صباحكم ورد ومساءكم فل
من القديم
واتمنى ان تنال اعجابكم وقبولكم
ماجت لى الدنيا علـى مـا اتمنـاه
صعب(ن)منالـك لوعليكـم بكينـا
انت الوحيد اللـى بحبـك هوينـاه
وانت الوحيد اللـى بحبـك شقينـا
كم واحد(ن)مكسور وكسره جبرنـاه
وكسر الخواطر صعـب والله علينـا
كم ليلة(ن)ضلما لشوفـك سرينـاه
ناطا الخطـر لجلـك ولابـه درينـا
بروى عيونى شوف من هو عشقناه
وابوصف اللى فى عيونـى هوينـا
وصفك حسين او وصفكم لو وصفناه
يزعـل عـذارا وصفكـم لاحكينـا
نـادر ولا زول(ن)بزولـك رأينـاه
الزين مـن صبـع القـدم للجبينـا
كملك ربـى فـى جمالـك وشفنـاه
ولا كامل(ن)غيره ومنـه ارتجينـا
ياللى بحرف السين خذ ما خذينـاه
وهات اللذى منـى بحبـك عطينـا
عطنى رسايل حبنـا اللـى كتبنـاه
واصبر على ما صـار والله يعينـا
ليلة زفافـك ليتنـا مـا حضرنـاه
ولا شفت منظر فى عيونـى حزينـا
يومك امشرع فى لباس(ن)كرهنـاه
وعريسك المحبـوب عنـك يمينـا
لاما عـرف شى(ن)بقلبـك عرفنـاه
انـى بغيتـك وانـت مثلـى تبينـا
تبكى وانا ابكـى هادم(ن)مابنينـاه
جسر المـوده بيننـا مـن سنينـا
يضحك ولا يـدري بدمع(ن)ذرفنـاه
منـى ومنـك حـرّق الوجنتيـنـا
غنوا فـرح كل(ن)يصفـق بيمنـاه
وانا صفقت الكـف حسـره علينـا
تحياتي
أبو داحم الشهراني
أديب مكسات








المفضلات