كيفكم إنشاء الله بألف صحة وعافية حبيت أنزل الموضوع وإنشاء الله إنه يعجبكم
موضوعي هو عن المواقف المحرجة جدا
س : ماهو الموقف المحرج جدا الذي (حدث لك _ حدث لكي) في حياتك ؟ باللغة (بالفصحى)
أو
س :شنو أحرج موقف ( لك _ لكي ) في حياتك ؟ باللغة (بالعامية)
أبداها بنفسي
مره وأنا رايح للمطار وصلت بعد صلاة العشاء باقي على الإقلاع ساعة ونصف بصراحة كانت لي أول مره أشوف المطار كأنه فاضي "ملاحظة" ( طبعا ما أحب أسافر بالطيارة وأنا توي صاحي من النوم ورايح للمطار لازم أكون مواصل من أمس أو صاحي لي أكثر من 12 ساعة هذا شرط إجباري مني ولا ما أسافر ) المهم أبروح أتوضأ عشان أصلي طبعا تعبان يالله أفتح عيني دخلت دورة المياه وما في أحد دخلت الحمام وبعدين خرجت ( الله يكرمكم وعزكم ) ولا ألاقي نفسي في دورة مياه نساء واسمع الزعيق والنياح وأنا مافكرة إلا بالشردة وأول ما أخرج من دورة المياه إلا رجال الأمن في وجهي ومسكوني وعلى غرفة التفتيش فتشوني وأخذو جوالي يفتشون فيه صورت أو لا ويحققون معاي قلتلهم والله ما أدري إنها دورة مياه نساء وما شفت اللوحة إلي مكتوب عليها دورة مياه نساء الحين مو لازم يكون باب دورة المياه نساء مسكوك وباب دورة المياه رجال الأغلب يكون مفتوح وأنا حصلت الباب مفتوح مدام إنه مفتوح قلت ما يحتاج أطالع في اللوحة أكيد إنها دورة مياه رجال المهم قعدوا يحققون معاي ونادوا الهيئة وتحقيق وطفشوني والطيارة باقي لها تقريبا 5 دقايق قلتهم الطيارة بطير قالوا نعم مسوي جريمة وتقول بأمشي قلتلهم والله مو قصدي المهم بعد تحقيق طويل تركوني والطيارة راحت علي وتبهذلت ذاك اليوم
هو موقف محرج وفي نقس الوقت موقف بهذله
الحين أبغاكم تجابون على السؤال ابي تفاعل
وإنشاء الله مو مكرر
المفضلات