أولا : وضعت الموضوع هذا بعد ماقررت أن المكسات أكاديمي يتأجل , عشان ماأخرب على مواضيع المسابقات الثانيه اللي في المنتدى , والتأجيل لفتره بسيطه أن شاالله
ثانيا : هذا مو أسلوب جلد ذات , ومايعني الموضوع أني اتنكر لطبيعتي كشاب سعودي , أو استخدم هذه الشريحه للضحك والتندر فقط , لأن الشباب السعودي فعلا في وضع غريب , ينوضع في قوالب جاهزه له من الصغر , ياأنه يصير مطوع , ياأنه يدشر ويدج , طبعا هذا على تربيه الأسره , واختلاطه بالمجتمع القرين له من حلوه , (( بعض الأسر تربي أولادها أحسن تربيه وفجأه ينحرف , ياأرهابي بسبب اختلاطه باطياف متطرفه أو داشر بزرنجي مقطع أربع بسبب أختلاطه بشلل (( حط رجلك )) وشلل (( أصول الدعسه)) و (( قدام يلعن أم الريوس)) , طبعا هذي شريحه كبيره من الشباب وماأعمم , لكن للأسف ان الشريحه هذي بطرفيها مؤثره بالمتجمع بشكل قوي ,
تتوقعون هذا الطفل اللي يدبك وش بيطلع بكره أذا ماالله ستر عليه ؟ اطلق راعي دبكات في مراقص سوريا , وهي هي هي هي هاجر فوق الرعوشي حوشي دياتك حوشي أدبك ياولد ياولد
اما أذا خالط له شله (( أوخيه)) أو شله (( عصابه النيفيا )) راح يكون مصيره خكري دلوعه , ينضرب بمربوعه ,
يكبر ويخالط أشكاله في ديرتنا , وياااااااااااااااااااااااااااااااااااااي كخه وعه
أما أذا خالط عربجيه , ناس زاحفه للركبه , ناس مهيصه ومبيصه فاصله الريوس , بايعه الدور العلوي أشناب ودز دباب
يضرب المدرس والمدير , وبعض المرات يطق أهله بعد , بعضهم أعوذ باالله يسمي أبوه الشاكوش تصدقون ؟؟؟
ثم يبدا يتعلم التنطيل والتحذيف , والجلنط , ويصير كل همه ومناه سياره كامري , أو جلنط هوندا وياهوووووووووووووووه وخروا جاكم المفحط , أبو شنب
ببيييييييب حبتين ياشيخ , شوي بيخم السيارات من الرفعه
ثم يعطيه البابا سياره , وبعدها ابشروا بالازعاج
يروح بالجيب للطعوس ثم يقلب , عااااااااااااادي وماراح الا حديد , ابشر بعوضها وخذسياره ثانيه
يروح بالددسن على البران والخطوط ويقلب , عاااااااااااااااااااااادي فداك الحديد خذ سياره ثالثه
يدعس له ناس ويموتون عاااااااااادي فداك الحديد والناس , بس خلاص مافيه سيارات ,
الحين الولد وش يسوي ,,؟
اهاااااااا , يطلع للشواع وأنواع الازعاج والتسدح في المحلات والمقاهي وعلى الارصفه وعند المساجد وهات ياسرق جوالات وكفرات وضرب في الهنود ,
أضربه عادي هذا هندي لاراح ولاجا , اهم شي نسرق السيكل ونفل الحجاج
هذا عامل نظافه عااااااااادي , نضربه كذا بس نجرب صوت علبه القزاز في راسه , حتى لو طلع دم
حتى البعارين والقطاوه والكلاب ماسلمت من تسلط هذولي ,
عندهم طاقه عجيبه وغريبه يسوون أي شي لأجل (( لاشيئ))
يرقون الجدران مثل ماتركس (( هذي استعرتها من اخوي فلاش ))
يستهبلون ويعدمون بعض بس كذا مزح
يدعسون بعض , ويموتون بعض بس كذا مزح
حتى الواحد منهم لما يتوظف مايترك خباله وهباله , بس كذا مزح ,,,,,,,,,,,,,
عسى مااحد يصفقكم بالجدار مثل كذا ياشيخ
يقطع ابليسهم حتى الاغنيا منهم مايعقلون ,
وبموضوعي الجاي راح اكلمكم عن العرابجه لما يحسون في شي يدق قلوبهم ويقول (( طمبق طمبق ))
واسمه الحب ,
يبدون ينتبهون ان فيه شي اسمه بنات , وشي اسمه ذكر وانثى
لكن مايدرون ان بعض البنات مثلهم (( عربجيااااااااااااااااااات ياشيخ ))
عااااااااااااااش وتر وتر
لكن أخلي باقي اللقطات , في موضوعي الجاي عن (( البنات العربجيات)) , ويسرني ان أقدم هذا الموضوع لأخي العزيز سيد العرابجه في المنتدى وزعيمهم الأوحد (( [COLOR=Red]FLASH MIX [/COLOR] ))
أتمنى ان الموضوع اعجبكم واسف على الاطاله , واسف على عدم التنظيم الجيد فيه , لاني كتبته مستعجل وماكنت متوقع اني انزله , كنت اخطط واحسب لمكسات اكاديمي لكن ياالله
المفضلات