مشاهدة النتائج 1 الى 5 من 5
  1. #1

    كيف تكونين طخمة وانتي شيفه ؟؟

    السلااااااااااااااااااااااااااااااام

    تقدرين تخلين خشتس تقل بنت من امهات عشرين اذا سويتي هالعشر خطوات.gooood

    طبعاً ذا الحتسي ماجبه من دميجتي ذا جايبه من المجلة البريطانية Womans World. smoker

    أولاً: لامنتس كبرتي لازم تقللين من المكياج rolleyes ادري انتس اذا ماحطيتي مكياج تنهبلين لكن الشكوى لله بس هم يقولون انتس بحاجه للنظرة الطبيعيه. cool

    ثانياً: لا تلبسين كل ماهب ودب من ذا الموضه ارفقي على عمرتس تراتس عجيز يعني البسي لبس عادي. tongue

    ثالثاً: ركزي على اربع اشياء يخلني مثل الحصان : تمغطي بطريق الامير عبدالله gooood (( التمارين الرياضيه )) وخوذيلتس غفوة وريحي عمرتس sleeping (( الاسترخاء )) ولا تكثرين اكل يعني اظبطي عمرتس مهب اذا شفتي حلا القهوه تصيرين تقل مشفوحه zlick ((الحميه)) وخلتس صبوره لاتقولين من اول يوم يووووووه ماطلعت زينه شكلهم يكذبون علينا frown (( الحماس)).

    رابعاً: لاتحطين تسريحه من تسريحات امهات عشرين biggrin او تحطين تسريحه حلوووه مررره يعني اختاريلتس تسريحه قصيره تناسب خشتس المملوحه.

    خامساً: اذا مشيتي وانتي دبا ترا بيصير وجهتس تسنه وجه وحده عمره 9000 alien اذا كنتي دبا خلتس على تمارين تقوية عضلات البطن.

    سادساً: لا تخافين على عمرتس واجد ترا اذا قلقتي على عمرتس بتطلع خشتس تقل ام ل60 بزر حاولي تضبطين اعصابتس وتسترخين وانتبهي لعمرتس. rambo

    سابعاً: مهب لازم تصيرين نحيفه عشان تطلع خشتس تقل بنت من امهات عشرين بس انتي حاولي انتس اذا زاد وزنتس لا يتعدى عن الوزن المثالي الا شوي وانتبهي من المفاطيح ترا ماضيع الشعب السعودي الا هالمفاطيح. laugh

    ثامناً: لازم تدهنين بمرطب يحميتس من الشمس واختاري نوع زين وخلي عنتس التدهن بالفازلين والوازلين ترا مهن نافعاتس اذا عجزتي وغدا وجهتس تقل كسرت خبزة. 3d

    تاسعاً: خلتس دايم تدربين كراعينتس واستخدمي دميجتس عشان تحافظين عليهن وخلتس دايم لازقتن بالناس وخاصة البزران عشان تعرفين وين وصلت التكنلوجيا والاشياء الجديدة اللي تطلع عشان ماتصيرين مثل التنكة بالزفه. nervous

    عاشراً: لا تنسين ان الشباب شباب القلب beard وانتس تقدرين تطلعين من امهات عشرين وانتي عمرتس ستين ولا تحطمين نفستس cry كل شوي ترتزين عند المراية وتقولين كشش حتى المرايات غشوووووها!!!.


    تمت الترجمة بمعامل مضيع بيتهم biggrin

    اللي مافهم شي يعملني عشان اترجم بلهجه ثانيه smoker
    الصور المرفقة الصور المرفقة attachment 


  2. ...

  3. #2

  4. #3
    مشكوره اختي على مرورك الكريم ومن ابداع الى ابداع انشالله

  5. #4
    خخخخخخخخخخ


    مشكور smile


    Aoi Sakuraba
    attachment

    الدنيا ساعه فاغتنمها في الطاعه

  6. #5

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter