 8 العشا خخخخخخخخخخخخخخخخخخخخخخخخخ<<<<< ملخبط ابو نومه..

    اول شي اقعد شوي متنح استوعب اني صاحي..

    اخش عالنت احيانا لمدة ساعة واحيانا ما ادخل..بعدين بعد العشا اخرج من البيت وارجع على الساعة 2 الليل..

    نتجمع انا والشباب واخواني ونتفرج افلام حتى الفجر..

    اقوم اصلي الفجر وارجع غالبا يكونوا مشيوا كلهم حتى اخواني..

    اقعد عالنت حتى 9 او 10 الصباح..

    بعدين احيانا اكلم تلفون لفترة ساعة اذا مرة مقفلة معايا وطفشان وارجع للنت ثاني وانام على الظهر..



    بس في استثناءات لو طلعت الكباين اصير اقوم من النوم العشا واقعد استوعب اني صاحي ساعة تقريبا وبعدين اطلع وما ارجع الا الفجر..

    اقعد عالنت حتى الصبح 8 او 9 وبعدين ارجع اخرج وارجع على 11 وبعدين اقعد عالنت ساعتين وانام..

  13. #12
    و عليكم السلام و رحمة الله و بركاته tongue

    كيف حالكم حبايب ..
    بخييير بخيييير تمام قود جيد جداً ممتاز نايس بيتر و الخ
    cheeky و بعدين قصبن عن خشمج انا من الحبايب cheeky
    ههههي ما عليج biggrin أسولف 3d


    يومياتي الحلوة اللي ماكو منها laugh

    الساعة وحدة و نص أو ثنتين الظهر 3d أجلس من النوم لأن المكيف طفوه عليي و أنا نايمة sleeping لأنهم صحوني و لا صحيت فمافيه الا المكيف surprised ،، اجلس من النوم و اروح اغسل و جهي و اتوضأ و أصلي الظهر rambo و بعدين امشط شعري و أرتب حالي cool و بعدها أروح أتغدى zlick و بعد الغداء أتابع تلفزيون و انا منسدحة و متوسدة 3 مخدات redface و كذا تستوي الساعة أربع ؛ أروح أجهز حالي و امشي لدورة الرسم rambo مجدة ماشاء الله علي ماعملت الواجب biggrin واجبهم يكسر الايدين ermm .. و انا في الدرس نرسم و نسمع و نطبق و طبعاً لازم أكون جالسة جنب اختي علشان التعليقات و التسيسر rolleyes ، و لما نخلص الدرس تكون الساعة 6 و خمس و خمسين المغرب 3d نمشي البيت ، و لما نوصل نصلي المغرب و العشاء .. بعدها ادور على اخواني اشوف كل واحد وش يسوي و العب معاهم شوي ^^ أحياناً نلعب أونو و دايما افوز انا و بالغش و خرق القوانين smoker smoker smoker ، طيب .. لما اخلص اللعب اروح مع امي و اسولف معاها و اساعدها في تجهيز العشاء rambo و نتعشى الساعة ثمانية rambo ، لما انتهي من الأكل أرووح طيران حق حبيب قلبي الكمبروتر biggrin و اشغله biggrin و اجيب معاي ايس كريم rambo واحد او اثنين و اشغل اغنية انمي و اجلس اكل الايس و اسمع الميزوك و اتابع النت biggrin .. افتح مكسات دوت كوم اول شيء و بعده افتح موقع بيست انمي دوت كوم و نادي الانمي العربي rambo .. اروح المسنجر و اسوي تسجيل دخول rolleyes و اشوف المتصلين و انتظر لما يسلموا هم devious .. اتصفح مكسات wink و اذا كان في رسالة اقراها wink ؛ اجلس ارد .. و يستمر هذا الجدول من الساعة 10 الى الساعة 5 - 6 الصباح cool .. و بعدها اطفي النت و اروح مع البزور السهرانين و العب معاهم او اتابع تي في biggrin و نسولف بشويش علشان ماتصحى امي nervous .. الساعة 8 انام ؛؛ و نهاية يومياتي هي بداية يوميات كاتي biggrin ههههههه

    تسلمي لي كاتي على المووضوع tongue ؛؛

    خرتتة smoker كوثر
    image
    يشرفني زيارتكم لمدونتي ^_____^

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter