قصيدة جديدة كتبتها واتمنى تعجبكم
بتوصف شوق حبيب لحبيبته اللى فى بلاد بعيدة عنه
ومنتظر خبر منها
مســـتنى منـك خــبر
كسري كل الحواجز واوصليلي
لملمي كل الأحلام واندهيلي
هتلاقيني
لسه واقف مكاني
مستنيكي
بحلم بطيف بيسلم
بحلم بقلبك بيتكلم
واقولك
مدى الأيدين تلمس ايدين
مدى العنين تحضن عنين
مدى لحبك يروح لمنتهاه
مدى لروحك تمشى معاه
وامسحى الدمع اللى بات
على الخدود
وافتحى للشوق طريق
فوق الحدود
وماتمنعيش شوقك من السفر
ماتمنعيش الشمس تحب القمر
ماتمنعيش الطير يحلم ع الشجر
أنا لسه واقف مكاني
مستني منك خبر





اضافة رد مع اقتباس



المفضلات