قومى يا مصر طلى
قومى طلى فى وش كل ولد ليك
ولد شايل فاسه وبيعزق أراضيك وولد سايب ناسه ومهاجر يصعب عليك
ولد شايل فوق كتافه سلاحه ومقرر يحميك
وولد ضاع منك يا غاليه وخانك مع أكبر أعاديك
ولد تايه فى الرمال بيعمر صحاريك وولد تانى باع الصحرا وبيستثمر فيك
ولد بيعلم ولادك وينور دماغهم وولد بيضيع ولادك ويدمر دماغهم
ولد مات فى قطر الغلابه المحتاجين وولد ناسى أنه قتلهم وبيبكى بأنين
ولد نايم على الرصيف محتاج للرغيف وولد تانى بيسرقه من المخابز فرقه أصل قلبه مش خفيف
بس برده فى ناحيه تانيه ولد شغال كل ثانيه فى المصانع والأراضى والمدارس بس راضى
بأى عيشه فوق ضفاف نيلك يا غاليه راضى بأى لقمه نضيفه
تحت أى كوخ وضله فوق ترابك يا حبيبتى
بس قومى يا مصر طلى
قومى وأحكى للى رايح واللى جاى قولى ولدى بين أيدى
عاشقاه عينى وغالى على بس أه من اللى بى
قولى يا أما ومتخافيش ضمى ولدك ما تناميش ثانيه عنه ما تغفليش
دول ولادك مهما غلطوا مهما بعدو ا ومهما عاندو ا
قوى ضعفهم بحبك وأمحى ذنبهم بعطفك
طبطبى يا أما عليهم وأمسحى دمع عينهم
ويله قومى يا مصر طلى



اضافة رد مع اقتباس



المفضلات