(((( وصــــيـــّـه ))))
تركت القلب لك مرسى ,,,,,, متى ماتبغي فيه إرسى
ولاتقسى .. ولاتنسى ,,,,,, بأني حُبــــك الغـــالي ..!
****
تدلل وطلب عيوني ,,,,,, وآمرني .. يامفتوني
فؤادي معك مرهوني ,,,,,, لأنك كل آمـــالي ..!
****
جميع الناس لوينسون ,,,,,, على قلبي تراه يهون
ولكن حرقة المزيون ,,,,,, إذا يتركني ف حالي ..!
****
على فرقاه باتكـّدر ,,,,,, وقصر الحب يتكـّسر
وعيني بالبكى تسهر ,,,,,, وآعيش بحضن غربالي ..!
****
حبيبي .. لاتخليني ,,,,,, أهل الدمع من عيني
دخيلك رافق سنيني ,,,,,, وغيرك ماسكن بالي ..!
****
حبيبي كثر ماحبك ,,,,,, زرعت الورد في دربك
لجل عينك لجل قلبك ,,,,,, رخصت الناس والغالي ..!!
****
ياأغلى شي في عمري ,,,,,, ياشمس الحب يابدري
يانور العين .. يافجري ,,,,,, ترفـّق ورحم ابحالي ..!
****
إذا تسقيني العـلقم ,,,,,, على شانك أنا باطعــم
حلاة المُـر لوهو سم ,,,,,, واقولك شـُربته حالي ..!
****
واذا عشقك سبب موتي ,,,,,, وفجأه .. إنقطع صوتي
عيونـك قـبــر تابـوتي ,,,,,, وموت العشق يحلالي ..!
****
في قلبك إطبع أشعاري ,,,,,, ورددها في تذكــاري
ولاتدفنها .. أســراري ,,,,,, وبيّـن كل ماجالي ..!
****
ولاتنسى أبد فــرضـــك ,,,,,, بعد ماأندفن باارضك
زيارة قبري هي قرضك ,,,,,, عسى يالغالي تسعالي ..؟!
****
على قبري أبي شمعه ,,,,,, تضَـّويها في كل جمعه
وابي دمعه على دمعه ,,,,,, تبلل تـُربة ارمالي ..!؟!
****
وتحت اسمي أبي تكتب ,,,,,, أحـبـــــــك ياحبيبي حـُب
وحرف إسمك ابي يـُكتب ,,,,,, وصيه .. مني ياغالي ؟!!
غير منقوووووووووووووووووووووووووول
![]()








المفضلات