السلام عليكم و رحمة الله و بركاته
اشحالكم؟ شخباركم؟ ,,, عساكم ابخير و نعمة؟
هذا اول موضوع لي في هذا القسم
و اتمنى انه يكون في مكانه الصحيح ,,, و اذا ما كان في قسمه الصحيح انقلوه ( لأني ما عندي خبره في هذا القسم)
اليوم الخميس و قررنا انا و خواتي انروح للسينما و انشوف أحد الأفلام
و وقع إختيارنا على فلم Speed Racing
الفلم فيه لخبطه في البدايه و الكثير من الإثارة و السرعه الفااااائقه
المهم مو هذا موضوعي
موضوعي هو شي موجود في الفلم
الفلم في فقرة البطل و خطيبته يروحون سباق اسمه Casa Cristo
المكان عباره عن مجموعه من المساجد قريبه على بعض و فيها حريم غير محتشمات بين الرياييل
و الرياييل واحد ياكل (كباب) و الثاني فيده (شيشه) و الثالث عدّاله حرمه شبه عارية
درايش المكان كله عباره عن نقش إسلامي بحت
و في نص هالمساجد مسجد كبير عباره عن حلبة سباق,,, او مكان لإنطلاق السباق كله سيايير سباق
و بوستر المسابقه في الفلم عباره عن مسجد و مكتوب عليه اسم المسابقة
اول ما بدأ السباق ,,,, السيايير مرت بين العواميد إلي داخل المسجد الكبير
نحن انشوف الفلم و نحن جذي ------>
وين الرقابه على الأفلام؟ يستهزئون بالمساجد و يحطون فيها نساء شبه عاريات و الرقابه ولا على بالها
حسبي الله و نعم الوكيل عليهم ,,,, حسبي الله و نعم الوكيل عليهم
ما بطول عليكم اكثر
إلي شاف الفلم يقول لي رايه
و إلي ما شاف الفلم لا يشوفه احسن ,,, ولا إنه ينقهر![]()
تمنياتي للجميع بالتوفيق
تحيتي لكم
وارمووووووه




)


,,, او مكان لإنطلاق السباق كله سيايير سباق


اضافة رد مع اقتباس







المفضلات