يسعد مساء درب الغلا وإختياره
كان إختياره وجهك اللي إختار
لو كان طول في رجاك إنتظاره
الحلم يبقى تضحيه نصف الأعمار
حبيبتي نفس الطريق ومساره
تمر رجلي حارتك عزم وإصرار
والليل لو غطـى الحياة بسماره
وتخافتت من خيبتـه كل الأنظار
ينزاح و أول من يزيحـه نهاره
لا شفت زولك طافــي بالأزهار
فعيونك عالم عشــت إنبهاره
قلبك اللي حبنــي مابها أسرار
الكلام اللي قلتيه مابـه شطاره
في عيونهم ما عاد للحب مقدار
تناقـلت الأفواه نفـس العباره
إني جنوني يجرفــه كل تيار
لامال ولاجمال عايش في عماره
ولاصلاة ولاصيـام ولا نيب بار
سكران و تاجــر كبير للزقاره
صغروني قالوا حبيبك ساق الأعذار
قلت المال يفنى والجمـال لساره
قناعتــي كنزي و للزمان الأقدار
أيه احبك صراحه ولقلبك إختياره
و للمدن بقـايا من أنقاض ودمار
و للقمر صـوره رغـم إنكساره
و لاتجبري قلبك إذا ميل وإستدار
وإنتي أدرى وين قلبي ومداره
و جمالك اللي إحسدوه الأبصار
تدرين أول شبت النار بشراره
و ساعة لقانا حلم و حقدهم نار
تحطمـوا تحطيم بـرج التجاره
بطيـاره من دون كابتـن و طيار
فلـي عن الوجـه الجميل الستاره
تعلمـي و شلون تكفيـن الأنوار
و جهـك حباه الله كـل النظاره
حرام يبقى حبيس خلـف الأسوار
أوقدت لك شمـوع قلبـي بحراره
هذا كلامي صـادق ما شابه إغباره
...وسلامتكم ...












000


المفضلات