السلام عليكم و رحمة الله وبركاته
أكيد شفتو حلقات خواطر 3 اللي جات في رمضان الماضي على إم بي سي 1
الحلقة اللي بتكلم عنها هي حلقة لما سألو ناس في الشارع ناس عاديين عن ماذا تنصح طفلك أن يقرأ كتب أو حتى قصص ؟
طيب لما سألو بعض الأمهات العرب ايش تنصحي طفلك يقرأ ؟
وحدة قالت : ماانصحه يقرأ شي لأني أظن إنو راح يتعلم مني أنا كيف يتصرف و شيء من دا الكلام <<< مو بالضبط كان كلامها كده بس كا قريب منه
المهم و لما جو و سألو أم أمريكية ايش تنصحي ولدك يقرأ ايش هي الكتب بالضبط يعني ؟
قالت : أنصحة يقرأ ( Bible ) و اللي هو الإنجيل و هاري بوتر و ساندريلا و الخ ...
يعني شوفوا الفرق
و الله لما تفرجت الحلقة قعدت أفكر لهذي الدرجة إحنا العرب أغبياء
طيب كانت هديك الأم الله يهديها شوية إتكلمت و قالت أنصحه يقرأ القرآن زي ماقالت الأم المسيحية مو تقول أنصحه ما يقرأ أي كتاب
لا و الأسوء لما سألو الأطفال ( العرب ) ايش تتحب تقرأ كلهم قالو ماأقرا إلا وحدة قالت تقرأ مجلة !!! ياعيني عليك
و لما سألو الأطفال الأجانب ايش تحبوا تقرأو واحد قال هاري بوتر و التانية قالت سندريلا و الثالث قال هاري بوتر
مو مهم إذا كان هاري بوتر قصص ماله مغزى المهم إنه يقرأ على الأقل
و كمان كتاب هاري بوتر يجيك كتاب كبير جدا يعني لو طفل قدر يقرأه فهذا يعتبر إنجاز كبير
أطلب من كل الأعضاء إنهم ينمو فيهم حب القراءة بالله لا تفشلونا
قدام الأطفال الغرب !!!
على الأقل تكون البداية مثلا بمجلة ميكي زي ماكانت بدايتي ثم تطورت لتصبح روايات و كتب و الحمد لله
ماراح تخسروا من وقتكم شيء إذا على الأقل في اليوم تصفحتو جريدة
و الله يهدي الجميع
سلام




اضافة رد مع اقتباس



المفضلات