...................................
يا قلب كانك فاقد لك حبيبه
وش عاد انا اللي فاقد لي حبايب..
راحو وخلوني ولا هي غريبة
في هالزمان الممتلي بالغرايب..
لكن بعض هالناس بعده مصيبة
اشد من فرقا الاهل والقرايب..
شخص هويته دون شك وريبة
علمني اشلون اتحدى الصعايب ..
طيب البشر .. لو هو يقارن بطيبه
يفرق مثل فرقا الثرى للسحايب..
هذاك هو طب الجرح العطيبة
لقيت انا فيه العجب والعجايب..
لكن خذاه الوقت مني غصيبة
اقفى وانا بعده عن الكون غايب..
راح وتركني للظروف الصعيبة
جسمي طواه الهم والراس شايب..
من عقبه الدنيا بعيني كئيبة
لا الحظ زاين لي ولا النوم طايب..
عرفت ليش دموع عيني سكيبة
وعرفت ليش اقول مالحب تايب ..
اخذت عبرة من ليالي عصيبة
ومن الظروف القاسية والمصايب ..
وما مرني في طول عمري مصيبة
اشد من قسوة .. وفرقا الحبايب
...................................





المفضلات