تجي تبعد على كيفك لمثلك مـا حسبـت حســـاب ..
تجي وتروح ما يفـرق أنـا عنـدي غـدا عـادي
----------------------------------------------------
هذاك أول أبى قربك خطـاك آنسـاه دون عتـاب
تقول ابعد وأجي يمك احسـب انـك لـي تنـادي
------------------------------------------------
حسافه خاننـي قلبـي وجعلتـك سيـد الأحبـاب
أحب اللي يحبونـك وأعادي مـن لـك يعـادي
-------------------------------------------------
جذبني طبعك الهادي وسحرنـي هرجـك الجـذاب
حسبتك منـي وفينـي لـك بروحـي أنـا فــــــادي
-----------------------------------------------------
لأنك كنـت لعيونـي نظرهـا وللجفـون أهـداب
أشوفك بالسماء نجمـه جذبنـي نورهـا الهـادي
---------------------------------------------------
وأشوفك شمس بعيونـي ولكـن ياحسافـه خـاب
أمل كنت أشعله شمعة فـرح فـي عيـد ميـلادي
-----------------------------------------------------------
ولكن بانت علومـك عرفتـك يـا شبيـه الـداب
تشيـل السـم بأنيابـك وأشيلك حـب بفـوادي
--------------------------------------------------
عرفت أنك شبه إنسان مجرد جسـم وسـط ثيـاب
يوسوس لك عدو الأنس تـدس السـم فـي زادي
----------------------------------------
وعسى فيها تعـرف انـه عملـك مـدونٍ بكتـاب
حسابك تأخـذه وافـي مـا هـو ناقـص ولازادي
----------------------------------------------------
وعساك ترجع لعقلك وعلى الماضي تصك الباب
وعسى تندم علـى طـرقٍ بهـا تمشـي بلاقـادي
------------------------------------------------------
دمتم بود







اضافة رد مع اقتباس



المفضلات