كنت ببراءة طفلة
أزعل لا أحد قالي :: ماحبك
كنت أنزل دموعي غصب عني
وأمثل البكا
أروح لأبوي
يقولي :: وش فيها حبيبة أبوها
أقله وأنا ازيد في بكاي
شوفها تقول :: ماتحبني
يبتسم ابتسامة اللي تريحني ويقولي تعالي
يضمني لصدره
أشم ريحة عطره وانسى اللي جيت عشانه
يبعدني عنه
وأنا اقله ببراءة ::
لا لا مابعد ريحتك مسكت فيني
امسكني أقوى ..!!
يضحك لي من قلبه ويضمني بقوة لصدره
بضحكة طفلة كلها شقاوة أبوسه واقله ::
أحبــك
يبوس لي راسي ويقولي ::
وانا بعد احبك
روحي أعطي نص حلاوتك لها
وهي حتحبك
اطالع بحلاوتي وأنا استصعب أتنازل عنها
تقلي ماحيك وأعطيها حلاوتي
طالعت في أبوي ثاني وقلت له ::
طيب تجيب لي حلاوة ثانيه ..؟!!
يبتسم ويهز لي راسه
يطير قلبي من الفرح
وأروح لها وأعطيها نص حلاوتي
وتجي تبوسني وتقلي :: خلاص أحبك
آآآه يا يبه ليتني أرجع طفلة
وأجيك وأقلك ::
شوف محمد أحبه وهو مايحبني
تدري يايبه
كنت أجيك وأنا أحاول انزل دموعي
يبه دموعي الحين تنزل غصب عني
امسحها وترجع تنزل كأنها تعاندني
يبه ابتليت بحب أناني
أحبه وهو ولا همه
اشتاق له وهو يجافي
يبه ضمني لصدرك تعبت وضاق صدري
آآآآه يبه
ريحت عطرك للحين نفسها
كنت اضحك وانسى زعلي لا شميتها
ضمني اقوى خلني اشمها يمكن انسى تعبي
مدري ليه يبه الحين احس العبره خنقتني
أحس انه ودي ابكي واريح قلبي
يبه ... تسامحني ...؟!!
وانا في حضنك
تخيلت اني بحضنه
واني اشم ريحة عطره
تتوقع بقدر اقله ::
مابعد مسكت ريحت عطرك بملابسي
ضمني اقوى ...!!!
يبه ... دلوعتك اللي ماترضى زعلها
زعلت ومحد راضاها
حبيبتك اللي ماترضى تشوف دمعتها
بكت ومحد مسح لها دمعتها
بنتك اللي دايم تدور سعادتها
لها سنتين ضايق صدرها
يبه
كنت تقولي :: اعطيها نص حلاوتك لجل تحبك
تدري انا اليوم وش عطيته
اعطيت قلبي يبه
مو نصه ولا ربعه لا يبه اعطيته قلبي كله
مافكرت قبل ماعطيه ولا استصعبت اني افقده
ولا طلبتك واحد ثاني لجل اتنازل عنه
تخيل انه ماقالي :: أحبك بعدها
كيف كنت تقلي لو اعطيتيها نص اللي عندك بتقولها
انا اليوم سلمت كل قلبي وهذا القاسي ماحس
يبه
أحبــــــــه
من قلبي أقولها أحبــــــــــه
بس خلاص ماعدت ابيه
تعبني كثير يبه
جرحني ومافكر يداويني
غاب عني ولا فكر يسأل عن حالي
حتى مشاعري ماعدت افهمها
مرة احبه ومره اكرهه
مره ابيه بحضني ومره ابي ابعده
مره ابكي قسوته ومره ابكي فرح بجيته
يبه طلبتك
قله :: لا عاد يجييني
قله يبعد عني ويريحني
انا مابي ابعد عنه
ويجيني هالظالم بعد يومين يقول ::
انتي خنتيني وبعدتي عني
ابيه هو يبعد
هو اللي يقولي :: ما ابيك بحياتي
والله اليوم قبل بكره اتركه
بس لا يعلقني بحبه
يوم يطيرني السما
ويوم ينزلني سابع ارض
آآآآه بس ياليتني ارجع طفله
كان اول شيء انتبه منه
((حبك الأناني))







اضافة رد مع اقتباس














المفضلات