عن لهيب القيظ وزّاك اللهيب = لاظيه لو كانت غيوم وبراد
أظلمت ذا الدار من غاب الحبيب = كود ماتاضي لو المحبوب عاد
وش بلاها مالها فسحٍ رحيب = موحشه ماطاب لي فيها قعاد
ماتقول البارحه فرح وطريب = الله أكبر كن ما فيها عباد
كني الي في نواحيها غريب = عابرٍ مارحبوا به في بلاد
لا تخبّر ياعسى عِلمك مرِيب = أو عسى عقلك به خبال و يهاد
من يوقظني من الحلم الرهيب = ليته إلا كان أضغاث الرقاد
ياغريبٍ في ديارك كن أديب = ما كذا تورد على العد الجياد
ويا يتيمٍ كف ترديد النحيب = مادريت إن الندم سقم ويحاد!
هوب كل العوق يبريه الطبيب = لا ولا كسر الخواطر له ضماد
الكرم يبكي على فقد الصحيب = والمراجل لابسه ثوب الحداد
مابكت صوب الهدد عين الربيب = من مثل كفّه يصاقر للهداد
والنخل ما عاد يثمر له رطيب = لعنبو من عقبه يحاتي الحصاد
والنوايف خاليه مامن ذبيب = مابعد رجله لها تهوى الصعاد
بوظبي قبرٍ لها وجه ٍشحيب = زينوها يا خليفه بالسواد
آه من علمٍ صفع خد العطيب = هزني هز الفجيعات الشداد
الثلاثا ياعسى ما من قريب = عظم فاله لايعود ولا يعاد
يانجيبٍ من نجيبٍ من نجيب = ماعقب فقدك نحاتي الإفتقاد
نسل مشروف الزغابا ياعريب = كاسب الشيخه على عد وعتاد
من قرومٍ مجدهم سهمه يصيب= كحّلوا عين الزمن عز وثماد
من على شبه الجزيره لك زهيب= ما أنجبن بيضٍ ولا مثلك يجاد
ياندى كف السحابه يا خصيب = تنبت الجردا ويجفاها الكساد
يايمينٍ صاحبت عقل اللبيب = وسدّوها تحت راسه ف اللحاد
عظّم الله أجر مقطوع النصيب = من يعزّي من يواسي يا نكاد
ليعتي لى كان في ثاره طليب = وألحقوه بثار ثاني بإرتداد
الحزن جيشٍ على جاشي خبيب= يقتحم صدري ولا عنه محاد
وين أولّي والثرى كله صخيب = عبرته تزفر على صم الجماد
حشرجت الأنفاس في اليم الغبيب=لو بيغني عن غثا السيل الزباد
يكتبك دمعٍ على طرسي صبيب=غير ماوفّى غلا قدرك مداد
نبكي الي راح عن قومه نهيب = في مسا يومٍ حكوا به ((قوم عاد))
يا إلهٍ أرسل الفذ الرقيب = النبي المصطفى خير العباد
وأرسل بأمره لنا زايد وهيب = نعمةٍ ينعم بها حتى الجراد
تدخله في جنة الخلد وتثيب = مثل ما سوّى جنانٍ من رماد
خالد بو شحيمه المنصوري



اضافة رد مع اقتباس




المفضلات